............مقهوووووورة ...........

[تـوتي فـروتي]

السلام عليكم بنات
أنا فكرت بقرار ومصرة اتبعه وابى اشوف رايكم فيه
السالفة
أنا متزوجة تقريبا من 4 سنين ومن الاهل وعندي ولد وبنت

أنا وريلي الحمدالله مستانسين وبا بعض ونحترم بعض ولوصارت مشكلة مانطلع مشاكلنا لحد نحلها مع بعض لاهو يشتكي مني ولا انا اشتكي منه
صارت لنا مشاكل مع أهله فبداية زواجنا خلتنا نطلع بيت اروحنا
المشاكل كانت اهله يدخلون بكل شي ومستصغرين ريلي ويسبونه انا كنت ما اعاون ريلي بالعكس كنت المحبه لهم النصوحه لزوجي بالمناسبات امكيج اخواته واخليم يستعيرون من اغراضي ولا ابخل عليهم بالهدايا وفوق ها مابين فيه
فقرر زوجي يطلع بيت اروحه وكنت معارضة ان كنا تونا معاريس
مانقدر نطلع كله ممنوع حتى شهر العسل سافروا معانا
وطلعنا وامه دعت علينا دعاوي ماتدعي على مسلم وانا كنت حامل فبنتي
وعانيت وتغربت ويا زوجي فابوظبي وربيت فبنتي ولازاروني ولا اهتمو وزاروني مرة على ريولهم حتى امه ماشلت بنتي وكبرت بنتي وبين انها فيها شد اعصاب فريولها ومامشت بنتي
وكنا نزورهم الى فالويكند بحكم دوام زوجي طول ايام الاسبوع فابوظبي
ويوم نزورهم يروحون بيت اهل امه علشان مايشوفونا ويوم يبى ريلي يسلم على امه تسكر الباب على عمرها
وشوي شوي مع الهدايا وتدخلات الاهل رضوا الحمدالله وخالي تغير 180درجة للافظل اقصد ابو زوجي وصار يحبني ويحترمني ويقدرني ويوم ولدت بولدي سوى عزيمة وماقصر اما امه كانت تجاملنا وتعق كلمة زينه وكلمه شينه
الحمدالله مشى ولدي وفرحني الله فيه و الله يشافي بنتي
وكملنا سنه ونص طيبين بس امه مايمر زيارة الا تقول كلمه تسم البدن
وزيارتنا يوم الجمعة من الضهر لين الليل ومابحدد الساعة لانه مرة نطلع 11 او12 وكله سوالف امه ماتخلص ومايحلى سوالفها الا اليل علشان نتاخر والله مرةطلعنا2 فليل
اظغط نفسي يوم الخميس بشغل البيت والغسيل علشان اعرف ان الجمعة ما اقدر اسوي شي فيه
أجازتنا تضيع يليت ييلسون معانا طاف انا وعيالي لو احسب اليلسة امه مع عيال ماتكمل ساعة وطول اليوم سوالف بتلفون او فالغرفتها تيلس وحالة بناتها نفس شي ايباد وفالغرفة كله ها وانا صابرة وساكتة
شو الي طلعني عن طوري اسمعن بنات
وضحت من البداية بنتي تعتبر من الحالات الخاصة عمرها 3 سنين
قلتلكم امه كلامها مخلوط سم بالعسل من زمان بس بدت اطلع قناعها الحقيقي بخبركم انه بنتي شعرها منفوش بس ناعم واحنا عائلتنا معروفين بالشعر الناعم وهي تعيب على شعر بنتي اختي شعرها بعد نفس شعربنتي اطنزت على شعر اختي بالمنفوش جدام ريلي واخوه الكبير واختي فسن الزواج وانا سكت
اطلع عيوب امي انها حارة وما تتعاشر وانا ساكته
ونفس الشي اخوات ريلي يطنزون على عيالي انهم صدعة ويوم يسونها فالبامبرز يسبون ريحتهم خايسة ومايتحملونهم
ومرة بنتي كانت تلعب بالايبود اخته الي فالثانويةشلت الايبود بقلة ادب وبدون ماطلبت باحترام بنتي صاحت ويوم صاحت فرت الايبود على بنتي وقالت اندوج يالصدعة كانها ماتعامل صغيرة ويوم بنتي تبى تلعب باليباد ينخشون فالغرف ومايعطونها تلعب وامه تشوف ولاتقول شي

وهالاسبوع يالسه اتكلم مع امه عن اني رقيت بنتي بالسدر مدة 7 ايام عن العين ردت علي بكل استهزاء رقيتج ماتنقبل لانج تسمعي اغاني وتشوفي مسلسلات انا فتحت عيوني انصدمت هي تعرفني اني من النوع الي مايسمع اغاني ولايشوف مسلسلات ودوم انصح بنتها عندها MP4 كله تسمع اغاني وكم مرة شافتني انصح وتعرفني اني من النوع الملتزم ووتتهمني بها الاتهام دافعت عن نفسي بس مااكتفت قالت انتي تشغلين طيور الجنة وهاي تعتبر اغاني قلت ها حق بنتي ومب كل الوقت بنتي تلعب العاب تعليمية بس للاسف قالت انتي ماعندج يقين بالله دخلت قلبي ماشاءالله انا مسكت نفسي وكنت بموت من الحرة ماكفاها وردت تقول انه في بنت من اهلنا دخولها الروضة خاصة كبر بنتي وهي امس زارت خوال ريلي وحريمهم يتيمعون فبيت امهم وسالوها انه بنتي بتدخل الروضة ردت بكل حقارة ووقاحة تأشر على بنتي هاي المكسحة بتدخل الروضة خلها تودر المرضعة قبل

ماقالت هاي بنت ولدي صغيرة حالتها خاصة اتكلم عليها بها الطريقة عند الناس المفروض ادافع عنها تقول حليلها ومن هالكلام أنا انفجرت ومسكت عمري لين وصلت البيت ورمست ريلي وقلتله عن كل الي صار وقررت اني اقلل مدة زيارتنا شوي شوي لين اخليها ساعة بس ولا اكثر
خلاص ما اقدر اتحملها طالت وشمخت
هاي مايبن فيها شي من اسبوعين مسويلها حفلة كلها على حساب ريلي والهدايا
بس شو اقول غير الله كريم انا ما اعتبرها جدة لعيالي طول اليوم ماتقعد معاي ولامع عيالي وان كان عندها مشوار طلعت ولاخبرتني انها بتطلع
الدليل انها ماتحبني مرة ريلي يبى يسافر مدة 4ايام ويا اخوه كشته ماوافقت وعصبت قالت كيف بتخلى حرمتك عندنا وعيالك من بيتحملهم ماشاالله الاحترام وايد فايض مرة ماتنطاق
رفعت ضغطي وانا حامل تعبت منها مرة كنت مريضة قالت شوفيج قلتلها اتهاب بول عزكم الله قالت تستاهلي لانج تاكين فلفل اخ كم بشكي وبقول لكم الله يعيني
مب متلومه غير بابوه وهو خالي يحبني ويحب عيالي بس بعد هو ريال مايكون فالبيت يروح يزور اخوانه اشوفه قليل
ماعرف انا صح ولا غلط

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية