انخطبت .. لكـــن ...

[ذبحتهم عيوني]

السلام عليكم ورحمة الله وبركاته

شحالكن ؟؟

ماعرف اذا حطيت هالموضوع ف المكان الصح والا لا؟

انا عندي استفسار ف موضوع يخص الزواج

وكتبت الموضوع ف المنتدى لاني ابا مساعدتكن

واعرف انكن ما بتقصرن ان شاءالله


انا تخرجت من الكليه شهر 6 يعني تقريبا من 6 اشهر

وطبعا بابا كان رافض فكرة اني انخطب ف فترة الدراسه

بس من اخر اسبوع لي ف الكليه ورد موضوع الزواج

خطبوني من عقب ما خلصت 8 اشخاص

وانا كنت رافضه الفكره والموضوع

انا للاسف حاطه ف بالي شخص معين واحبه <<<<< اعرف اني غلطانه بس ها اللي استوى وكنت اتمنى لو يرد الزمن وما اعرف هالشخص

بس ف نفس الوقت اعرف انه صعب ارتبط بهالانسان

اخر واحد خطبني كان واحد من معارفنا وانا اعرف انه هو يباني من ايام ثاني ثنوي يعني من 7 سنوات

بس انا عمري ما فكرت فيه

يوم خطبني فكرت ف الموضوع لاني الانسان اللي احبه محير بنت عمه و لاني كنت تحت ضغط الموضوعيين

استعيلت و وافقت عليه

المهم اللي خطبني بعده ما اشتغل بس هو خطبني لاني عرف اني تخرجت وخاف انه يخطبني واحد ثاني و وافق

قال انه يبا يتواصل وياي وتواصلنا فتره بس حسيت اني مب مرتاحه لاني دوم اقارنه بالثاني ولانه هو ما كان يهتم فيني

وانا كنت اتمنى انه هو يهتم فيني عسب اقدر انسى الشخص الثاني

يعني حتى ف يوم تخرجي ما حسسني انه مستانس والا اهتم بهالشي

انا عقب فتره قلتلهم خلاص ماباه ورمست اهلي وخواته واتفقنا انكنسل الموضوع

وف هالفتره شفت بنت عم اللي احبه وكنت احاول اسحب منها الكلام وفهمت منها انها هي تحس انه ما يحبها

وانه اذا حد خطبها غيره بتوافق

انا استانست وقلت خلاص ما بفكر ف هالموضوع وبترياه وانا اعرف انه هو يحبني

بس ف نفس الوقت انا ماعرف كيف ردت فعل اهلهم من هالموضوع

وهو دوم يحاول يوصلي اني اشوف حياتي لانه يعرف انه انخطبت اكثر من مره

واستوى شي خلاني ارد اختبص مره ثانيه

الشخص اللي خطبني و وافقت عليه اول مره

رد يطرشلي وقالي يباني افكر ف الموضوع مره ثانيه

وانه هو يباني من خاطره وهو اختارني مب اهله

ماعرف كيف اتصرف وشو اسوي؟؟

اتمنى تساعدني لاني وايد تعبت من هالموضوع

الشخص الاول مشكلته كبيره وموضوعه بيطول وايد لانه بعده مب جاهز

والشخص الثاني يحبني واهلي يموتون فيه بس انا مب قادره احس فيه

وكل ما اشاور حد يقولولي ما يخصنا هاي حياتج وما نبا نأثر فيج

وكل اللي بيردن والا بيمرن ع الموضوع مشكورات وايد

وربي يسعدكن ويوفقكن

ودعواتكن لي

كتبت وايد
السموحه منكن

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم راشد العين]

الله يوفقج ويسهل عليج امورج

[hamoudmam]

خليج مع الثاني و الله يوفقج

لو عالمقارنة فالأول يقول لج شوفي حياتج مع أنه يعرف اش كثر تحبينه و الثاني يقول لج فكري في الموضوع مرة ثانية مع أنج وضحتي له أنج ما تبين تستمرين وياه ....

دوري الأشياء الزينة في الثاني و الحب بي بروحه مع العشرة ..

[مثلي قليل]

ألي يبينا عيت النفس تبغيه ...وألي نبيه عيى البخت لا يجيبه
هذه مشكلتنا نركض ورى ألي نحبه ومانهتم إذا هو يحبنا أو حتى ألي يحبنا
حبيبتي عطي قلبج إجازة وشغلي مخج
الريال الثاني أختارج ومقتنع فيج وشارنج أما الأول بصراحه وبدون زعل لو أنه يباج سوى المستحيل نحن في 2013 البنت الحين ماتنغصب على الزواج عاد كيف الريال؟! بصراحه ما أقتنعت أنه مايقدر ياخذ عشان محير بنت عمه ...وبعدين هو قالج شوفي حياتج ..خلاص فكري بعقلج ولا تضعين الثاني ألي يباج وشارنج والأهتمام والحب يجي مع الوقت أنا متزوجه وأفهم هالأمور ريلي ماهتم فيني وتعلق فيني إلا بعد الزواج

[مبتسمةمتفائلة]

يعني انتي بنفسك حددتي عيوب و مميزات كل شخص
اوقفي مع نفسك وقفه حق و اعزمي انك تنسين هلانسان تماما و تبدأي حياه جديدة مع ريال يستاهلك وترتاحي له و قرري هل انتي متقبلة الشخص الثاني ولا لاء و خذي وقتك فلتفكير لا تستعجلين
بس خليكي فاكرة انك طول ما انتي بتفكري فلشخص الاول ما راح تتقبلين اي حد ابدا

[بهلولة]

انا بكون وياج تماما في سالفة الاولاني
وما بلومج على شي
عرفتيه وحبيتيه وخلاص
وتبينه وتحسينه هو بعد يحبج بس تقولين هو مو جاهز
السؤال
هل فعلا لووو تريتي هالانسان سنة ولا سنتين ولا ثلاث بيسير هالانسان بيت اهلج وبيخطبج واهله بيكونون وياه واهلج بيوافقون ؟؟؟!!!
اذا نعم انا اقولج عيل اتريي دامنج فعلا تحبينه
لكن اذا لا او مو متأكده
تراني اقولج غناتي
الحياة فرص
وسالفة الزوج الطيب والزين والاستقرار والعيال والحياة الزوجية السليمة فرصة وااااااااااايد بنات يتمنونها
لا ترفسين النعمة
واستخيري

[munamoor]

ما خاب من استخار ؛؛؛؛
عليج بالاستخارة قبل كل شى


مجرد رأي ؛؛؛؛؛؛؛؛
الي خطبج يا ختيه رسمي و دش من الباب أحسن لج من الي مسوي فيها دور الحبيب
ويقول لج بعد كل ها لسنين شوفي حياتج ( مستحيل واحد يحب وحدة و شارنها يقول لها شوفي حياتج )

سوالي ؛؛؛
هو محير بنت عمه !؟ كيف و هو يحبج ؟!؟! اختي هالايام البنات ما ترومين تغصبينهن
على اختيار شريك حياتهن ؟!؟! فما بالج بالشباب

حبيبتي ؛؛؛
اشتري الي شارنج و بيعي الي يبيعج ،،، ترى الأيام تركض و لو تميتي تتريين الي
مسوي عموه قيس ابن الملوح ،،،، ما راح تكسبين شى


من رأيي اختاري الي يحبج مب الي انتي. تحبينه

تمنياتي لج بالتوفيج

[بنت زاايد]

صلي صلاة الاستخاره وربي يختار لج لي فيه الخيرررة


الشخص لي تحبينه قولي له تقدم لي رسمي لاتعلقين قلبج وياااه واخرتها ياخذ عمه وكل الخطاب يروحون عنج وتكبرين في العمرر...قول له اذا جااد تقدم واذا جفتيه متردد اعلمي انه هووو يبا بنت عمه والافضل تنسينه لانه لي تقدم لج يبغيج افضل من تترين شخص اخرتها يروح لوحده ثااانيه حكمي العقل قبل المشاااعررر وانتي مبين عليج ما شاء الله حريصه وفاهمة رغم صغر سنج

[ورقة ناعمة]

الغالية لاتسوين مقارنات بالرياييل ولو شو ماكان الريال زين ولا مب زين لاتقارنينه بالثاني

الاول عاش دور الحبيب والدور هذا لازم يكون بطولي يبرز كل شي فيه زين ويبين انج صدق محبوبته الغالية

فكري بعقل وخلي قلبج على صوب الريال لو صدق حبج من قلبه والله مايتريا ثانية ولا ينتضر ساعة عشان تترتب اموره

ولا حتى بيخليج بيراكض يمين ويسار بيدبر عمره وبيحاول لانج شاغله تفكيره ...مب تاليف قصة

انا محير ويا بنت عمي ,,, هذه القصة المليون اللي نسمعها من الشباب يوم وقت الصدق يطلع الكذب والتمثيل

اسالي وشوفي الخوات اللي عاشن دور الحبيب مع الحب سنين وبعدين النتيجة اهلي يبوني لبنت عمي هذا اذا عنده بنت عم

يا اختي لاتركضين ورا اللي تحبينه ,,, خذي اللي يحبج وشاريج وطلبج بالحلال من الباب .. مب من ورا الفون

والكلام الحلو ترى الحياه مب كلها حب وغزل والزواج مسؤوليه وبيت واسه وعيال وفيه بالنهاية جنة ونار

واكملي نص دينج واهم شي ترضين رب العالمين اتركي الحب لوقت انتهى وعمر راح مع المراهقة والاحلام

وعيشي بواقع وبعقل عقلاني استخيري استخيري ستخيري رب العالمين ....

وترى الرياييل كلهم نفس الطينه لاتقولين ما اهتم ما سوى لاتخلين هالامور السطحية تاثر عليج
واذا عرستي نصيحه لاتقارنين لانج بتتعبين ,,,والمقارنة اللي تقارنينها غلط في غلط تعرفين ليش لانج ماعاشرتي الشخص

اللي ببالج كلها مواقف بطوليه عشان يبرز نفسه انه دور الحبيب وبس لا اكثر ولا اقل والشخص تعرفينه اذا عاشرتيه .

[عنقاشة كاشخة]

حبيبتي خذيها مني كااااااااااااااااااش وعن تجربة.. خذي اللي يباج وياج من الباب واختارج وأعلن هالشي جدام اهلج واهله... وودري اللي بعده مب عارف شو يسوي ولا عارف كيف يتصرف... ولا تتمين ترفضين .. ترا وايد غيرج رفضو ورفضو وعقب تمو بدون عرس وعنسو.. ولو يرد بهن الزمن لورا جان خذو اول شخص تقدم لهن... ابدا لا تفكرين تقارنين بين هذا وهذا... لانه هذاك كان عايش معاج قصة حب وسوالف وخرابيط لفترة مؤقته وكان يتعامل معاج على هالاساس فأكيد بيكون رومانسي وماشي منه.. واول ما تعرسين منه ممكن يكون غير... اما الثاني اللي خطبج.. عاملج بكل صدق لانه اعتبرج زوجته واللي يباها تكمل معاه حياته كلها.. وبتصبر على كل عيوبه وأغلاطه لانه بينهم عمر وحياة مشتركة...

ما فيه ريال كامل.. اذا كنتي تدورين هالشي بتمين عمرج كله بروحج... والاستخارة ثم الاستخارة ثم الاستخارة

[m3andah]

لو الثاني موضوعه بيطول عالاقل كان فكر يخطبج عشان ماحد ياخذج . . خاصة انه ممكن ماياخذ بنت عمه

بس هو ما فكر بهالشي

ف برايي خذي اللي يبيج . . وشاريج
وطبعا لا تنسي الاستخارة

[ام السديس]

الغالية لاتسوين مقارنات بالرياييل ولو شو ماكان الريال زين ولا مب زين لاتقارنينه بالثاني

الاول عاش دور الحبيب والدور هذا لازم يكون بطولي يبرز كل شي فيه زين ويبين انج صدق محبوبته الغالية

فكري بعقل وخلي قلبج على صوب الريال لو صدق حبج من قلبه والله مايتريا ثانية ولا ينتضر ساعة عشان تترتب اموره

ولا حتى بيخليج بيراكض يمين ويسار بيدبر عمره وبيحاول لانج شاغله تفكيره ...مب تاليف قصة

انا محير ويا بنت عمي ,,, هذه القصة المليون اللي نسمعها من الشباب يوم وقت الصدق يطلع الكذب والتمثيل

اسالي وشوفي الخوات اللي عاشن دور الحبيب مع الحب سنين وبعدين النتيجة اهلي يبوني لبنت عمي هذا اذا عنده بنت عم

يا اختي لاتركضين ورا اللي تحبينه ,,, خذي اللي يحبج وشاريج وطلبج بالحلال من الباب .. مب من ورا الفون

والكلام الحلو ترى الحياه مب كلها حب وغزل والزواج مسؤوليه وبيت واسه وعيال وفيه بالنهاية جنة ونار

واكملي نص دينج واهم شي ترضين رب العالمين اتركي الحب لوقت انتهى وعمر راح مع المراهقة والاحلام

وعيشي بواقع وبعقل عقلاني استخيري استخيري ستخيري رب العالمين ....

وترى الرياييل كلهم نفس الطينه لاتقولين ما اهتم ما سوى لاتخلين هالامور السطحية تاثر عليج
واذا عرستي نصيحه لاتقارنين لانج بتتعبين ,,,والمقارنة اللي تقارنينها غلط في غلط تعرفين ليش لانج ماعاشرتي الشخص

اللي ببالج كلها مواقف بطوليه عشان يبرز نفسه انه دور الحبيب وبس لا اكثر ولا اقل والشخص تعرفينه اذا عاشرتيه .

ما شاء الله عليج انا وياج بكل كلمه

[احلى الايام]

انا اشوف اذا انتي مش مرتاحة للثاني لاتاخذينه لانج بتظلمين نفسج معاه هذا طبعا اذا نفس ماقلتي مايهتم فيج بس كيف يحبج ومايهتم فيج..
والاولاني امحيه من بالج تماما وابدي صفحة يديدة مع نفسك لان اذا هو يباج كزوجه جان جى وخطبك من بعد اول خطيب خطبج مابينتظر للخطيب التاسع وبيجي يخطبج لان الي يحب وحده مايتركها لغيره ..صراحة وايد رياييل اهلهم مايرضون ياخذون البنت او يكونون يبونه لبنت عمه او عمته لكن فالنهاية ياخذ الي يباها لانه دافع عن حبه والانسانة الي يباها تشاركه حياته.
لا اطالعين وراج فكري بباجر وشوفي نفسج ولاتخلين التفكير فيه ياثر على اختياراتج والا اختيارج بيكون غلط لانج بتكونين ساعتها تهربين من حفرة لحفرة ثانية .

[شمـــ وفا ـــعة]

الله يوفقج وييسر أمورج

[شمـــ وفا ـــعة]

الغالية لاتسوين مقارنات بالرياييل ولو شو ماكان الريال زين ولا مب زين لاتقارنينه بالثاني

الاول عاش دور الحبيب والدور هذا لازم يكون بطولي يبرز كل شي فيه زين ويبين انج صدق محبوبته الغالية

فكري بعقل وخلي قلبج على صوب الريال لو صدق حبج من قلبه والله مايتريا ثانية ولا ينتضر ساعة عشان تترتب اموره

ولا حتى بيخليج بيراكض يمين ويسار بيدبر عمره وبيحاول لانج شاغله تفكيره ...مب تاليف قصة

انا محير ويا بنت عمي ,,, هذه القصة المليون اللي نسمعها من الشباب يوم وقت الصدق يطلع الكذب والتمثيل

اسالي وشوفي الخوات اللي عاشن دور الحبيب مع الحب سنين وبعدين النتيجة اهلي يبوني لبنت عمي هذا اذا عنده بنت عم

يا اختي لاتركضين ورا اللي تحبينه ,,, خذي اللي يحبج وشاريج وطلبج بالحلال من الباب .. مب من ورا الفون

والكلام الحلو ترى الحياه مب كلها حب وغزل والزواج مسؤوليه وبيت واسه وعيال وفيه بالنهاية جنة ونار

واكملي نص دينج واهم شي ترضين رب العالمين اتركي الحب لوقت انتهى وعمر راح مع المراهقة والاحلام

وعيشي بواقع وبعقل عقلاني استخيري استخيري ستخيري رب العالمين ....

وترى الرياييل كلهم نفس الطينه لاتقولين ما اهتم ما سوى لاتخلين هالامور السطحية تاثر عليج
واذا عرستي نصيحه لاتقارنين لانج بتتعبين ,,,والمقارنة اللي تقارنينها غلط في غلط تعرفين ليش لانج ماعاشرتي الشخص

اللي ببالج كلها مواقف بطوليه عشان يبرز نفسه انه دور الحبيب وبس لا اكثر ولا اقل والشخص تعرفينه اذا عاشرتيه .

ونعم الرد .. أنا مع الأخت