كي الخياطة

[مالتيزرس]

السلام عليكم
خواتي حبيت أطرح مشكلتي وبغيت أعرف اللي مر بشرات حالتي
أنا ولدت بالسلامة من شهرين ونص بس المشكلة الله يسامح اللي شقت لي لأني يجر فاتخيلن كل ما أروح عيادة يقولو لي ان الخياطة مالتج لعبان وجيه لأنه الشق كان بالطول والعرض وايد أعاني منها ماروم أمشي وأقعد شرات العالم فسويت كوي فمستشفئ خاصللخياطة اللي ع الينب اللي هيه بالغلط ولكن المشكلة أجوف دم ينزل مادري شو المشكلة ونسيت أقول ان المستشفى اللي ولدت فيه ان بعد الخياطة دخلوني غرفة العمليات لانهم لعبو فيني وماعرفو يخيطوني فسوو لي بنج ثاني كامل للجسم عسب الدكتورة تتدخل لانه الممرضات كانن يولدنني وشغلهن مال سريع من دون ذمة. ماقول غير حسبي الله ونعم الوكيل.
فسؤالي منو فيكن سوت كوي للخياطة وعقب ظهر لها دم.

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[بهلولة]

ربيعتي الخياطة الاولى اسوالها فيها التهاب
ووايد تعبت يا حليلها
وسارت عند دكتورة ثانية
فتحتلها الخياطة الاولى وعقمتلها المكان
بصراحة تعبت وايد
بس سالفة الكي ما سمعت عنها
واتمنى البنات يفيدونا

[اليزوي]

اختي سيري عياده خاصه ثقه وخيطي من اول ويديد احسن
عشان حياتج الزوجيه وبخصوص الكي ولا مره سمعت بس اكيد بيتم علامه ولج حرية الاختيار

[اليزوي]

انا ربيعتي شقولها مثلج بس هي ربت وخاطت ف مستشفى الزهرا عند نفيسه

[مالتيزرس]

خواتي أنا الكي سويته فمستشفى راك اليديد. لأن الخياطة قسم بالله لعبان اللي ماعندهم ذمة ولاضمير اتلعوزت خلوني ألحين ع تحاميل ودوا أدخله ع داخل عسب الجرح المكواي والله كرهت عيشتي وكرهت الولادة من المعاناة اللي جفتها كل شغلهم سريع ونحن اللي نبهدل واحتمال ولاداتي اليابة كلها قيصري لان ما أقدر أجوف الويل اللي جفته منهم والله يعيني الحين المنطقة اللي تحت كامل تعورني كل ما أقوم أحس فألم والأعصاب أحسها يابسة.

[كراعين النمله]

استحملي اختي انتي تحسبي قيصريه سهله والله انج تموتين اول شهر ما تقدرين تقومين ولا تجلسين تبكين يوم تقومين يوم اي طفلج اول يبة يلعب وياج ماتقدري تبكي مب هين ترا

[أسماء2]

اول مرة اسمع عن الكي !!!

[مالتيزرس]

للي ما سمعن عن الكي هذا للحالات المستعصية لأن الخياطة اللي ع جنب المهبل كانت ملتهبة وهذا الغلط اللي سووه والمفروض ماينقص هذا المكان بس هم الله يهديهم ماعرف شكا قاصين. فالدكتورة اللي فالخاص أول شي عطتني تحاميل وكريم ومانفع وعقب قالت لي بكوي لج المنطقة الملتهبة وكوتها لأن خواتي الألم فظيع اتخيلن حتى الجماع ما أقدر عليه وسوري ع الكلمة يعني أحس ان حد يايب المشرط وقاطع لي المنطقة يوم أمشي. والله يكون فالعون. وماأقول غير قدر الله وماشاء فعل