ريلي كسر قلبي

[الدنيا صغيرة]

بنات بدخل في الموضوع على طول ، أنا مالجه من كم شهر وريلي إنسان وايد طيب وحنون وكنت اسعد إنسانه يوم ملجنا لأن نحن ماخذين بعض عن حب، ريلي كان يحب وحده قبل ما أكون في حياته وكان حب من طرف واحد تعرف عليها يوم كان يتعالج في المستشفي اللي هي تشتغل فيها ، وكان كل يفتره يسيرلها المكتب ويتصل فيها وهي كانت تسايره لأنه أصغر منها بوايد وكان ناوي يتقدم لها بس امه ما وافقت لأنها مطلقه وعندها ولد ورده فعل أمه كانت قويه، اتصلت للحرمه وشرشحتها! ومرت الأيام ودخل حياتي وتزوجنا. وأنا اتفقت وياة أن العلاقة اللي بتجمعنا تكون علاقه مبنيه على أساس الإحترام والصراحة، قلت له يصارحني و خبرني عنها وأنا سألته من فترة إذا كان بعده يرمسها ، قالي لأ و إنه اتصلها مره من شهر عسب يأخذ موعد ( على أساس أنها تسويله واسطه وتدخله على طول) وأنا تكدرت شويه وهو حلف لي انه كلمها مره وحده بس من ارتبطنا إبعض،، وأنا صدقته لأن الكلمة اللى تطلع من ريال المفروض أنها تكون صادقه وكلمه حق، المهم أنا كلمت الحرمه عشان قلبي يرتاح، وأكدت لي انه فعلا هو مكلمنها من شهر آخر مره بس اللي اكتشفته انه كان يتصل ويأذيها بإتصالاته من 3 شهور وكان مالج علي !! ويوم كانت اتطنش مكالماته كان يتصل لزميلتها في المكتب ويدورها، ومره ردت عليه وقالتله انها خلاص ملجت عسب ما يطفرها ، المهم أنا اتفقت وياها أنها تخبرني اذا اتصل فيها ،،، و واجهته وعصب وأنا صحت . أولا لأنه كذب علي يوم سألته إذا كان يرمسها وثاني شي لأنه كان يرمسها ونحن مالجين ، قالي : كانت مجرد سوالف ! قلتله انزين ليش ما تسولف ويايه أنا ؟؟؟ ترضى اني أكلم واحد واسولف وياه ؟؟؟؟!!! قالي لأ،،، انزين ليش ترضاها على غيرك وعلي نفسك لأ؟؟؟؟ قلتله انته بعدك تحبها ؟ تم يحلف لي انه يحبني أنا وبس وانه نساها وآخر مره مرمسنها من كم شهر ، بس أنا تميت أصيح شو يضمن لي انه صادق ترى حلف لي يوم سألته إذا كان يرمسها وكذب عليه وقالي لأ! المهم هو تخبل يوم شافني اصيح والحرمه اتصلت لي وقالتله انه أتصل فيها بعد ما واجهته وتم يصارخ عليها وقالها أنها هي السبب لو خسرني، البارحة تم يستسمح مني وأنا صديته من قهري منه ومن كذبه، واليوم يالس يتصل ويطرش لي مسجات كلها ندم وإعتذارات بس حتي لو سامحته كيف أآمن له مره ثانيه ؟؟
وأنا مارديت وطرشتله مسج قلتله ماباك خلاص . أحس انه قتلني وقتل كل شي حلو بداخلي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت عقيد]

لا تاخدي أي قرار وانتي معصبة
اكيد ما يجوز يحلف بالكدب ممكن كان اهم شي عنده انه يحتفظ فيج يوم حس بالخطر
او انه يمكن يفقدج فاي لحظة

الميزة الي عندج انه الحرمة ما تباه اساسا ولا في حد ينافسج عليه
بس يمكن يكون مر بفتره قبل غير مستقرة و فتره ضياع بين توديعه العزوبية ودخول في الجد وهو قفص الزوجية
و غالبا ما تمر العلاقات في بدايتها بالاصطدامات في عدم تقبل الماضي
بس ها ماضي خلاص انسيه و عطه فرصة تانية ادا انتي فعلا تحبينه و مختارتنه عن حب
الله يوفقج اهم شي لا تاخدين أي قرار فهالوقت

[مريم الفهد]

هلا اختي
شوفي انا مايجلس اطبب طب عليج ريلج غلطان بس ترة انتبهي اتصالج بالحرمة واتفاقياتج معاها غلط انتي تسمحيلها بهذي الطريقة انة اتظل كتواجد في حياتج ي ماضي الحياة الزوجية الفعلية تبدا من لحظة مايتسكر عليج وعلية باب واحد في فترة الملجية تظل بعض المشاعر خاصة عند الرجل مضطربة حياة ومسولية ورفضها لة بعكس كلام الاخت بنت عقيد مب نقطة ايجابية بالعكس نقطة سلبية لانة الشخص يتعلق بلي يرفضة
افتحي صفة جديدة مع ريلج والزعل فترة طويلة مب زين بروحج اتقولي طيب عيل التسامح اساس الحب بحبج بحنانج ودلعج بتخلينها ماضي وماضي مايحب يتكلم عنة
وارجوج وقفي اتصالات لها انتوا الاثنين بعدوا عنها
وربي يوفقج

[موناليزا~]

حبيبتي والله ماعرف شو اقولج >< ماعندي خبره في هالامور

بس برفعه لج وربي يوفقكم

[NiceLondon]

يا ربي قطعتي قلبي الله يعينج

[رومنسية 84]

هلا اختي
شوفي انا مايجلس اطبب طب عليج ريلج غلطان بس ترة انتبهي اتصالج بالحرمة واتفاقياتج معاها غلط انتي تسمحيلها بهذي الطريقة انة اتظل كتواجد في حياتج ي ماضي الحياة الزوجية الفعلية تبدا من لحظة مايتسكر عليج وعلية باب واحد في فترة الملجية تظل بعض المشاعر خاصة عند الرجل مضطربة حياة ومسولية ورفضها لة بعكس كلام الاخت بنت عقيد مب نقطة ايجابية بالعكس نقطة سلبية لانة الشخص يتعلق بلي يرفضة
افتحي صفة جديدة مع ريلج والزعل فترة طويلة مب زين بروحج اتقولي طيب عيل التسامح اساس الحب بحبج بحنانج ودلعج بتخلينها ماضي وماضي مايحب يتكلم عنة
وارجوج وقفي اتصالات لها انتوا الاثنين بعدوا عنها
وربي يوفقج

متفقه ويا الأخت ألف في المئة انتي بهاي الطريقة يالسة تخلينها حاضر مب مجرد ذكرى و لا تتصل فيها ولا شي ومنو هي ومنو قالج كلامها صح ، ولو ريلج خبيث ما كان خبرج عنها من البداية الواحد يوم يبغي الصراحة يكون حكيم و قد حجم الصراحة و يتصرف بحكمة

[2Hearts]

بنصحج بشيء سامحيه وتوكلي على الله وارجعي بيتج وخلج قوية لإنجلترا مرتبطة به شرعا وها ارتباط قوي .. خذيلح لبسات حلوة ودلعي عمرج ها شيطان داخل بين الأزواج تعوذي منه والله يسعدج ويبرد قلبج

[ضيقة القلب]

خذيها من عندي اللي يجذب مره ويحلف مستعد يجذب مليون مره وعادي لو حلف جذب
ثانيا هال حرمه طلعيها من حياتج ولا تخلين هالشي يقربهم من بعض اكثر
لو هي ماتبا اقل شي ماترد عليها بتاااااااتاااااا وهي تعرف انه ملج خلاص
طلعيها من حياتج واتفقي مع ريلج انه ينساها ويبتدي حياه يديده
صدقيني الشك يدمر الواحد
لو بتم هالمشاكل بينكم الانفصال افضل حل دامج على البر لان بتتتعبييييييين وااااايد لو تميتي تشكين وهو بيطفش
انسي كل شي وعيشي حياه يديده عيشي عشانج واستانسي وطيري الشك لإنج بتتعبين فالنهايه

[ام مصطفى..]

ماعرف شو آنصصحج البنات كفووج و و فووج

[افناان]

سامحيه عشان ترتاحين ، و انسي طاري هالبنت تمااما ، لا تذكرينها جدامه ابدا
بس هذا ما يمنع انج تحطين بالج عليه من بعيد لبعيد .... اكيد فهمتي قصدي !
الله يهديه لج و يصلحه

[روضه123]

الله يعينج

[عالمي الوردي]

اكبر غلط انج اتصلتي عليها مفروض ماتدخلينها حياتج ابدا

شو ضمنج انها تبا تعرف علاقتج بزوجج من قريب عسب ترده لها لاتثقين فيها هي تسوي جي يمكن لانه حاسه انه بيرجع لها

اشوف انج تهددينه بشي قوي

مثلا قولي له بصراحه ماحس انه نحنا بنكمل ويا بعض اذا بدايه جي ... ويوم ترمسينه رمسيه بهدوء وقوه عسب يحس انج جديه

وشوفي ردة فعله اذا شاريج على طول بيترجاج وبيغير رقمه بعد واذا رد يعتذر حطي شروط

[وجدان الفجر]

هلا اختي
شوفي انا مايجلس اطبب طب عليج ريلج غلطان بس ترة انتبهي اتصالج بالحرمة واتفاقياتج معاها غلط انتي تسمحيلها بهذي الطريقة انة اتظل كتواجد في حياتج ي ماضي الحياة الزوجية الفعلية تبدا من لحظة مايتسكر عليج وعلية باب واحد في فترة الملجية تظل بعض المشاعر خاصة عند الرجل مضطربة حياة ومسولية ورفضها لة بعكس كلام الاخت بنت عقيد مب نقطة ايجابية بالعكس نقطة سلبية لانة الشخص يتعلق بلي يرفضة
افتحي صفة جديدة مع ريلج والزعل فترة طويلة مب زين بروحج اتقولي طيب عيل التسامح اساس الحب بحبج بحنانج ودلعج بتخلينها ماضي وماضي مايحب يتكلم عنة
وارجوج وقفي اتصالات لها انتوا الاثنين بعدوا عنها
وربي يوفقج

صح السانج أختي مريم .

[شهد123]

هلا ختيه
كل حرمه تريد الستر وهي مطلقه وعندهاا ولد ان شافت الي يحبهااا متعلق فيها ما بتنظر لعمرخ او انه مقبل ع حياه زوجيه عادي توافق عليه ولو بالسر ..
انتي غلطي انج دخلتيها حياتج يعني تواصلج معاها اكبر غلط شو دراج انها هي تبااه والا لا الله يستر علينا وعليهااا بس اتصالاتج بها او اتصاالها بج عشان تخبرج انه اتصل فيها والا ياهاا هاي نقطه مب في صالحج ممكن هو الله لا قال يتفق معاهاا انها تقولج رمسه هم متفقين عليهااا بس لإرضائج ظهريها من حياتج اذا انتي تبين تستمرين معاااه وهوه اذا شاريج خلي اهلج يرمسونه ويحدد موقفه والخيره لج فيما اختارها الله..

[ام اثنين]

يمكن هالاخت المطلقة تبا تخرب بينكم عشان تزوج الريال ولا الواحد مت يتمادي الا إذا أعطته ويه