حملة: معًا لتنظيف المنتدى من العضوات ((الخرابيط)) ومواضيعهم ((الخربوطية))

[شمـــ وفا ـــعة]

السلام عليكم ورحمة الله وبركاته

خواتي الحبيبات اشحالكم؟؟
عساكم بخير..

خواتي المشرفات اشحالكم؟؟
عساكم عالقوة ..

الموضوع باين من عنوانه
كثرت في الآونة الأخيرة تسجيل عضويات بأسماء غريبة وعجيبة وخرابيط
أظن هذيل يحطون الكيبورد في ايدين عيالهم ويخلونهم يضربون عليه ويسجلون بالاسم اللي يطبعونه عيالهم

والمشكلة انهم ينزلون مواضيع غريبة عجيبة خربوطية مالها اي فائدة تذكر

هذا غير الاعضاء اللي يسجلون عشان يسوون دعاية لجهة او شركة معينة

والاعضاء الاغرب اللي يحطونلج مواضيع تتعلق بالدجل والسحر استغفر الله

انا ماعرف هذيل من وين ايون
اللي يقولج جلب الحبيب مادري النصيب ا جلب الشيطان الله يرد كيده في نحره قولوا آمين

عشان جيه خواتي نحن لازم نتساعد مع المشرفات لأنهم حليلهم مب ملحقين الله يعطيهم الصحة والعافية

أبسط شي بدال ما بعض الخوات الله يهديهم يردون على كل موضوع برفع او موفقة يا اختي اقري الموضوع وشوفي مضمونه عقب ارفعيه مب تحطين اي رد بس عشان تزيدين عدد مشاركاتج او عشان تنشرين اعلانج الموجود في التوقيع

خلونا نتعاون نبلغ عن هالفئات العير مرحب بها على صفحات منتدانا الغالي بكبسة زر

عندج شكل المثلث الصغير تحت اسم العضوة عاليمين اضغطي عليه وسوي تقرير عن مشاركة سيئة لأي من المواضيع الخربوطية او اللي تخل بالقوانين والآداب

أو تواصلي مع مشرفة القسم وبلغيها عشان نقضي على هالحشرات اللي تطير مني مناك مع بف باف القوي الجديد

وننظف صفحات المنتدى من مواضيعم الخربوطية اللي مالها معنى بتايد وفوقه ديتول
مع تايد للغسيل مافيش مستخيل
وديتول يقضي على أصعب البقع ويحمي من الجراثيم

حطوا ايديكم في ايدي وايد المشرفات وصدقوني لو الكل تساعد بنكون لهم بالمرصاد ونوقفهم عند حدهم

وأشوف همتكم ونشاطكم

دمتم بود

مشرفات لو سمحتوا ممكن نحط ثيم للموضوع في تواقيعنا؟؟
اذا ممكن في حد من العضوات الحلوات الشطورات ممكن يسويلنا ثيم؟؟

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام منصووري]

صححححح كلاااامج واناااا معااااج
لاااا بعد اتييج عضوه موضوعها ابددد مب مفهوم ولا تسوي دعايه وتحط موضوعهااا بكلللل الاقسام فالمنتدى لييييش انزين ><

الله يكووون بعون المشرفااات ان شاء الله بنساعدهم

[شمـــ وفا ـــعة]

حياااج ام منصوووري ويزاج الله خير
منو بيدعمنا بعد؟؟ دعم مساعدة يعني مب تدعمونا بسيارة ولا شاحنة

[زم_قمر_ان]

كلامج صحيح

والحمدلله انا دووم اضغط الزر المثلث وابلغ

والله المستعان

[نادية ال علي]

يــزاج الله خيــر حبيبتـي

نحتـاج هـالدعـم مـن بـاجـي العضـوات

[طيف الغربة]

الغاليه انا من اشوفهم سيدا قسم الملاحظات اسفل المنتدى

عندي هناك موضوع وكل ماالقى شي مخالف ما اروح افتح موضوع جديد لا

فقط اسير احط الرابط فقط في الموضوع الي عملته قبل يعني كأنه موضوع بلاغات

والاداره تشوف شغلها معم

الله يجزيك كل خير على البادرة الطيبة وان شاء الله ما تيبقى هالاشكال هنا .,

[كلامي عسل]

فكرتج زينه
صدقهم المشرفات كم بيلحقون ينبهون ويحظرون مب زين بعد


انا بدعمكم بعد

[شمـــ وفا ـــعة]

كلامج صحيح


والحمدلله انا دووم اضغط الزر المثلث وابلغ


والله المستعان

تسلمين الغالية
تمي عالمثلث دوووم دقيه لين يتكسر الماوس عندج

يــزاج الله خيــر حبيبتـي


نحتـاج هـالدعـم مـن بـاجـي العضـوات

واياج يالغلا
بانتظار باقي السيارات المتداعمة

الغاليه انا من اشوفهم سيدا قسم الملاحظات اسفل المنتدى

عندي هناك موضوع وكل ماالقى شي مخالف ما اروح افتح موضوع جديد لا

فقط اسير احط الرابط فقط في الموضوع الي عملته قبل يعني كأنه موضوع بلاغات

والاداره تشوف شغلها معم

الله يجزيك كل خير على البادرة الطيبة وان شاء الله ما تيبقى هالاشكال هنا .,

والله فكرة تصدقين ما يت على بالي
زين خبرتيني يزاج الله خير

[شمـــ وفا ـــعة]

فكرتج زينه
صدقهم المشرفات كم بيلحقون ينبهون ويحظرون مب زين بعد


انا بدعمكم بعد

يزاج الله خير حبيبتي
بس حاسبي الله يخليج ،، خبرينا شو تسوقين بالضبط قبل لا تدعمين حد

[ام السديس]

انا وياج بصراحه مسخوها وحده حاطة موضوع صالونها بكل قسم مع ان المنتدي مب مقصر حاط اقسام للاعلانات بس حبا.للتخريب وعسبت ينشرون علانهن
انا وياج بالحمله

[شمـــ وفا ـــعة]

انا وياج بصراحه مسخوها وحده حاطة موضوع صالونها بكل قسم مع ان المنتدي مب مقصر حاط اقسام للاعلانات بس حبا.للتخريب وعسبت ينشرون علانهن
انا وياج بالحمله

حياج الله الغالية

[شمـــ وفا ـــعة]

عضوات بناتات حبيبات شو رايكم وحده تسويلنا ثيم بالحملة نحطه في تواقيعنا؟؟!!
مشرفات ==>> عادي ولا ممنوع؟؟!!!

[دلعي غيـر]

مب بس المواضـــيع الخربوطيه !!!
حتى المواضيع الجديمه اللي تكـود عليها الغبــار كح كح من سنين يعني ..
المفروض تنشل من المنتدى من زمان بدال الزحمه اللي صايره الصراحه

[شمالية وافتخر]

احم احم انا وياكم في حملة

[وردة الجاردينيا]

ما قصرتي الغاليه يزاج الله خير

الله يعين المشرفات و يقويهن يارب

حرام منتدى له اسمه و وزنه شرات منتدانا يحاولون يخربونه