كم كان عمرج ^^

[دقة العود]

شحالكم بنات شخباركم ؟

موضوع واضح من عنوانه شفته ف احد المنتديات و عيبتني فكرته ^^
بس بزيد عليه شي كم عمرج يوم تزوجتي ؟
وهل ندمتي انج تزوجتي بهل عمر؟
ولا قلتي ويه ويني من زمان عن زواج هههه ؟

طبعا اغلبكم عرايس ابي شعوركم يا عرايس عمركم مناسب للزواج ؟ وابي من المتزوجات يفيدونه كم كانت اعمارهم يوم تزوجوا ؟ وشو احسن عندهم حياة العزوبيه ولا الزوجيه ؟

انا عن نفسي اتوقع العزووووبيه لانه مافيها مسؤوليه ^^

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[روضه123]

موفقات يارب

[قلبي معاه]

هلا فديتج
انا كان عمري24 لما عرست
ماندمت لان كل بنت تتمنى تتزوج وتعيش حياتها وتكون اسره بس كل بيت مايخلو من المشاكل والحرمه الشاطره تقدر بنفسها اتكون الاسره اللي تبيها
الحمدلله انا مرتاحه وعندي ولد وبنت

عقبال الجميع
العزوبيه حلوه بس تكوني ام احلى

[مثلي قليل]

24 سنة
بالعكس ياليني متزوجه قبلها بخمس سنين

[امل السورية]

موووووووووفقة

[شهد123]

25 متزوجه
في كل مرحله من حياة الانسان لها ميزه يعني في طفولتي ومراهقتي والحين فالحياه الزوجيه كلها تتميز بشي بس ابداً مب ندمانه اني تزوجة وياريت كان قبل خمس سنين متزوجه من العمر الي تزوجته بس خيره من ربي والحياه سواء مع الاهل والا الزوج ما تخلا من المشاكل والهموم وانا بطبيعتي احب العيال والله لا يحرمني ولا يحرم كل مؤمن ومؤمنه من العيال لانها نعمه ما تعوض عندي ولد وبنت ربي يخليهم لي ولابوهم..

[طيف الغربة]

20 سنه أممممممم لو رديت للوراء بتزوج على عمر 27 خخخخخ حسيت الاطفال مسؤليه كبيرة كان وقتها عليا

[يحبك موت]

عررررست وعمري 16
والحمد الله

[أم عذور]

تزوجت وعمري ٢٥

وحسيت العمر مناسب للزواج

الحمدلله ما ندمت

بس مثل ما قالو البنات ماشي بيت ما يخلو من المشاكل

بس بالتفاهم كل شي ينحل

[نوارةUAE]

تزوجت و عمري 22 سنه .......
الحمدلله احس افضل سن للزواج من 20 - 25

احيانا اقووول لو تزوجت قبل هالعمررر بس الحمدلله ....
امممممم الزواج واايد حلووو لنه فيه تشارك بين شخصيين و عشرة و لحظات حلوه و مره ..... و الاهم العيال ... الله يرزق اللي ما عندهم عيال

ما افكر ارد لحياة العزوبيه مع اني املك عاائله متميزه الله يحفظهم لي بس بوجهة نظري كل شي له وقته ....

الله يرزق كل البنوتات الزوج الصالح .......

و شكرا صاحبة الموضوووع

[دقة العود]

مشكورات خواتي ع المشاركات الحلووه
الله يسعدكم ^^
نترياا رأي الباقيات

[reemalqassimi]

اتزوجت من شهور8 وعمري كان 18 فالبدايه احس مشاكل ومسؤليه واحس بيتنا احلى بيت اهلي اقصد بس لاني بعدني يديده وسيده حملت عان جي متضايجه شوي بس من شهر شوي بديت اتعود

[سوريداد]

عمري 24 وحاليا عروسه

ههه ماعرف شو شعوري , اممم يعني الحمدلله

الله يتمم لي ولكل العرايس على خير و يرزق جميع البنات يارب

مشكوووره

[ملاك92]

عمري ٢٠ و عقب ٣ شهور تقريبا عرسي
أدعو لنا الغاليات الله يتمم أمورنا على خير يارب

[S.A.G]

أنا كان عمرية 21 الحمدالله مااندمت اكتفييت بالعزووبيه خذت حقي منهااا هههههه صح العرس مسؤوليه بس مسؤوليه حلوووه خص انج تهتميين في أغلا الناااس عندج أولا ريلج وبعدييين عياالج الله يكتب لكل العزابيااات اللي في المنتدئ