شو رتبتي للمستشفى

**ام عمير** · 2007-09-02, 11:47

مرحبا بنات
شو رايكم كل وحدة تكتب شو سوت ف المستشفى من حركات لما زاروها الناس فالمستشفى لما ربت
وكل وحدة تكتب اذا عندها حركات حلوة

انا لما ربيت بولدي حبيبي حطيت على الباب بطاقة لونها ازرق مكتوب عليها
بقدومه أشرقت شمس الشموس
وصار بهجة كل النفوس
نور على دنيانا وجوده
ومن اليوم بنجهزله أجمل عروس

وداخل الغرفة خذت سرير ازرق ولبسي كان ازرق وبعد لبس البيبي ازرق
والتوزيعات كانت باللون الازرق

وجبب نافورة الشكولا وفرولة لتضيف الزايرين

شو رايكم بالفكرة منو بتحط افكار احلى
يـــــــــــــــــــــالله انشوف افكاركم الحلوة

المزيد من آخر المواضيع من نفس القسم:

**3lya** · 2007-09-02, 15:39

موضوعج حلو وافكارج احلى انا بعدني مافكرت شو بسوي بس عيبتني فكرة النافوره بيلزقون
فيها اليهال مابيطيعون يروحون وانشالله بسوي توزيعات وبلالين عالباب وحق التقديم بنثر ورد مجفف في الصينيه من غير الحالف وبس

**ام عمير** · 2007-09-03, 08:29

حركة حلوة يا 3lya
الله يسهل عليج

**أم كنه** · 2007-09-03, 12:40

انا باقي ع رباي يمكن اسبوع او ايام او لحظات مايندرا اهم شي اقوم بالسلامه والياهل يكون بخير ..بالنسبه للتعديل فصلت لبس حقي عباره عن قيمص نوم وتاج ونعال الله يعزكم ع كل طقم وكفر لي وياه مخدات كبيره وصغيره بحطتهم ورا كراسي الضيوف ..وسجاده صغيره عدال شبريتي وكنت بسوي ستاره فوق شبريتي بس ماسويت خفتها اطيح علي هههههه...ومخش الياهل وشنطته ولبسه جاهز خذت من ماماز اند باباز عندهم اشياء حلوه افضل من اني افصل له ..لاني بلبس الياهل دبوس عليه ماشاء الله وايه الكرسي عن العين والله يبعد العين عنا وعن عيالنا ..وفصلت مفارش للطاولات الكبيره ومفارش لصياني العصير وطقم اكواب العصير نفس الفنايين ومال الشاي .. وخذت ترولي بحط فيه الدلاال والفنايين ولبست الدلاال بعد ..وسويت توزيعات ..بصورها لكم بعدين وقلت بخلي مال الورد ينزلون لي من السقف كرستال وورد طبيعي..او ينزلون لي زجاج فيه ماي ملون مربوط بسلك والسلك ملفوف بورد طبيعي .. وللحمام الله يعزكم طقم فوط وصابون وعطور ..وان شاءالله خير ..

**ع الابداع** · 2007-09-03, 13:12

انا جهزت كفرات ومخدات وفراش للسرير وللبيبي

وصحون ودلال وكل ها السوالف بتنسيق بين الالوان

وبس

افضل البساطه .. يعطي رقي اكثر ..

**العين الدامعة** · 2007-09-04, 00:27

افكار حلوة ..

**ميكي** · 2007-09-04, 01:20

ممكن اعرف ليش كل الترتيب؟؟؟

**fashions** · 2007-09-04, 03:49

أهم شي ربي يقومنا بالسلامه ,, ومايحتاج كل هذا التبذير وتفتحي عيون الناس عليك ..وهذا كله بالمستشفى
الله يقومنا بالسلامه واحنا بالمستشفى .. ولما نرجع البيت بيكون كل شي مرتب
اتركو الترتيبات بالبيت مو بالمستشفى ..علشان الله مايعاقبنا..الوحده تدخل المستشفى تولد ماتدري تحيا ولاتموت ..أهم شي الدعاء والبركه والبساطه بكل شي .

**الحليوه** · 2007-09-04, 08:40

المشاركة الأصلية كتبت بواسطة fashions

أهم شي ربي يقومنا بالسلامه ,, ومايحتاج كل هذا التبذير وتفتحي عيون الناس عليك ..وهذا كله بالمستشفى
الله يقومنا بالسلامه واحنا بالمستشفى .. ولما نرجع البيت بيكون كل شي مرتب
اتركو الترتيبات بالبيت مو بالمستشفى ..علشان الله مايعاقبنا..الوحده تدخل المستشفى تولد ماتدري تحيا ولاتموت ..أهم شي الدعاء والبركه والبساطه بكل شي .

وأنا ويا كلام إختي fashions أجهز في البيت أحسن لانه
أكثر الزوار بيون في البيت و المستشفى كم يوم و بتطلعين
فلشو الخساره و التبذير.

**V I P** · 2007-09-04, 09:12

للحين ما سويت شئ للمستشفى ......... الله كريم

**ryooma** · 2007-09-04, 10:36

المستشفى مايبغي لها تجهيزات وايد لان الوحده ماتفكر وقتها الا بسلامتها وسلامة البيبي يعني تييب الاغراض المهمه لبسها ولبس البيبي وبس انا في البدايه كنت ناويه اشتري كفر وازين الغرفه بس الحين بصراحه احس من كثر الخوف والتفكير مابسوي شي لان بالي كله في الم الولاده وسلامة البيبي
وانا اؤيد كلام الاخوات ان التجهيزات خلوها حق البيت

**أم مشاري** · 2007-09-04, 10:52

يا قلبي علي والله ... أنا ماتوقعت ولادتي في شهر رمضان كانوا الدكاتره يقولون في شهر 10 .. ولا جهزت شئ يدوب لبسي ولبس البيبي ع السرررريع ..

بس بيت امي الي بنستقبل فيه الضيوف غيرنا الأثاث ... وجهزناه من بدري ..

وبصراحه انا ماجلست في المستشفى الا نص يوم ولله الحمد .. مرررررررررررررره متعب جو المستشفى .. كئيب ..وماكنت اصلاً ناويه اسوي شئ في المستشفى .. ناويه اطلع منه على طووووووول ..بس مارضوا الا الين اكمل 12 ساعه على الأقل بعد الولاده ..

الموضوع: شو رتبتي للمستشفى

أدوات الموضوع

عرض

العرض المتطور

شو رتبتي للمستشفى

المزيد من آخر المواضيع من نفس القسم:

المواضيع المتشابهه

كيف رتبتي زهبتج لنقلها لبيت الزوجية

طقم للمستشفى

كفر للمستشفى

التجهيز للمستشفى

خبريني.. كيف رتبتي أغراضج ..؟؟