الزوج ومواقع التواصل الاجتماعي

[بنت خورفكان 3]

انا شايفه وكاتمه بصدري لكني احترق اتغاضى عن هفواته لكن ما عندي حل

اللي صار لها موقف وعرفت كيف تحله تقول بس رجاءا الرد من المتزوجات فقط

صج مشكله

كيف الزوجه تتعامل مع هالتعارف
انا قررت اعامل الزوج بالمثل علشان يحس انتوا شو تجاربكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت الشوامخ]

والله مواقع التواصل الاجتماعي وايد فيها فتن وتخوف

الواحد يبعد عنها احسن وافضل

سواء معرسين ولا لا

وانا مااا انصحج نهائيا تعاملينه بالمثل
يعني تدشين هالمواقع وتتعرفين
والله انج انتي الخسرانه بالاخير
لانه هالشي يغضب الله وثانيا لا تفتحين لنفسج باب ماتعرفين شو مصيره


انا من ما ملجت حاولت قد ما اقدر ابعد عن هالمواقع
لانها تفتح ابواب للتواصل مع الجنس الاخر
اما هو مادري هل هو مشترك بهالمواقع ولا لا

بس اذا كنت في نفس موقفج

بكل صراحه راح تكون بيني وبينه جلسة مصارحه ونحل الموضوع من بيننا بحوار وتفاهم
مافي احسن من المصارحه
عشان اعرف وين الخلل وكيف اصلح الموضوع
والاهم من هذا بالاخير انه يترك هالمواقع
لانه للاسف صدق ماشي امان
لو ريلج محترم
ما تضمنين انه كل البنات في هالمواقع محترمات

[صمتي ღ لغـتي]

الله المستعان

انا ما انصحج تعاملينه بالمثل يا اختي اهم شي رضى رب العالمين
عن نفسي ما اسجل بهالمواقع
ريلي عنده اكاونت فتويتر بس انا مطلعه عليه يعني يشاركني بكل شي

الله يعينج حاولي تحلين الموضوع بطريقه وديه من غير ما تحسسينه بخوفج لان بيستوي عنده فضول

[ورقة ناعمة]

اختى كيف بالمثل ترى اللي يبغي يتعامل مع مواقع التواصل الاجتماعي بايجابياته عادي بينفعه

لكن السلبيات واضحه وانتي شو القصد انج تتعاملين بالمثل يعني الاساءة بالاحسان

المهم مواقع التواصل منتشره بشكل كبير وبعدين الريايل الاغلبية ويا ربعهم والاهم اني البعض مايبغي يفضح عمره

ويسوي بلاوي ومثل ماقلت الاخت صمتي لغتي مابزيد على كلامها شي

[نبض الشارقة]

الله المستعان

[كلامي عسل]

ماانصصح فيهااا

[مبتسمةمتفائلة]

كيف يعني تتعاملين بالمثل
لو بيخون انتي بتخوني
لو بيزني انتي بتزني
تذكري رب العالمين و لا تتذكري زوجك ولا تخلين الانتقام منه ياخذك للهاوية

[Miss.Feminine]

كل ممنوع مرغووب

خليه لا تعارضينه و لا تغلسين عليه

وراقبيه شاركيه و سويله فولو مثلا و سوي فولو حق اللي مسوي لهم فولو مثلا

و اقري معاه وعلقي مثلا اضحكي قوليله شوف شوف فلان او فلانه شو كاتبه

بروحه بيمل و بيدور شي ثاني يشغل وقته

بس انج تعاملينه بالمثل لا غلط كيف يعني بتتعرفين على شباب ؟؟

اصلا عيب تفكرين بهالشي

[سما بغداد]

يا اخوات انتو عفتو المشكلة الاساسية ومسكتوا بكلمة (اعامله بالمثل) البنت مسكينة محروق دمها ومعصبة بس اكيد ماتقصدها.

[مايم]

شو يعني التواصل الاجتماعي ........اذا كان على هذا ...... فالتواصل الاجتماعي ممكن يكون فالدوامات او فالاماكن العامه ........مب شرط الفيس بوك والتويتر وغيره ...........والماسنجر ....... خليه على راحته وعيشي حياتج مع زميلاتج واهلج وخواته طلعات وزيارات وريلج اهتمي فيه بكل اموره وابعدي عنج الغيره والشك اللي مامنها غير الدمار ..............فحافظي على بيتج .........

[2Hearts]

هذا شيطان صوته يرن في رأسج تعوذي منه

[مراسيل الوفاآ]

ع حسب ريلج هو كيف وياج وتعامله معاج
هل هو يرفض انج تسجلين ف هالمواقع ؟
يعني (تويتر، انستقرام، فيسبوك، . . .)
اذا هيه يمنعج ف ايلسي وياه وقوليله
نفس ما انته تغار عليه وما تباني ادخل هالاماكن
انا بعد ماباك تدخل لاني اغار عليك وماباك تنشغل
عني بسبة هالبرامج، ولو عادي عنده تسجلين
ف سويلج اكاونت وسويله فولو وشوفيه يتابع منو
ويرد ع منو ويرمس منو بس خليج واضحه وياه
من البدايه انج ما تبينه يتعدى حدوده ف هالمواقع
وكذلك هالرمسه لج، الانترنت سلاح ذو حدين
يا اما تستخدمينه بايجابيه او سلبيه مب شرط
اللي عنده اكاونتات يعني انسان فاسد ولا اللي
ما عنده يعني انسان قمه ف الاخلاق، ذكريه
بمراقبه الله له وتابعيه اول بأول وان شاء الله
ما في شي، لكن بعد انا ضد انه أولياء الامور
ينشغلون بـ هالبرامج لانها تلهي الواحد أحيانا

[بنت خورفكان 3]

خبرته وانصدم كان شعور الانتصار لكن قعد يكذب اف من كذبه ضافني بصداقاته بالفيس بوك
المهم ما يهمني بطنشه لين يرد لعقله اخرتها ما يعرف غيري وغير عياله نقطة ضعفه

[بنت خورفكان 3]

انا عادي معاه لاصق طول الوقت الا اذا طلع لشغل بس الشكوك تلعب دور
تعرفوا كيف البنات برع البيت ونحن امهات وعندنا عيال قاعدين بهالرجيم والتمارين

[% الكاذي %]

لأسف مواقع التواثل الاجتماعي سلبياتيها أكثر من إيجابياتها من كثر ما فيها من فتن
بس إنتي جيسي نبض ريلج وقولي له شو أحسن موفع أباه أشترك فيه وشوفي شو ردة فعله
آذا انفعل وكبر الموضوع السي معاه وكلميه بهدووووء بدون عصبية ولا نرفزه وقولي له إن اشتراكه يجرحج وإنتي مب مرتاحه