مشكلة ربيعتي

**AD-LADY** · 2013-03-10, 07:57

السلام عليكم و رحمة الله و بركاته

قبل كم يوم ربيعتي شربت كلوركس مخلوط بماء مخفف يعني طبعا بالغلط عقب على طول راحت الحمام و حطت صبعها ف حلجها و رجعت كذا مره عقب تمت تشرب ماي وايد المشكله انها يوم نشت الصبح شافت دم نازل منها لونه احمر مو نفس دم الدوره المهم هي اتحسبته دم الدوره .. تمت يومين عقب شافت انه ما ينزل منها دم راحت سوت فحص حمل قالو لها انها حامل الحينه هي خايفه من الدم الي نزل منها للعلم هي ابدا ما حست بالام ابدا عقب ما شربت الكلوركس الي واجهتها نفس المشكله تفيدنا يا بنات

شكرا جزيلا

المزيد من آخر المواضيع من نفس القسم:

**ريم العبد الل** · 2013-03-10, 08:15

يالطيف الله يهديها

شو هالعمل هاد

**De$eRt Ro$e** · 2013-03-10, 08:19

الله يعافيها
تستشير دكتوره افضل

**mrs.abk** · 2013-03-10, 11:01

شكلها ربيعتج سوت جيه بالعمد ... يمكن كانت ما تبا البيبي .. واللا فيه حرمة عاقل تشرب كلوركس !!

الله يهديكم قال بالغلط قال ريحته تصك الراس حتى لو مخلوط معاه كوكتيل موب ماي

**Adoree** · 2013-03-10, 11:40

كيف أصلاً شربت كلوركس؟ شي غريب!

**مريم الفهد** · 2013-03-10, 11:47

هلا اذا شربتة ورجعت واحيانا يصير علامات بيضاء حوالين الفم معناها الي حصل مالة دخل في شرب الكلوركس اعرف وحدة شربتة بس بالعمد وماحصللها اي شي بعد مارجعت الي اثار بيضاء حوالين الافم وخازت بعد مدة
بس هذي حمل وفي كل الاحوال لازم تروح لدكتور ثقة ارجع اقول ثقة وتشرحلا الي حصل بالضبط علشان اطمنها ولا تزعلين مني شكل ربيعتج سوت جذية بالعمد علشان جذية لازم اتكون الدكتورة خاصة تراها مسولية جنائية
وان شاء الله كل شي بيكون تمام بس رصي عليها لو اتحبينها وذكريها ازهاق الروح بغير حق حرااااااااااااااااااااااااااااااااااام

**مبتسمةمتفائلة** · 2013-03-10, 11:54

يمكن شربت رشفه واحدة و بعدين انتبهت يعني مب كمية

**AD-LADY** · 2013-03-10, 12:13

لا لا والله مو قاصده اصلا هي ما كانت تعرف انها حامل يوم شربته
هي سالفتعا انها فتحت غرشة ماي يديده عقب حطتها عدال الي فيها كلوركس عقب ردت تبا تشرب شربت من الي فيها كلوركس مخلوط بماي و على طول رجعت ولا حست بالام ابدا الحمدلله

**زم_قمر_ان** · 2013-03-10, 12:49

ماشر ان شاء الله خليها تتوكل على الله

**remalfala39** · 2013-03-10, 13:39

الله يثبت حملها

**ماحد شراتي** · 2013-03-10, 15:18

الله يثبت حملها ان شاءالله
خلها تروح تفحص احسن

**ريم العبد الل** · 2013-03-10, 16:25

كيف بالغلط ؟؟؟؟؟؟؟؟؟؟؟؟؟؟؟؟؟؟؟؟؟؟ والله الكلوروكس ريحته تبين من مسافة كيلو متر يعني كيف غلط

والله اعلم

اذا حدى بالمطبخ فتح الكلوروكس ريحته بتعبي البيت بقى كيف لو قربتيه على الانف

**يازي** · 2013-03-11, 09:00

المشاركة الأصلية كتبت بواسطة ريم العبد الل

كيف بالغلط ؟؟؟؟؟؟؟؟؟؟؟؟؟؟؟؟؟؟؟؟؟؟ والله الكلوروكس ريحته تبين من مسافة كيلو متر يعني كيف غلط

والله اعلم

اذا حدى بالمطبخ فتح الكلوروكس ريحته بتعبي البيت بقى كيف لو قربتيه على الانف

لا حول ولا قوة إلا بالله ليش سوء النيه

**موناليزا~** · 2013-03-11, 08:43

شو فيكم ترا قالت انها غلطت ف الغرش بدال لاتشرب اللي فيها ماي شربت اللي فيها كلوريكس !!! يعني كل شي تخلونه انتحار ومادري شو الله يهديكم
حبيبتي خليها تروح احسن دكتتوره نسائيه وان شالله خير وخ تتحمل مره ثانيه هالمساحيق المفروض مايحطونها في دبات الماي لانه عادي اي حد يتحراه ماي ويشربه الله لايقوول وربي يحفظ اليميع

**شمـــ وفا ـــعة** · 2013-03-11, 09:04

هي كيف تجرأت وشربته أصلاً ولأي سبب وحده عاقل بتشرب كلوركس!!! متوحمة عليه مثلاً!!!

الموضوع: مشكلة ربيعتي

أدوات الموضوع

عرض

العرض المتطور