يغيت منكن خدمة ^^

**شامسيه مغروره** · 2013-03-18, 21:05

السلام عليكم و رحمة الله و بركاته

شحآلكن خوآتي ؟؟

امممم بغيت منكن خدمه ،

سمعت واايد عن العكر الفاسي ، و قريت وايد خلطات عنه
بس اللي حبيت اعرفه ألحين ، مفعوله بيكون ب شكل داائم ؟ أو شبه داائم ؟ أو يبالي استمر عليه ؟
و بعد أبا اعرف وين يبييعونه ف العين ؟؟

ثاني شي شرايكم ب كريم التبييض الفلبيني " دالفور " أنا خذيته من عنده تاجره ف المنتدى ب 320
و هو سعره الاصلي 380 بس هي اونهه مسويه عليه خصم ، بس احسسها وايد رافعه السعر مادري على شو !!
و تعاملها ما كان لين هناك ..
و عقب بنت عمتي طرشتلي بن تاجره تبيع نفس الكريم ب 200 ، بس تعااملها كان مععععفففن عافانا الله
ساعه لين ما ترد بس فالحه اطرش تبادلات اعلانيه و مخليه الزبااين يتريون ..
المهم بغيت منكن تخبرني وين ممكن احصله ف العين او اي مكان ثاني او ممكن اطلبه من عند تاجره محترمه و تعاملها راقي و ب سعر مناسب و معقول ..

ثالث شي ابا اعرف عن احسن سكراب استخدمتوه ، و شو احسن طريقة ممكن استخدم فيها السكراب ؟
و شو رايكم ف سكراب و صابونة الببايا ؟؟ ووين يبيعونها ف العين ؟؟

رابع شي حد منكم جرب حبوب التبييض مثل سوبر وايت و ألخ ، و شرايكم بالنتيجه ؟
و إذا في حبوب ثاني ب شو تنصحوني ؟؟ اللي تعرف لا تبخل عليه

خااااامس شي ، ايدي بيضا بس فيها سواد عند مفااصل الاصابع ، شو احسن شي استخدمه و بيعطيني نتيجه حلوه ؟؟

و اخر شي ، اممم حبيت اعرف شو تاخذون من عند نزيه سواء منتجات للشعر او الجسم ، و شو رايكم بالنتايج ؟؟

و بس ، احس استفسااارتي واايد

و السموحه جان طولت عليكن ، و لا تبخلن عليه بدعوه حلوه من خواطركن ^^

المزيد من آخر المواضيع من نفس القسم:

**ماحد شراتي** · 2013-03-18, 21:23

هلا الغالية

بالنسبة للعكر الفاسي مفعوله مع الاستمراريه يعطيج أكيد نتيجة دائمة بس طبعا خذي الأصلي مب التجاري شوفي تاجرات المنتدى أو حطي طلبج بقسم "طلبات الزبونات"

وبالنسبة للكريم الفلبيني انتي لو تعرفين فلبينية تييبه لج من الفلبين أحسن لج و أرخص

انا أخذ السكراب من كذا مكان بودي شوب H&M ولا تنسين الحمام المغربي أحسن وافضل سكراب للجسم وصابون البابايا غني عن التعريف

ابتعدي ثم ابتعدي عن حبوب التبييض وما أنصحج فيها سوي حمام مغربي كل شهر واهتمي بترطيب جسمج وشوفي النتيجة عقب

السواد في مفاصل ايدج سببه نقص فيتامين د فيه كريم يبيعونه فالصيدليه استخدميه وامورج بتكون تمام

من نزيه انا أخذ من عندهم السشوار والمناكير والواكس ،،،
بالنسبة للعناية فالشعر خذيها من الصالون أحسن
والجسم عندج بودي شوب وfruits & passion

موفقه حبيبتي

**آمال الإمارات** · 2013-03-18, 21:41

موفقه........

**شامسيه مغروره** · 2013-03-18, 21:55

ثااانكس ماحد شراتي ، ما قصرتي ^^

**مندوبة جدة** · 2013-03-18, 22:09

رررررررررفع

**ام منصووري** · 2013-03-18, 22:16

انا بقولج احلى شي عند نزيه الي هو منتج المكداميا للشعر لونه من برا بني واخضر وريحته تهببببل وكللل حد يمدحه
فيه شامبو وكريم بلسم وسيرم و اشياء ثانيه وااايد بيعيبج صح غاالي بس يستااهل
وبعد المناكير الي يبيعونها من احلى الماركات (=

**شامسيه مغروره** · 2013-03-18, 22:35

ثااانكس ام منصووري ، ما قصرتي ^^

**امل السورية** · 2013-03-19, 00:40

مووووووووووووووفقة

**شامسيه مغروره** · 2013-03-19, 08:25

وووووييينكن بنااات ؟؟

**كلامي عسل** · 2013-03-19, 09:41

العكر الفاااسي خذت من اكسبو راس الخيمه خذته ب 40 درهم اصلي

وانتي بتميزين من الللون انا حطيت ف علبه المرش ماي ورد وشويه من العكر الفاااسي
واستخدمه للمنطقه الحساسه
بعدني اول اسبووع بس شووو انتعاااش ويلي ويلاااه

و الكريم فلبيني ماسمعت عنه بس ويانا فلبينيات بالدوام بسالهم وبشوووف اذا قدرت بوفره لج

وحبووب التبيض ابتعدي عنه احسسسن ماحس انه منه فااايده

ومن نزيه مااخذ شي

واحسن سكراب للجسم من بودي شووب سكراب بالليمون
وايد حلو وترومين تسخدمين زيت الزيتون مع السكر وتمي فركي
وغير حمام مغربي
وللشعر الاكل والنفسيه تلعب دووووور
كثري من الجرجير والوراق الخضرراء
واغسلي شعرج بالسدر مطحوون

والله ينولج اللي بخاطرج

ادعيلي الله يسر اموووري ويرزقني زوج صالح

**شامسيه مغروره** · 2013-03-19, 11:30

تسلمين ختيه ، ما قصرتي

و الله يرزقج بزوج صالح ^^

**أم كرموشه** · 2013-03-19, 16:38

الغاليه فالبدايه حبيت اقولج جسمج وبشرتج غاليييين
لا تجربين فيهم خصه سوالف الحبوب احسني باكل سم مب علاج
الله يعافينا يااارب ويحفظنا
كل شي طبيعي حلووو
حتى هالكريمات وهالسوالف

صدقيني مجرد ما تفهمين نوعية بشرتج وجسمج وشعرج وتعرفين شو
المشاكل اللي تعانين منها باذن الله اشوية منتجات من محلات معروفة تبيع منتجات طبيعيه
وراح ترتاحين ان شاءالله

امشي حبه حبه حلي مشكله مشكله
اما كل شي مره وحده صعبه احس

صدقني مب قاعده اتفلسف بس من الخوف عليج

دوري المحلات اللي تهتم بالبشره وغيره وبنفس الوقت مكوناتها عضويه وتعالج

يعني للشعر انصحج ( شعري جاف ) مجموعة المكاديميا أو مجموعة الارجان من kiehl's وفي سيروم بسيفورا تحصلينه بزيت الارجان ..
واغسليه يوم وترك عسب ما تتعب الفروه وتفقد الزيوت الطبيعيه اللي تفرزها

والجسم سوي له سكراب بس مب تفريك لا بضغط بسيط وحركات دائريه يا تستعملين جاهز في ببودي شوب أو lush او البحر الميت وعقب حطي ماسك طين البحر الميت تحصلينه بالمحلات اللي تبيع منتجات البحر الميت مثل نزيه وفي منتجات كاريزما يمكن والله ما اذكر بنزيه واستمري واي وطبعاً ما ننسى الترطيب ادهني بالزيوت الطبيعيه والكريمات اللي تحوي زبده شيا او الككاو او غيرها طبيعيه تغذي وتوحد ..

الويه نفس الشي مع الروتين اليومي بالاسبوع سوي سكراب بالفرشاه وماسك ورطبيه بزيت الاركاااان وااايد حلووو

والشفايف رطبيها دوم وسكراب

وطبعاً اهمممم شي التغذيه لو شو سويتي كل شي بيرجع ليش ؟ لانج ما عالجتي الداخل شربي ماي واكلي عسل وفواكه وغيره تبييين بشرتج تنور شربي شاي العسل بالليمون ع الريج مثلاً

هاللي افبالي
والسموووحه فديتج اذا طولت عليج

**شامسيه مغروره** · 2013-03-20, 15:22

تسلميــن ختيه ام كرموشه ، ما قصرتي ^^

الموضوع: يغيت منكن خدمة ^^

أدوات الموضوع

عرض

العرض المتطور

يغيت منكن خدمة ^^

المزيد من آخر المواضيع من نفس القسم:

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

رد: يغيت منكن خدمة ^^

المواضيع المتشابهه

أبا خدمة منكن بناااااات.

دعيت و دعيت بس الله ما استجاب لدعائي !! ( تعالي اخبرج شي ) ^_^

ابي منكن خدمة لا هنتوا

بليز ابي خدمة منكن

أريد منكن خدمة؟