تعبت من الوحام

[وفا دبي]

مساء الخير صار لي 3 شهور حامل وما اقدر اكل شي كله ارجع تعبت وكله خمول وتعبت ودمي ضعيف وحبوب بجسمي ما تختفي

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[um alyaman]

الله يهون عليك و انا نفس حالتك وجهى كله فقع حبوب من الستفراغ و الجفاف .. خلي دكتورتك تعطيك شي دوا للوعة و الغثيان او شي يوقف الترجيع ما الك الا الصبر .. لو مو متحملة روحى الطوار ئ ممكن يفحصو الجفاف و يعطوك شي بالوريد و ابرة للترجيع و الله يعدى هالفترة ع خير

[Rose ss]

فترة واتطوف انشالله
الله يقويج

[ليالي85]

الله يهونها عليج ان شاء الله فترة و طوف بس انا وحامي تم لين ربيت ما ابا خوفج لكن حالات نادرة تصير و الله 9 شهور وحام و زواع لاعت جبدي كله يهون لاجل الضنا

[ساكنة دبي]

الله يعينج حبيبتي
حتى أنا كان وحامي جيه كله ترجيع
و بنص الرابع وقف عني كل هذا الحمدلله
هي فترة و تعدي و الله يصبرج

[مندوبة جدة]

الله يعينك اختي ويسهل عليكي

[يافا البهائية]

حبيببتي ربي يمدك بالصحة والعافية ...وربي لا يحرم حد الضنا لإنهم نعمة وحق كتاب الله ... لازم تشدي حيلك وتحاولي تأكلي عشان هالمرحلة في البداية تكوين الجنين ربي يسلمك ... وودامي ع الدواء بهون بعض الشئ ... ربي يقومك بالسلامة

[أعذب همس]

الله يهونها عليج حبيبتي ...
قلبي حاولي تشربين ماي لبان عربي (تحطين حبات لبان في كوب وتصبين عليه ماي مغلي وعقب تشربينه بيقلل الزواع واللوعه عليج)
حاولي تاكلين شغلات خفيفة مثلا بسكوت مملح خفيف لكن لا تفكرين باللي فيهم كريمة

والكورن فليكس بروحه بدون اي شي بيكون أفضل لج ...
ومن فترة لفترة اذا حسيتي باللوعة والتعب قصي ليمونه وشميها بتريح أعصابج اشوي


والله ايسرها لج يارب ... كل شي باجره باذن الله ^_^

[اليزوي]

انا نفسج لين نهاية الرابع وقف الوحام بالتدريج
كنت بس اكل حوامض وملح حتى الماي اكرهه
واذا بخصوص النفخ والغازات اعلجي لبان ماكل
او كلي خياااااررر مريح للبطن
ماعليه اصبري حبيبتي ب انتبهي اذا ترجعين وايد
ﻻازم تسيرين العياده يعطونج مغذي عن الجفاف

[اليزوي]

انا كنت اسير العىياده وف ايدي ليمونه عشان اتم اشمها وماتلوع جبدي .. خخخ ووحامي كان متعبببب كسر عظامي
ونزل وزني وايد بس عقب بتعوضين ان شاء الله

[شوق الأميري]

حبيبتي الله يكون بعونج انا كنت بنفس حالج بس لمدة شهر كامل وانا اعاني من الزواع وما كنت اكل ابدا ولا اشرب ماي وكرهت الفواكه والخضروات وكل شي تقريبا لين صابني جفاف حااااد ووكنت كل مره اروح المستشفى ويركبولي مغذي والله وايد عانيت بس الحمدلله من دخلت الثالث وقف الزواع بس كنت احس بلوعه لين دخلت الخامس هي فتره واتعدي حبيبتي وصدقيني من اتعدين الرابع بتحبين الحمل

الله يسهل علينا ويقومنا بالسلامه واتقر عيونا بشوفة ضنانا بصحه وسلامه

[صفوويه]

الله يخفف عليج

والله انا شراتج هلكت فالوحام لين الشهر الخامس وقف عني وارتحت الحمدلله

بس في نااس وحامهم مايطول كلها ثلاث شهور ويرووح وناس لا شرات أختي ليالي تسع شهور

انتي اهم شي شربي ماي وااااايد وعصاير علشان مااييج جفاف