انخطبت .. لكـــن ...

[ام منصور 86]

حبيبتي الخوات ما قصرن معاج انا بتكلم بالعقل وعن تجربة انا حبيت شخص ومحيرينه لبنت من اهله شوه استدفت ولا شي ابدا صح كلام البنات ما فيه شي اسمه مغصوب وصدقيني انا كنت اعاند واقول الدعاء بييبه بس كان كل شي واقف واحينه عرفت انه مب نصيبي النصيب ما يتعب حبيبتي النصيب يصيب هذا بصريح العبارة يقولج شوفي حياتج يعني ما يبالها تفكير انا ياليت الي كان يحبني يقولي شوفي حياتج لا كان يقولي انا اباج وارفضي اي حد اييج...!!! تخيلي نذالته... ما بلومه بس الوم نفسي لاني بعد غلطت... ولا تقارنين سبحان الله ربي هو يألف بين القلوب انا الي احبه حبيته ست سنين شوه الفايده ولا شي بالعكس كنت مهمومه كله اصيح وافكر بناخذ بعض ولا وعلى شوه الدنيا مب واقفه عليه يوم اصريت انه يحدد الموقف كلم اهله وقالوا له نحن خاطبين لك من زمان خلاص انهي موضوع البنت تتحرين هو تعور فيني لا ياي بكل ثقه ينهي وصحت واكتئبت بس صلاتي على النبي صبرتني وقيام الليل بعد صبرني والحمد لله من طلع من حياتي انخطبت لشخص افضل منه وسبحان الله تألف بيني وبينه مع اني كنت اقول مستحيل والين اليوم احمد ربي انه ما جمعني فيه لانه كنت صدق بعيش حياة صعبه وكلها مشاكل.... خلاصة الكلام اشتري الي شارنج اذا يحبج بيي يخطبج ومدام ربي موقف موضوعج مع الي تحبينه فانسيه وخذي الثاني خلج من الحب الحب الصادق الي ايي الين باب بيتج وما يخذلج مب انه يهتم فيج ترى الي بتتزوجينه بيهتم فيج بالحلال انا اقولج اذا الحلال ياي الين عندج خذيه واتركي الحب والعلاقات المحرمه عسى الله ينولج الي في بالج والي هو ستر والاستقرار

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام عمران4]

اختاري الذي يحبك لانه بجعلك ملكته لا تختاري الذي تحبينه لانك بتصيري عبده
لا تقارني ابدا لانك راح تخسري انسان يحبك موت وكمان حاولي تحبيه البنت اذا حسيت انه الشخص يحبها ويعطيها امان راح تحبه اهم شي تكوني تشوفيه هو بس ربنا يسر لك الخير

[ذبحتهم عيوني]

ام منصووور

مشكووووووووووره فديتج ع االنصيحه
وربي يكتب اللي فيه الخير


ام عمران
مشكورات ع دعواتج الطيبه



ربي يسعدكن

[Mn Ako0oN]

السلام عليكم ، سوالف الزواج والحب لا تنتهي ههههه

أتمنى لج حياة سعيدة يا أختي الغالية، فهمت حالتج، وفهمت كلامج يوم قلتي لوحدة من الخوات

بس صدقيني انا مب شاكه من كلام الاول

محد يعرفه كثري ومستحيل اشك ف يوم انه هو يلعب بماعري وبس

أنا وايد أثق بالمعرفة الذاتية، أنج أنتي بنفسج تعرفين الشخص اللي حاابه ترتبطين فيه، بس المشكلة، الأشخاص اللي حولج ممكن يشوفون هالشي عكس ما تشوفينه
ليش؟ لأنهم ما يعرفون من يكون الشخص اللي في بالج، مايعرفون طباعه وأسلوبه وشخصيته ......الخ

بس للأسف، صح نحن مب في زمن ان الاهل يغصبون بناتهم أو اولادهم على الزواج، لكن صرنا بزمن .. مااشي تفاهم، وماشي نقاش وحوار دائم، ماشي سرعة في اتخاذ القرارات قبل فوات الأوان، ماشي ثقة باللي حولنا ~

انتي مشكلتك مثل ما فهمت، انج تقارنين اللي خطبج باللي تحبينه صح؟ هذا الشي غلط وايد بتتعبين، لا تفكرين بهاي الطريقة
ما ادري شو انصحج مثل باقي الخوات

انتي تحبين شخص وتنتظرينه يخطبج، وظروفه ويا بنت عمه صعبة
والشخص الثاني اللي يباج والاهل راضيين بس انتي مب مرتاحه لأن بالج واحساسج وتفكيرج كله بالأول ..
وأنا أثق بكلام البنت يوم تقول، انا واثقة من الشخص اللي احبه انه ما يلعب علي ..

ممممم هني ما عندج الا الاستخااره والله بتفيدج
انتي محتاره بين أمرين !

استخيري وعقب ما تخلصين صلاة وترفعين ايدج وتدعين، تمي فكري بالسالفة، اربطي المواضيع ببعضها، لا تقارنين بيينهم!
بس فكري من النواحي الثانية، فكري بكل شي وشوفي نصيبج، أنتي مب كبيرة، ولا صغيرة، بس منو يدري باجر شو ممكن يستوي


ربي ييسر أمرج ويوفقج حبيبتي .. وربي يرزقج الزوج الصالح اللي يصونج ويحطج على راسه

[American.Stor]

خليج على الثاني انا اقول افضل لج ..

الله يختارلج الخير ..

[ذبحتهم عيوني]

السلام عليكم ، سوالف الزواج والحب لا تنتهي ههههه

أتمنى لج حياة سعيدة يا أختي الغالية، فهمت حالتج، وفهمت كلامج يوم قلتي لوحدة من الخوات



أنا وايد أثق بالمعرفة الذاتية، أنج أنتي بنفسج تعرفين الشخص اللي حاابه ترتبطين فيه، بس المشكلة، الأشخاص اللي حولج ممكن يشوفون هالشي عكس ما تشوفينه
ليش؟ لأنهم ما يعرفون من يكون الشخص اللي في بالج، مايعرفون طباعه وأسلوبه وشخصيته ......الخ

بس للأسف، صح نحن مب في زمن ان الاهل يغصبون بناتهم أو اولادهم على الزواج، لكن صرنا بزمن .. مااشي تفاهم، وماشي نقاش وحوار دائم، ماشي سرعة في اتخاذ القرارات قبل فوات الأوان، ماشي ثقة باللي حولنا ~

انتي مشكلتك مثل ما فهمت، انج تقارنين اللي خطبج باللي تحبينه صح؟ هذا الشي غلط وايد بتتعبين، لا تفكرين بهاي الطريقة
ما ادري شو انصحج مثل باقي الخوات

انتي تحبين شخص وتنتظرينه يخطبج، وظروفه ويا بنت عمه صعبة
والشخص الثاني اللي يباج والاهل راضيين بس انتي مب مرتاحه لأن بالج واحساسج وتفكيرج كله بالأول ..
وأنا أثق بكلام البنت يوم تقول، انا واثقة من الشخص اللي احبه انه ما يلعب علي ..

ممممم هني ما عندج الا الاستخااره والله بتفيدج
انتي محتاره بين أمرين !

استخيري وعقب ما تخلصين صلاة وترفعين ايدج وتدعين، تمي فكري بالسالفة، اربطي المواضيع ببعضها، لا تقارنين بيينهم!
بس فكري من النواحي الثانية، فكري بكل شي وشوفي نصيبج، أنتي مب كبيرة، ولا صغيرة، بس منو يدري باجر شو ممكن يستوي


ربي ييسر أمرج ويوفقج حبيبتي .. وربي يرزقج الزوج الصالح اللي يصونج ويحطج على راسه

حبيييتج واااايد

حسيت اني اتريا هالرد

بس والله استخرت وايد واحاول ما اقارن
بس للحين ما حسيت بشي
ومرات احس اني مرتاحتله ومرات العكس

وافكر بوايد اشيااء

اللي خطبني من بوظبي وانا من عمان وهالشي مخوفني

عشان جي مب قادره اقرر بسرعه وابا اخذ راحتي ف التفكير

انا احب اهله واااااااااايد امه وابوه وخواته بس للحين مب قادره اقرر

دعواتكن ان الله يسهل علي ويسر اموري

[ام مصطفى..]

صلي الاستخارة

[Mn Ako0oN]

حبيييتج واااايد

حسيت اني اتريا هالرد

بس والله استخرت وايد واحاول ما اقارن
بس للحين ما حسيت بشي
ومرات احس اني مرتاحتله ومرات العكس

وافكر بوايد اشيااء

اللي خطبني من بوظبي وانا من عمان وهالشي مخوفني

عشان جي مب قادره اقرر بسرعه وابا اخذ راحتي ف التفكير

انا احب اهله واااااااااايد امه وابوه وخواته بس للحين مب قادره اقرر

دعواتكن ان الله يسهل علي ويسر اموري

هههههههه فديتج والله، نحن بنات ونفهم على بعض
تمر علينا هالأحاسيس والأفكار الغريبة !

ربي يوفقج وييسر أمرج أختي، ربي يفتح عليج أبواب الخير، وربي يريح باالج يارب يارب يارب

[SoOoOo]

ما عندي شي اقوله غير ربي يوفقج .

[انفاس روحي..]

استخيري والله يكتب لج
اللي فيه الخير

[اتعبني غلاهـ]

اختي انا من رايي تصلين استخاره وايد احسن

وبعدين انا لو بدالج بختار الثاني يعني الاول روحة قالج جوفي حياتج ماقالج اترييني
والثاني قالج فكري وبعدين ان ماحبيتيه الحين او تقولين مايهتم فيج اكيد الريال مب متعود عليج يمكن ولا مره كلم بنات مايعرف كيف يتعامل معاهم حاولي انتي تغيرينه ومع العشرة بيصير شرات ما انتي تبين بس لاترفسين النعمة بريلج وايد بنات يتمنون

الله ايسرلج امورج حبيبتي

[ذبحتهم عيوني]

انا استخرت بس ما ارتحت

فكرت وايد ف الموضوع بس يمكن نصيبي لا ويا اللي احبه ولا ويا اللي يحبني

استخرت اكثر من مره

وان شاءالله ما اندم ع قراري

ومشكورات كل اللي وقفتن وياي وعطيتني من وقتكن

[mini_bunny]

خذي الي يحبج مؤ الي تحبينه واستخيري اهم شي

[ميثة بنتي]

الله يسهل امورج استخيري ربج احسن شي وافضل لج من الكل

[حبيبة كلود]

اختي صلي استخر بس مب مرة ومرتين فوق 5 مرات واذا شفتي امورج تتيسير وافقي وانشاء الله ربي يعطيج على قد نيتج