فستان عروس Hazar or Ozgul

[MiSs_DaLa3]

على حسب اللي تختارينه حبيبتي

البداية من 20 الف تقريبا


افضل تروحين عندهم او باتصال

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مريم الفهد]

هزار تصاميمة راقية

[عنقاشة كاشخة]

عنقاشة كاشخة
مشكورة وايد وايد فديتج على كلامج

الصراحة سرت لهم امس ومثلج تخبلت ماعرف شو اختار .. ههههه مخي افتر والحمدلله الحمدلله ثبت على واحد من الفساتين وان شاء الله كل شي يكون تمام

ريحتيني بخصوص التضييييق الصراحة لاني انا شراتج ضعيـــــفة وايد .. وصح بسوون زوايد بوش اب واسفنج وغيره
وبالنسبة للكعب "انا قصيرة" فأكيد باخذ من عندهم صح ان مافيه حركة او ستايل .. بس ما بينباان "اهم شي اقدر امشي على راحتي ف القاعه "على الكوشة"

روعة الصراحة فساتينهم ماعليه كلام وتعاملهم بعد حلوووو

فديتج انا كتبت الرد .. قلت اي وحدة بتشوف الموضوع ممكن تستفيد من رايي.. لاني توقعتج اخترتي خلاص... بس من ناحية التضبيط ولا تحاتين ابد بالعكس هم اصلا بيسوون لج احسن من اللي تطلبينه... يعني انا قلت ضيقو لي من تحت صوب الارداف بأول مرة رحت لهم.. وقلت لهم سكرو لي من ورا... بس خخخخخخخ عقب اقنعوني انه جيه احلى وسوولي حركة من ورا اكسات زيادة ما كانت موجودة بالفستان مع اني ما طلبتها... المهم يوم رحت اسوي البروفة قبل العرس بكمن يوم بعد تخبلت عليه اكثر وقلت الحمدلله اني ما سكرته وايد.. خخخخخخخخخ

بنفس اليوم قبل عرسج يوم بتسوين البروفة الاخيرة بيعلمونج كيف تمشين وكيف تيلسين وحتى كيف تعرضين الفستان بس بطريقة راقية جدا وكيف انج تطالعين الناس والكوشة ويمين ويسار بدون ما تنزلين راسج خخخخخخخ حسيت كان عرض ازياء..

بخصوص السعر بصراحة انا صدق صدق كانت حالتي خاصة.. وفعلا الاسعار تبدا من 20 الف.. بس ما اعرف ليش انا عطوني فستاني ب 15 الف... اللي صار انا خذت الفستان ملبوس مرتين قبل يعني انا ثالث لبسة... كنت سايرة من وقت يعني اول ما بطلو انا دشيت اول وحدة .. ما فيه ولا كستومر كان موجود... دخلت تلاقيت مع منو!! مع مديرة المحل.. قالت لي تعالي انا فاضية وبراويج الفساتين من حسن حظي.. المهم اخترت ثلاث فساتين ب3 ستايلات مختلفة تمامااااااااااا عن بعض.. على طول انصدمت.. قالت بحياتي ما شفت وحدة تختار 3 غير وااااااااااااايد عن بعض.. بس قالت لي عجبتيني شاطرة.. جربي الثلاث وعقب قرري الاحلى..

المهم لبست الاول .. كان شكله جناااااااااااااااااااان.. حتى هيه روحها تمت تقول روعة روعة عليج وخواتي بعد حبوه وايد وانا حبيته.. لبست الثاني والثالث ما كانو بدرجة الاول... المهم عقب قلت لها خلاص ابا الاول بس بكم؟؟ قالت لي اسعارنا معروفة وجيه.. قلت لها شوفي انا ميزانيتي انه الفستان ما يزيد عن 15 الف وزوجي اصلا ما يباني اخذ اكثر عن 10 الاف بس انا ما بقوله... قالت لاااااااااا 20 الف بعطيج اياه.. قلت لها: ما اقدر مستحييييييييييييل

المهم قالت لي روحي بدلي وتعالي تحت بنتفاهم... خلصت بدلت وخذو القياسات وكل شي.. نزلت تحت شفت ما شاء الله زحمممممة وايد بنات كانو يايات .. سألت عنها وكانت وايد مشغولة.. قالت لي انا وايد مشغولة وخلاص ما بزعلج لانه الفستان صدق حلو عليج خذيه ب 15 الف

انا تحريت انه عادي هم ينزلون السعر وجيه.. بس ثنتين من ربيعاتي سارو عقب ما لقو الا ب 20 الف وفوق الحمدلله حظي كان حلوووو

[MiSs_DaLa3]

عنقاشة كاشخة

ريحتيني وايد فديتج

اهم شي وقت الزفة والوحده لازم ما تكون متوترة وتعرف تمشي بالفستان مثل ما قلتي "بروووفه" ويهيئوون الواحد قبل العرس

هذا الموضوع وايد وايد أفكر فيه وخايفة منه "كنت"
عجبني وصف "عرضة أزياء"

يوم جربت كذا فستان صدق صدق حسيت اني عارضة أزياء جدام خواتي هههههه "و خبلووا فيني كل وحدة تقولي هذا حلو وهذا حلووو" تخبلـــت
والحمدلله اخترت وارتحت وسويت شوي اضافات .. مع اني سايرة وايد متأخر .. وايد فساتين محجووووزة

واختارت لي كذا فستان غير اللي اخترتهم . يعني منوع من المنفوش والعادي وغيره

الحمدلله راعوووج فديتج في السعر
انا ماخذه فستاني فووووق ال 20 الف للأسف وما نزلوا لي شي


بس خذته وانا مطمنه ومرتاحة الحمدلله

[امل السورية]

موووووووووووفقة

[rita hair]

موفقة

[ضحكة القمر]

عن نفسي شخصيا فستان عرسي من هزار وكنت انا اللبسة الثانية وطلبت خدمة يوصلونه لي لين قاعه العرس وهم يردونه وكان ابيض ثلج جنه اول لبسة والقياس جنه مفصل على جسمي وموديلاته كل واحد احلى عن الثاني وانتي بتحتارين في البسيط والثجيل من حلاتهن


والناس اذواق بس الافضل تروحين بنفسج انا كنت شاله هزار من بالي وكنت ابا رامي العلي بس تصاميم هزار احلى ولو ان رامي العلي اغلى وللعلم رامي العلي بس تفصيل مب ايجار

والله يوفقج ومبروك مقدماً

[كلامي عسل]

مووفقه

[مـريوم]

حاطة هزاز في بالي من زمان ..

والحين تشجعت عليه وااااااااااااااااااااااااااااااااااااااااااايد

تسلمون خواتي ... شعوركم وصلني كاني انا الي لابسة الفستان من الحماس ^___^

[مبدعة الجمال]

مووووووووووووووووفقه

[cutyah.87]

up
up
up

[adary 8lbk]

ثانكس بنات حمستوني وأفدتوني وايد

يزاكن الله خير

[شمعه عمري]

انا افضل محل بروفنياس دبي مول و لاسبوزا وافي عم هالمصممين ..
لان الاستايل الحين الفستان السمبل بدون كرستال

[بنتـ DXB]

يغلق بناءً على هذا الرد

مشكورات يا حلوات

الحمدلله حصلت الفستان اللي بخاطري