بغيت حل :( بليز

[محرومه حبه]

السلام عليكم ورحمة الله وبركاته
كروشات شحالكن ان شاء الله بخير وعافية.

بنات بغيت مساعدتكم.
انا حامل وماباجي شي وبدخل التاسع ان شاء الله.
وربي يسهل علي وعليكم.

بنات موضوع يخص ولدي.
عندي ولد ربي يحفظه احين عمره سنه و4شهور.
وانا حملت وهو 8 شهور وكنت ارضعه طبيعي لين كمل سنه ( وللعلم ماكنت ادري ان الحرمه لازم تفطم ولدها اول ماتحمل بالثاني لان مب زين وجي_وللحين مب فاهمه الموضوع خخخخ ).
المهم كمل سنه وهو يرضع وعقبها خلاص جف حليبي.
وحاولت معاه اعطيه صناعي ماتقبله نهائي.
وعقب تقبل يشرب الحليب الطازج بالفروله والشوكليت وطبعا مب دايماً.

مشكلتي يا بنات ان ولدي للحين مايرقد االا ع صدري
يعني صدري مسونه فديته شرات اللهايه.
واذا ماعطيته يقعد يصييييييييييييييييح ومايرقد ابد حتى لو كان مسطل ومنتهي ع الاخر.
اباه يودر هالعاده بس مب عارفه كيف.
وخاصه ان ما باجي شي وادخل شهري.
وما اعرف اذا بيستويلي حليب للبيبي اليديد او لا.؟؟؟؟؟؟؟؟؟

شو اسوي بنات
انصحوني.

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شمه الشطوره]

عايبنه الوضع ولدج هههه حطي شي في صدرج ما يحب طعمه
بيودره من ثاني مره بس بيتعبج بالصياح

[قلوب حلا]

شوي شوي عوديه على الشبريه الخاصه فيه صحيح بيصيح وبيعذبج بس بيتعود
كان المفروض يوم ماحملتي في البدايات جي تسوين احين وااايد صعب بس لاتتهاونين حاولي وحاولي
وحطي شي مر على صدرج عسب يوم يذوق مايطيع ولاتعطينه حليب فروله وايد بعيد الشر يسوي اكزيميا
ماعليه الغاليه الله يسهل عليج امورج ويفضل لو امج ولا وحده من خواتج ولا اهل ريلج يساعدونج في موضوع نوم الياهل

[toofy_j]

مرحبا .. انا اختي شراتج ولدها عمره 9 شهور وهس حامل ومايودر صدرها
ومايحب يشرب حليب صناعي والحين تحاول تخليه يودره بش بعده مب طايع
المهم ماعليج اﻻ انج تحاولين تعطينه حليب فرش مثل المراعي وﻻ اذا حاب حليب بالفراوله
عطيه ﻻنه فيه كالسيوم انا سالت دكتوره ف مستشفى دبس عن حالت اختي قالتلي هالطريقه
انج تعطينه حليب فرش هو اجرب حليب لصدر اﻻم .. وعن ولدج حطي مر وﻻ صبر خذيه من العطار
وحطيه ع صدرج ومابيعيبه الطعم وبيودره..

[toofy_j]

مستشفى دبي .. غلطه مطبعيه..

[reemalqassimi]

حاولي حتى لو يصيح ويصارخ أحين ترومين تعودينه عقب ما بترومين بتتعذبين أسبوع أحسن من أي النونو وتتعذبين أكثر

[شمالية وافتخر]

شوي شوي عوديه على الشبريه الخاصه فيه صحيح بيصيح وبيعذبج بس بيتعود
كان المفروض يوم ماحملتي في البدايات جي تسوين احين وااايد صعب بس لاتتهاونين حاولي وحاولي
وحطي شي مر على صدرج عسب يوم يذوق مايطيع ولاتعطينه حليب فروله وايد بعيد الشر يسوي اكزيميا
ماعليه الغاليه الله يسهل عليج امورج ويفضل لو امج ولا وحده من خواتج ولا اهل ريلج يساعدونج في موضوع نوم الياهل

[توته34]

اختي سوي شرات امي كانت اتحطي صرصور بَـُِّـًٍُښْ ها اللي ينباع بالسوبرماركت لعبان وبودره ان شاء الله