انخطبت .. لكـــن ...

[ذبحتهم عيوني]

السلام عليكم ورحمة الله وبركاته

شحالكن ؟؟

ماعرف اذا حطيت هالموضوع ف المكان الصح والا لا؟

انا عندي استفسار ف موضوع يخص الزواج

وكتبت الموضوع ف المنتدى لاني ابا مساعدتكن

واعرف انكن ما بتقصرن ان شاءالله


انا تخرجت من الكليه شهر 6 يعني تقريبا من 6 اشهر

وطبعا بابا كان رافض فكرة اني انخطب ف فترة الدراسه

بس من اخر اسبوع لي ف الكليه ورد موضوع الزواج

خطبوني من عقب ما خلصت 8 اشخاص

وانا كنت رافضه الفكره والموضوع

انا للاسف حاطه ف بالي شخص معين واحبه <<<<< اعرف اني غلطانه بس ها اللي استوى وكنت اتمنى لو يرد الزمن وما اعرف هالشخص

بس ف نفس الوقت اعرف انه صعب ارتبط بهالانسان

اخر واحد خطبني كان واحد من معارفنا وانا اعرف انه هو يباني من ايام ثاني ثنوي يعني من 7 سنوات

بس انا عمري ما فكرت فيه

يوم خطبني فكرت ف الموضوع لاني الانسان اللي احبه محير بنت عمه و لاني كنت تحت ضغط الموضوعيين

استعيلت و وافقت عليه

المهم اللي خطبني بعده ما اشتغل بس هو خطبني لاني عرف اني تخرجت وخاف انه يخطبني واحد ثاني و وافق

قال انه يبا يتواصل وياي وتواصلنا فتره بس حسيت اني مب مرتاحه لاني دوم اقارنه بالثاني ولانه هو ما كان يهتم فيني

وانا كنت اتمنى انه هو يهتم فيني عسب اقدر انسى الشخص الثاني

يعني حتى ف يوم تخرجي ما حسسني انه مستانس والا اهتم بهالشي

انا عقب فتره قلتلهم خلاص ماباه ورمست اهلي وخواته واتفقنا انكنسل الموضوع

وف هالفتره شفت بنت عم اللي احبه وكنت احاول اسحب منها الكلام وفهمت منها انها هي تحس انه ما يحبها

وانه اذا حد خطبها غيره بتوافق

انا استانست وقلت خلاص ما بفكر ف هالموضوع وبترياه وانا اعرف انه هو يحبني

بس ف نفس الوقت انا ماعرف كيف ردت فعل اهلهم من هالموضوع

وهو دوم يحاول يوصلي اني اشوف حياتي لانه يعرف انه انخطبت اكثر من مره

واستوى شي خلاني ارد اختبص مره ثانيه

الشخص اللي خطبني و وافقت عليه اول مره

رد يطرشلي وقالي يباني افكر ف الموضوع مره ثانيه

وانه هو يباني من خاطره وهو اختارني مب اهله

ماعرف كيف اتصرف وشو اسوي؟؟

اتمنى تساعدني لاني وايد تعبت من هالموضوع

الشخص الاول مشكلته كبيره وموضوعه بيطول وايد لانه بعده مب جاهز

والشخص الثاني يحبني واهلي يموتون فيه بس انا مب قادره احس فيه

وكل ما اشاور حد يقولولي ما يخصنا هاي حياتج وما نبا نأثر فيج

وكل اللي بيردن والا بيمرن ع الموضوع مشكورات وايد

وربي يسعدكن ويوفقكن

ودعواتكن لي

كتبت وايد
السموحه منكن

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[أم راشد العين]

الله يوفقج ويسهل عليج امورج

[hamoudmam]

خليج مع الثاني و الله يوفقج

لو عالمقارنة فالأول يقول لج شوفي حياتج مع أنه يعرف اش كثر تحبينه و الثاني يقول لج فكري في الموضوع مرة ثانية مع أنج وضحتي له أنج ما تبين تستمرين وياه ....

دوري الأشياء الزينة في الثاني و الحب بي بروحه مع العشرة ..

[ام عمران4]

اختاري الذي يحبك لانه بجعلك ملكته لا تختاري الذي تحبينه لانك بتصيري عبده
لا تقارني ابدا لانك راح تخسري انسان يحبك موت وكمان حاولي تحبيه البنت اذا حسيت انه الشخص يحبها ويعطيها امان راح تحبه اهم شي تكوني تشوفيه هو بس ربنا يسر لك الخير

[مثلي قليل]

ألي يبينا عيت النفس تبغيه ...وألي نبيه عيى البخت لا يجيبه
هذه مشكلتنا نركض ورى ألي نحبه ومانهتم إذا هو يحبنا أو حتى ألي يحبنا
حبيبتي عطي قلبج إجازة وشغلي مخج
الريال الثاني أختارج ومقتنع فيج وشارنج أما الأول بصراحه وبدون زعل لو أنه يباج سوى المستحيل نحن في 2013 البنت الحين ماتنغصب على الزواج عاد كيف الريال؟! بصراحه ما أقتنعت أنه مايقدر ياخذ عشان محير بنت عمه ...وبعدين هو قالج شوفي حياتج ..خلاص فكري بعقلج ولا تضعين الثاني ألي يباج وشارنج والأهتمام والحب يجي مع الوقت أنا متزوجه وأفهم هالأمور ريلي ماهتم فيني وتعلق فيني إلا بعد الزواج

[حنان2006]

ألي يبينا عيت النفس تبغيه ...وألي نبيه عيى البخت لا يجيبه
هذه مشكلتنا نركض ورى ألي نحبه ومانهتم إذا هو يحبنا أو حتى ألي يحبنا
حبيبتي عطي قلبج إجازة وشغلي مخج
الريال الثاني أختارج ومقتنع فيج وشارنج أما الأول بصراحه وبدون زعل لو أنه يباج سوى المستحيل نحن في 2013 البنت الحين ماتنغصب على الزواج عاد كيف الريال؟! بصراحه ما أقتنعت أنه مايقدر ياخذ عشان محير بنت عمه ...وبعدين هو قالج شوفي حياتج ..خلاص فكري بعقلج ولا تضعين الثاني ألي يباج وشارنج والأهتمام والحب يجي مع الوقت أنا متزوجه وأفهم هالأمور ريلي ماهتم فيني وتعلق فيني إلا بعد الزواج

نفس الراي هالزمن مافي شي اسمه محير تراه عذر ياحبيبتي

[مبتسمةمتفائلة]

يعني انتي بنفسك حددتي عيوب و مميزات كل شخص
اوقفي مع نفسك وقفه حق و اعزمي انك تنسين هلانسان تماما و تبدأي حياه جديدة مع ريال يستاهلك وترتاحي له و قرري هل انتي متقبلة الشخص الثاني ولا لاء و خذي وقتك فلتفكير لا تستعجلين
بس خليكي فاكرة انك طول ما انتي بتفكري فلشخص الاول ما راح تتقبلين اي حد ابدا

[بهلولة]

انا بكون وياج تماما في سالفة الاولاني
وما بلومج على شي
عرفتيه وحبيتيه وخلاص
وتبينه وتحسينه هو بعد يحبج بس تقولين هو مو جاهز
السؤال
هل فعلا لووو تريتي هالانسان سنة ولا سنتين ولا ثلاث بيسير هالانسان بيت اهلج وبيخطبج واهله بيكونون وياه واهلج بيوافقون ؟؟؟!!!
اذا نعم انا اقولج عيل اتريي دامنج فعلا تحبينه
لكن اذا لا او مو متأكده
تراني اقولج غناتي
الحياة فرص
وسالفة الزوج الطيب والزين والاستقرار والعيال والحياة الزوجية السليمة فرصة وااااااااااايد بنات يتمنونها
لا ترفسين النعمة
واستخيري

[munamoor]

ما خاب من استخار ؛؛؛؛
عليج بالاستخارة قبل كل شى


مجرد رأي ؛؛؛؛؛؛؛؛
الي خطبج يا ختيه رسمي و دش من الباب أحسن لج من الي مسوي فيها دور الحبيب
ويقول لج بعد كل ها لسنين شوفي حياتج ( مستحيل واحد يحب وحدة و شارنها يقول لها شوفي حياتج )

سوالي ؛؛؛
هو محير بنت عمه !؟ كيف و هو يحبج ؟!؟! اختي هالايام البنات ما ترومين تغصبينهن
على اختيار شريك حياتهن ؟!؟! فما بالج بالشباب

حبيبتي ؛؛؛
اشتري الي شارنج و بيعي الي يبيعج ،،، ترى الأيام تركض و لو تميتي تتريين الي
مسوي عموه قيس ابن الملوح ،،،، ما راح تكسبين شى


من رأيي اختاري الي يحبج مب الي انتي. تحبينه

تمنياتي لج بالتوفيج

[غــ الروح ـلآ]

ما خاب من استخار ؛؛؛؛
عليج بالاستخارة قبل كل شى


مجرد رأي ؛؛؛؛؛؛؛؛
الي خطبج يا ختيه رسمي و دش من الباب أحسن لج من الي مسوي فيها دور الحبيب
ويقول لج بعد كل ها لسنين شوفي حياتج ( مستحيل واحد يحب وحدة و شارنها يقول لها شوفي حياتج )

سوالي ؛؛؛
هو محير بنت عمه !؟ كيف و هو يحبج ؟!؟! اختي هالايام البنات ما ترومين تغصبينهن
على اختيار شريك حياتهن ؟!؟! فما بالج بالشباب

حبيبتي ؛؛؛
اشتري الي شارنج و بيعي الي يبيعج ،،، ترى الأيام تركض و لو تميتي تتريين الي
مسوي عموه قيس ابن الملوح ،،،، ما راح تكسبين شى


من رأيي اختاري الي يحبج مب الي انتي. تحبينه

تمنياتي لج بالتوفيج

[لزانيا]

شوفي اختي بالعقل اكيد وافقي على اللي خطبج و متعلق فيج

يا اختي اللي تعرفتي عليه يعرف وايدات غيرج و كلهم يعطيهم كلام معسول لانه متعود و لانه مكار عارف كيف اييب راس البنات .

يا اختي الريال اللي ما كلم بنات بعمره لازم بيكون خجول شوي لانه اول مره يتكلم مع وحدة , و بعد الزواج بيستوي الحب و غيره .

و لا تتوقعين ان الريال لمغازلجي بيكون قمة الرومانسية ويا زوجته. لانه دايما بيكون مبطل عينه للبنات و انتي اخر وحدة يفكر فيها

يعني انسان مو ملتزم , كيف تقارنينه بانسان ملتزم

طلعيه من حياتج و اتوكلي على الله و وافقي على اللي يحبج , لان اللي يحبج بيسويج اميرة في حياته و الشي الاحلى انه ما قط كلم بنات , يعني انتي و بس في حياته .

و بعدين انتي تقولين انه ما يحب بنت عمه , مبين من كثر العلاقات اللي مسوينها ويا البنات مب داشة راسه , و صدقيني اذا رفض بنت عمه ما بياخذ وحدة متعرف عليها بالتيلفون لان بيتم يشك فيها و حياتهم بتكون عذاب

[ذبحتهم عيوني]

شوفي اختي بالعقل اكيد وافقي على اللي خطبج و متعلق فيج

يا اختي اللي تعرفتي عليه يعرف وايدات غيرج و كلهم يعطيهم كلام معسول لانه متعود و لانه مكار عارف كيف اييب راس البنات .

يا اختي الريال اللي ما كلم بنات بعمره لازم بيكون خجول شوي لانه اول مره يتكلم مع وحدة , و بعد الزواج بيستوي الحب و غيره .

و لا تتوقعين ان الريال لمغازلجي بيكون قمة الرومانسية ويا زوجته. لانه دايما بيكون مبطل عينه للبنات و انتي اخر وحدة يفكر فيها

يعني انسان مو ملتزم , كيف تقارنينه بانسان ملتزم

طلعيه من حياتج و اتوكلي على الله و وافقي على اللي يحبج , لان اللي يحبج بيسويج اميرة في حياته و الشي الاحلى انه ما قط كلم بنات , يعني انتي و بس في حياته .

و بعدين انتي تقولين انه ما يحب بنت عمه , مبين من كثر العلاقات اللي مسوينها ويا البنات مب داشة راسه , و صدقيني اذا رفض بنت عمه ما بياخذ وحدة متعرف عليها بالتيلفون لان بيتم يشك فيها و حياتهم بتكون عذاب

كلامج ع عيني وراسي

بس صدقيني انا مب شاكه من كلام الاول

محد يعرفه كثري ومستحيل اشك ف يوم انه هو يلعب بماعري وبس

ولو كان يلعب ما بيتريا 5 سنوات وهو يعرف اني اعرف عن بنت عمه

واذا ع الريال المغازلجي ترا حتى اللي يباني وخطبني يغازل

وهو اروحه قالي هالكلام مع انه المفروض ما يقولي عن هالحركات

انا صح مب حاطه ف بالي اني بياخذني واحد ما رمس ف عمره بنيه

بس عاد مب ايي ويقولي هالشي ولا بعد من البدايه قبل لا احبه

[فرحة الامارات]

ما خاب من استخار ؛؛؛؛
عليج بالاستخارة قبل كل شى


مجرد رأي ؛؛؛؛؛؛؛؛
الي خطبج يا ختيه رسمي و دش من الباب أحسن لج من الي مسوي فيها دور الحبيب
ويقول لج بعد كل ها لسنين شوفي حياتج ( مستحيل واحد يحب وحدة و شارنها يقول لها شوفي حياتج )

سوالي ؛؛؛
هو محير بنت عمه !؟ كيف و هو يحبج ؟!؟! اختي هالايام البنات ما ترومين تغصبينهن
على اختيار شريك حياتهن ؟!؟! فما بالج بالشباب

حبيبتي ؛؛؛
اشتري الي شارنج و بيعي الي يبيعج ،،، ترى الأيام تركض و لو تميتي تتريين الي
مسوي عموه قيس ابن الملوح ،،،، ما راح تكسبين شى


من رأيي اختاري الي يحبج مب الي انتي. تحبينه

تمنياتي لج بالتوفيج

مع راي الاخت

[شمالية وافتخر]

ما خاب من استخار ؛؛؛؛
عليج بالاستخارة قبل كل شى


مجرد رأي ؛؛؛؛؛؛؛؛
الي خطبج يا ختيه رسمي و دش من الباب أحسن لج من الي مسوي فيها دور الحبيب
ويقول لج بعد كل ها لسنين شوفي حياتج ( مستحيل واحد يحب وحدة و شارنها يقول لها شوفي حياتج )

سوالي ؛؛؛
هو محير بنت عمه !؟ كيف و هو يحبج ؟!؟! اختي هالايام البنات ما ترومين تغصبينهن
على اختيار شريك حياتهن ؟!؟! فما بالج بالشباب

حبيبتي ؛؛؛
اشتري الي شارنج و بيعي الي يبيعج ،،، ترى الأيام تركض و لو تميتي تتريين الي
مسوي عموه قيس ابن الملوح ،،،، ما راح تكسبين شى


من رأيي اختاري الي يحبج مب الي انتي. تحبينه

تمنياتي لج بالتوفيج

اوافق الراي

[بنت زاايد]

صلي صلاة الاستخاره وربي يختار لج لي فيه الخيرررة


الشخص لي تحبينه قولي له تقدم لي رسمي لاتعلقين قلبج وياااه واخرتها ياخذ عمه وكل الخطاب يروحون عنج وتكبرين في العمرر...قول له اذا جااد تقدم واذا جفتيه متردد اعلمي انه هووو يبا بنت عمه والافضل تنسينه لانه لي تقدم لج يبغيج افضل من تترين شخص اخرتها يروح لوحده ثااانيه حكمي العقل قبل المشاااعررر وانتي مبين عليج ما شاء الله حريصه وفاهمة رغم صغر سنج