ولدي مايعرف كيف يرقد

**فرفوشه دلع** · 2013-04-05, 16:13

مرحبا امهات

انا بطرح موضوعي او استفساري واسمحولي لو كان الموضوع متكرر لانه صار لي فتره طويله مادخلت المنتدى ولا قريت مواضيع هالقسم

بس الحينه انا محتاجه مساعدتكن وابغيكن ياامهات تفيدني بخبرتكن

انا ولدي عمره 9 شهور فديته مشكلته ماشالله من بدا ينجلب مايرقد عدل كل شوي تلقينه داق راسه فمكان فالسرير وينش يصيح ويخرب رقاده
قمت ارقده عندي عالسرير عسب انه ماينش كل شوي والمشكله لاحظت انه يحب يرقد ع بطنه بس ما يعرف شو الوضعيه المريحه فالقاه طول الوقت يشل راسه ويحطه فمكان هههههههه انا بس اطالع واضحك ساعات اكون تعبانه وتوني بي ارقد يسويلي هالحركات وينش يصيح
يعني مشكلته باختصار مايعرف كيف يرقد بشكل مريح وانا مااعرف شو احسن وضعيه كل شوي اغير له ساعه ع ظهره وساعه ع ينب وساعه ع بطنه بس اخاف احاتي ايده وجتفه ولا صدره وانا روحي ماارقد مرتاحه كل شوي افز اطالعه كيف راقد

بليز فيدوني هل هالشي طبيعي من يبدا البيبي ينجلب ولا بس ولدي انا جذه وكيف ارقده واللي عندها صور بعد ياليت تفيدنا عسب نرتاح ونرقد مثل الناس ههههههه

المزيد من آخر المواضيع من نفس القسم:

**شمه الشطوره** · 2013-04-05, 18:58

يحليله ما عرف بشو افيدج بس ضحكني ولدج الله يحفظه

**ام عبد القادر** · 2013-04-05, 21:04

اختي يمكن شيء يعورة اذنه مثلا احسن تودينه الدكتور وتشوفي الوضعية المناسبة احس على الظهر يرتاحون الاطفال بنسبه لسرير حطي شيء على جونبه عشان اذا دق براسه مايتعور
موفقة انشاء الله

**ام راشد وسعيد** · 2013-04-05, 22:39

ولدي اخوي جي ما شاء الله عليه نفس المروحه امه اتقول كل شوي يغير الوضعيه من غير الطيحات من فوق السرير واخر شي يستقر با الرقاد نفس السجود سبحان الله

**كراميلا1** · 2013-04-05, 23:11

المشاركة الأصلية كتبت بواسطة ام راشد وسعيد

ولدي اخوي جي ما شاء الله عليه نفس المروحه امه اتقول كل شوي يغير الوضعيه من غير الطيحات من فوق السرير واخر شي يستقر با الرقاد نفس السجود سبحان الله

نفسى عيالي بالضبط كل ماحد يشوفهم راقدين نفس السجود يقلن لي ما كنتي اتقمطينه
انا فعلا ولا يوم قمط احد من عيالي

**اوراق ملونة** · 2013-04-05, 23:18

عادي اختي انا ابني كان يحب ينام على بطنة وانا من شفته ساعدته اني انيمه على بطنه وادور راسه يمين او يسار حتى لا يختنق
رغم ان كثير حذروني وخوفوني ان الطفل احتمال يختنق بس انا شفته انه يرتاح اكثر
والحمد لله صار عمره سنتين وهو يحب ينام على بطنه

شي ثاني حبيت ااذكره اني كنت اقمط الطفل

**3yoon Ba3'dad** · 2013-04-06, 00:16

و الله الصراحه ما عرفت بشو أنصحج بس إن شاء الله الي تعرف تفيدج وتستفيدين من نصايح الخوات

**ريم العولقي** · 2013-04-06, 00:21

هههههه اتخيلت شكله .. الله يخليه لج و الله يعينج..

**الشاعريه** · 2013-04-06, 11:33

نفس بنتي
جنها تسوي جمباز وهي راقده
انش القاها في زاويه السرير منخشه
طبيعي هالشي لاتحاتين

بس انصحج انج تعودينه يرقد روحه لان الطفل بها العمر يقدر يهدي نفسه وينام بدون هز ولا غيره

**دلوعة بودي** · 2013-04-06, 11:34

حبيبتي افضل وضعيه لنوم الإنسان سواء طفل او حتى نحن الكبار هو جنبه اليمين والأفضل تعوديه من هو صغير لأوانه الرسول حثنا على هالشي وأكدوا الأطباء هذا الكلام انه النوم على الجنب اليمين هو الأفضل لانه الكبد في جهت اليمين فإذا نام الشخص على الجنب اليسار تضغط الكبد على الرئه والنوم على البطن نهى عنه الرسول لانه نومة أهل النار فانا عودة اعيالي من يوم هم اصغار أنهم ينامون على جنبهم اليومين لانه هذا الشي يصير مع التعويد والنوم على الظهر أبي الياثوم فسبحانه الله كلام الرسول صلى الله عليه وسلم افضل الكلام وأبلغه

**Um Yousef 39** · 2013-04-07, 01:08

حبيبتي عادي لا تحاتين نفس ولدي كل شوي ياخذ وضعيه وانا حاطتله الحواجز الاسفنجيه تتركب على السرير بالكامل عشان ما يعور راسه بتحصلينها في بيبي شوب. ومره خليته يرقد عدالي جان يرفسني في نص عيني خلاني اشوف نجوم

**بهلولة** · 2013-04-07, 13:26

حطيله حواجز مريحة
بتحصلينها بمحلات الاطفال
ودوم جيكي عليه عسب لا يختنق

**عطر رومانس** · 2013-04-08, 01:32

كل الاطفال تقريبا من يدخلون الشهر التاسع يصير عندهم نوع من التوتر يعني مرحلة وراح تعدي ...
ﻷنه الطفل ف هالمرحلة يبتدي يحس ويستوعب ويكتشف الاشياء اللي حولة بشكل اعمق عن قبل فتﻻحظينه لما ينام انه كثير ااحركة ما يستقر ع وضعية معينة ﻷنه جسمه دخل مرحلة النوم ولكن عقله بعده صاحي وقاعد يخزن اامعلومات والاحداث اللي مر فيها ....هههه فتطمني ما فيه اﻻ العافية وحطيله
حواجز اسفنجية ،،، ربي يحفظه ويخليه لج سند وذخر

**فرفوشه دلع** · 2013-04-08, 02:50

مشكورات حبيباتي وماقصرتن الحمدلله تاكدت انه ولدي طبيعي ههههههه بحاول اني اخليه يرقد ع بطنه براحه اكثر
مابي اعدد نكات بس كلكم ماقصرتوا اشكركم كلكم وحده وحده من اول مشاركه الين اخرها وربي يحفظ لكل ام ضناها ^^

**(( بسمه ))** · 2013-04-08, 04:35

حبيبي والله الله يحفظه ان شاء الله يكبر ويستقر رقاده ^^

الموضوع: ولدي مايعرف كيف يرقد

أدوات الموضوع

عرض

العرض المتطور

ولدي مايعرف كيف يرقد

المزيد من آخر المواضيع من نفس القسم:

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

رد: ولدي مايعرف كيف يرقد

المواضيع المتشابهه

ولدي ما يرقد من ليلتين

كيييييييييييييف اخليه ولدي يرقد ف شبريته

ولدي يحب يرقد على جهه وحده ساعدوني(4شهور)

ولدي مب راضي يرقد بروحه ابا الحل

ساعدوني..ولدي ما يرقد وكله يصارخ