انخطبت .. لكـــن ...

[روضه123]

ألي يبينا عيت النفس تبغيه ...وألي نبيه عيى البخت لا يجيبه
هذه مشكلتنا نركض ورى ألي نحبه ومانهتم إذا هو يحبنا أو حتى ألي يحبنا
حبيبتي عطي قلبج إجازة وشغلي مخج
الريال الثاني أختارج ومقتنع فيج وشارنج أما الأول بصراحه وبدون زعل لو أنه يباج سوى المستحيل نحن في 2013 البنت الحين ماتنغصب على الزواج عاد كيف الريال؟! بصراحه ما أقتنعت أنه مايقدر ياخذ عشان محير بنت عمه ...وبعدين هو قالج شوفي حياتج ..خلاص فكري بعقلج ولا تضعين الثاني ألي يباج وشارنج والأهتمام والحب يجي مع الوقت أنا متزوجه وأفهم هالأمور ريلي ماهتم فيني وتعلق فيني إلا بعد الزواج

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ذبحتهم عيوني]

الغالية لاتسوين مقارنات بالرياييل ولو شو ماكان الريال زين ولا مب زين لاتقارنينه بالثاني

الاول عاش دور الحبيب والدور هذا لازم يكون بطولي يبرز كل شي فيه زين ويبين انج صدق محبوبته الغالية

فكري بعقل وخلي قلبج على صوب الريال لو صدق حبج من قلبه والله مايتريا ثانية ولا ينتضر ساعة عشان تترتب اموره

ولا حتى بيخليج بيراكض يمين ويسار بيدبر عمره وبيحاول لانج شاغله تفكيره ...مب تاليف قصة

انا محير ويا بنت عمي ,,, هذه القصة المليون اللي نسمعها من الشباب يوم وقت الصدق يطلع الكذب والتمثيل

اسالي وشوفي الخوات اللي عاشن دور الحبيب مع الحب سنين وبعدين النتيجة اهلي يبوني لبنت عمي هذا اذا عنده بنت عم

يا اختي لاتركضين ورا اللي تحبينه ,,, خذي اللي يحبج وشاريج وطلبج بالحلال من الباب .. مب من ورا الفون

والكلام الحلو ترى الحياه مب كلها حب وغزل والزواج مسؤوليه وبيت واسه وعيال وفيه بالنهاية جنة ونار

واكملي نص دينج واهم شي ترضين رب العالمين اتركي الحب لوقت انتهى وعمر راح مع المراهقة والاحلام

وعيشي بواقع وبعقل عقلاني استخيري استخيري ستخيري رب العالمين ....

وترى الرياييل كلهم نفس الطينه لاتقولين ما اهتم ما سوى لاتخلين هالامور السطحية تاثر عليج
واذا عرستي نصيحه لاتقارنين لانج بتتعبين ,,,والمقارنة اللي تقارنينها غلط في غلط تعرفين ليش لانج ماعاشرتي الشخص

اللي ببالج كلها مواقف بطوليه عشان يبرز نفسه انه دور الحبيب وبس لا اكثر ولا اقل والشخص تعرفينه اذا عاشرتيه .

ما شاءالله عليج خيتوو

صح كلامج الحياه مب كلها غزل

بس لاني ماعرف ويديده هالوضع

واقارن بين البنات اللي اعرفهن ومخطوبات ... بس مثل ما قلتي كل ريـال طبعه يختلف

وان شاءالله هالمره بفكر ف الموضوع اكثر


بس بالنسبه لسالفة عذر بنت عمه انا متاكده من هالكلام لاني مثل ما قلت بنت عمه ربيعتي

والكلام اعرفه منها قبل لا اعرفه منه

بس بعد صدقج ما يعتبر عذر لانه الريال اذا يبا وحده لازم يضحي

[ذبحتهم عيوني]

حبيبتي خذيها مني كااااااااااااااااااش وعن تجربة.. خذي اللي يباج وياج من الباب واختارج وأعلن هالشي جدام اهلج واهله... وودري اللي بعده مب عارف شو يسوي ولا عارف كيف يتصرف... ولا تتمين ترفضين .. ترا وايد غيرج رفضو ورفضو وعقب تمو بدون عرس وعنسو.. ولو يرد بهن الزمن لورا جان خذو اول شخص تقدم لهن... ابدا لا تفكرين تقارنين بين هذا وهذا... لانه هذاك كان عايش معاج قصة حب وسوالف وخرابيط لفترة مؤقته وكان يتعامل معاج على هالاساس فأكيد بيكون رومانسي وماشي منه.. واول ما تعرسين منه ممكن يكون غير... اما الثاني اللي خطبج.. عاملج بكل صدق لانه اعتبرج زوجته واللي يباها تكمل معاه حياته كلها.. وبتصبر على كل عيوبه وأغلاطه لانه بينهم عمر وحياة مشتركة...

ما فيه ريال كامل.. اذا كنتي تدورين هالشي بتمين عمرج كله بروحج... والاستخارة ثم الاستخارة ثم الاستخارة

لو الثاني موضوعه بيطول عالاقل كان فكر يخطبج عشان ماحد ياخذج . . خاصة انه ممكن ماياخذ بنت عمه

بس هو ما فكر بهالشي

ف برايي خذي اللي يبيج . . وشاريج
وطبعا لا تنسي الاستخارة

الخوات ما قصروا بالنصيحة والكلام الطيب
وامرج معلق بيد الله عليج بالاستخارة
يقول شيخ الإسلام ابن تيمية: ما ندم من استخار الخالق ، وشارو المخلوقين ، وثبت في أمره

قال رَسُولُ اللَّهِ صلى الله عليه وسلم " إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ
" اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ ......... الى آخر الحديث " رَوَاهُ الْبُخَارِيُّ .

ورايي الشخصي اللي يدخل من الباب ريال أما صاحب العهود والوعود متردد وفي اي وقت وظرف ممكن يغيره رايه
والله يوفقج يااااا رب

ان شاءالله بستخير ف هالايام

دعواتكن الغاليات

وما قصرتن

ربي يسعدكن ويوفقكن

[ذبحتهم عيوني]

اشكر كل اللي مرن ع الموضوع
و ع كل دعوه منكن

وربي يوفقكن

[Ch3nel]

اذا يباج بيبيع الدنيا كلها عشانج بس فكري بالعقل ..

[عطر 77]

استخيري

[الشاعريه]

على فرض ان اللي تحبينه مايقدر ياخذج صدق بسبب بنت عمه
معناته هو مايبا يزعل اهله ويعاند وياخذج صح؟
لو فجاه يته الجراه وقرر ان يوقف في ويه اهله ويتقدملج وعقب عرستو .. كيف تتوقعين بيعاملونج؟

حلاته الزواج لما يكون بسهوله مب غصب ولا بالقوه

انا ماقولج ارجعي للي تقدملج هذا قرارج وانتي روحج ترومين تاخذينه بس اذا رفضتي لا ترفضين بسبب الحب القديم ..
وبما انه بعده مايشتغل قوليله يوم بتشتغل بفكر بالموضوع

[روح.الامارات]

ماخاب من استخار .. ومافي افضل من استشاره رب العالمين ..
الغلا بس انا من رايي حاولي تحبين الشخص اللي خطبج و اختارج و يحبج هذا بيعيشج ملكه لانه يحبج .. بس الشخص الي تحبينه تراه وهم .. ماخطبج لاتحطين امل
ولاتضيعين عمرج عليه .. و لو يحبج بيخطبج مره و مرتين و ثلاث ..

[um YaSs]

حبيبتي اذا هذاك يحبج ما بيقولج شوفي حياتج مسسسستحيل والله واحد يحب وحده من خاطره يقولها جي !!

بالعكس لو يحبج بيقولج ترييني ارفضي الكل عشاني وانا باخذج ؟

مب يحبج اونه ويقولج انا محير بنت عمي وانتي شوفي حياتج شو هالحب؟؟

استخيري وتوكلي على الله وخلج على اللي شارنج والله يسعدج ان شاءالله

حبيبتي هالايام يقولج خذي اللي يحبج ولا تاخذين اللي تحبينه وايد احسن

[ذبحتهم عيوني]

فديييييتكن والله

صدق ما قصرتن .... والحمدالله اني كتبتلكم اللي ف خاطري

لاني كل ما اقرا رد منكن استانس واحس انه الدنيا بخير

ما شاءالله عليكن ... ربي يرزقكن كل اللي تتمننه يارب

[اماني سيف]

الله يكتب اللي فيه الخير

[ام سـلطان]

أنا أقولج و أنصحج وافقي عالثاني خذي اللي يحبج مب اللي تحبينه و مبين انه يبيج ربي يسهل امرج حبيبتي

[ليندااااا]

استخيري افضل شي وصفي نيتج قبل الاستخارة

[غزيل الدار]

مايهمني لي بتختارينه
بس لي جذبتي فالموضوع
انج اوكي تنخطبين لواحد مايشتغل
يعني مخطوبه مع وقف التنفيذ ؟
يعني متى راح يشتغل
مطوول ولا شو.
كله ها وقت من عمرج محسوووووب

[زنوبه ماركه]

حبيبتي إذا الأول يباج من قلب جان حارب الدنيا عشانج ؤما رضى انج تروحين ل غيره فديت روحج صلي استخاره ووكلي أمرج ل ربج والي فيه الخير الله بييسره لج

موفقه الغلا