تعبت تعبت

[اماني سيف]

مشكلتي يا بنات مشكله وبحكيلكم واتمنى اللقى الحل عندكم :

انا وزوجي متزوجين زواج حب وأحين صار لنا متزوجين تقريبا شهر سته بندخل سنتين والحمدلله عندنا ولد الله يخليه لنا عمره عشر شهور وشي المهم طول فترة زواجناً وزوجي شايل ايده من مصروف وملبس وكل شيً لانه يدري أهلي عندهم فلوس ويعطوني معاش عود وهو درى المهم انا سكت وهذا هو الغلط من زود الحب صرت ادفع بطلعاتنا والسينما و المطاعم وووووو الخ لين ما يبقى لي ولا فلس وهو تعود على هال شي وعنده معاش وأهله يعطونه يقتر علينا والله اذا مثلا هو بيدفع مره بالشهر بمطعم ذاك اليوم بيقولي شبعان مابا انتي كلي وارتاحي هنا انا من صدق أعصب وينسد نفسي من هل لحركات الماصخه وكم مره اكلمه وأعاتبه أقوله انتا بخيل انتا ما تصرف لا علي ولا على ولدك والشقه اللي جاعدين فيها ببلاش مالت امه هو لا يدفع شي وصغيره وتعبت من العيشه وياه طول للوقت يقولي اجمع لبيت اجمع نبني بيت بس هذا مب عذر والله تعبت ونفسيتي صارت صفر كرهتو وكرهت كل شي فيه انا تحملت مصاريف وايد بس كافي الصراحة انا مب ريال البيت استلم كل شي لازم يساندني بس لا حياة لمن تنادي ابا حل يا جماعة الخير حتى أبوه كلمته وعصب عليه ونازعه اصطلبً كم يوم عقب طخ مره ثانيه لاحولة ولاقوة اللا بالله ادعولي الله يشفيه من البخل اللي فيه فضحني حسبي الله ونعم الوكيل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[dxbaii]

لا حول ولا قوة الابالله

[طيف الغربة]

ربي يهديه ويصلح امره

غلطتك واسمحيلي عزيزتي من البدايه عوديته المفروض ما تصرفي قرش من مال اهلك

وهو يسوي كل شيء الا في حال وضعه المادي حرج بنقول اوك تساعديه بالشيء اليسير


لكن ما يبا يدفع شيء وانتي تتولي كل الامور مايصير


وقفي كل قرش تصرفيه قول له اهلي تغيرو ما يعطوني شيء وتمي كده فتره لين يغير من طبعه مثل ما عوديته من البدايه اللحين عوديه على العكس

والله يفرجها عليك

[قلوب حلا]

الله يعينج يالغلا للـــــــــــــ{فع

[شمه الشطوره]

البخيل وما ادراك ما البخيل انسان يجيب المرض والهم
الله يعينج يا اختي نزين لبش تشلي من اهلج جربي شهر بس ما تشلي شوفي شو بيسوي
الصراحه البخل والخيانه محد يتحملهم
الله يعينج

[!ام زيود!]

الله يعينج والله

[ملكان]

اللّه ايعينج اختيه...

[!ام زيود!]

اناا اعاني بنفس الموضوع

[بنت راك99]

البخل مرررض صعب العلاج منه الله يعينج والله

[الأحلام الملونة]

أستهدي بالله ليش أتكبري السالفة وهي صغيرة

علي حسب كلامك أن الطلعات والمطاعم والسينما أنت اللي تصرفي بس ما ذكرتي بنسبة لمصروف البيت كيف هل هو من يحضر مستلزمات

البيت من أكل وشرب وأغراض الجمعية ؟؟؟؟؟؟؟

أذا لا وأنت من تشتري هنا أقولك وقفي ولا تشتري شيء ما أعتقد يتركك أنت وأبنك بدون طعام

كل أول شهر أكتبي أحتياجات البيت بورقة وأعطيها لزوجك مهما كان الزوج بخيل لكن يطعم بيتة من الأساسيات

واذا علي الكمليات جربي فترة لا تروحوا مكان لحد ما يتعود علي الصرف

أما اذا أمتنع عن الأساسيات هنا أقولك خذا أبنك ورجعي لبيت أبوك لأن هذا ليس زوج هذا عاله يمكن ببعدك يحس علي دمة ويعرف مسؤلياتة

[ليندااااا]

الله يعينج
صراحة أصعب شئ البخل الله يكفينا شره ويبعده عنا

[كتكوتة حبيبي]

انتي بديتي الغلط وفي ايدج تصلحينه
لا تصرفين ابدا قولي اهلي وقفو المعاش
بس انتظري كمن شهر وقولي له هذا الكلام لان لو قلتي له الحين ومع تلميحج له بالبخل وابنه ما يصرف بيقول انج كذابة ومابيصدق انتظري ووكلي امرج للباري سبحانه وتعالى

[reemalqassimi]

انتي بديتي الغلط وفي ايدج تصلحينه
لا تصرفين ابدا قولي اهلي وقفو المعاش
بس انتظري كمن شهر وقولي له هذا الكلام لان لو قلتي له الحين ومع تلميحج له بالبخل وابنه ما يصرف بيقول انج كذابة ومابيصدق انتظري ووكلي امرج للباري سبحانه وتعالى

كنت يائه أقوله نفس الكلام لازم تسوين طريقه ع اساس انه أهلج ما دفعو عشان محتاجون لشي او ألفي انتي القي طريقه عقب غضبا عنه بيدفع اذا دفع كمن شهر سيري بيت أهلج

[ورقة ناعمة]

خلاص كلميه قوليله اهلي وقف المعاش ماراح يعطوني .... ولاتحاولين تحسسينه انه بخيل لان البخل علاجه صعب

كانج تطلعين روحه .. اذا كلمتي حد من الاهل بالفون سوي عمرج تجاملينه على انه انسان كريم ومب مقصر بشي

وقوليله انا كلمت اهلي خلاص ما ابغي يدفعولي وانت مب مقصر فيني

[* أم أحمد]

لا اله الا الله محمد رسول الله