جيرانا

[ام السديس]

السلام عليكم



بدش بالموضوع لان قلبي معورني انا ساكنه بفيلا فيها شقق طبعا الحين صار الكل بحاله ما يدري احد عن جيرانه


كل يوم اسمع ياهل من صياحه عمره شهرين يتم يصيح اكثر من نص ساعه ولا يسكت والله الحين اسمع صياحه صار له 10 دقايق يصيح صياح متواصل قلبي عورني عليه كنت بدق عليهم الباب اقوله شوفوا الولد ولا اعطوني انا بسكته وبرده قالي ريلي لا تتدخلين قلته لو تم جي بدق عليهم الشرطه الولد يصيح صياح مو طبيعي ولا يسكت ويتم فوق 10 دقايق على نفس الصياح والله ولدي اللى عمره سنتين قالي بيبي حرام والله محتارة شو اسوي المشكله بس اسمع صوته قلبي يعورني عليه وريلي يقولي لا تتدخلين

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كلامي عسل]

والله ماعرف شو اقووول بس معقووله اللي ف بيتهم محد سمع صريخ الياهل حرام والله
في ان ف الموضوع
وافديته والله

[ام السديس]

والله للحين ما سكت احنا سمعنا صوته امه ما تسمع صوته انا مستغربه بعد والله لو تعطيني الياهل بسكته ولا يتم جي يصيح

[% الكاذي %]

بنت أخوي في أول 4 شهور بعد الولاده كانت تصيح صياح متواصل
عادي تواصل ساعتين لين صوتها تحسينه بدى يختفي
نا المستشفى وطلع فيهتكون راضعه ونظيفه وبعد تصيحفيها مغص أطفال
والدكتور نصحنا إننا ملنعكيها دواء مغص لأن هذا طبيعي ودارج عند الأطفال في هالعمر
أنا قلت لج عن هالموقف إللي مرينا فيه عشان ما تستعجلين بحكمج ع جيرانكم
بعض الأطفال الصياح المتواصل وارد في هالعمر ممها سويتي حتى لو حضنتيهم عسب تسكتيهم
فرح

[ام مارية1]

أختيي رحي لها وخبريها بطريقة مرنة انك يمكن الولد عنده مغص او الام وانك تعطيها من خبرتك او تساعديها عادي هدا حق عليك لانهم جيرانك اعرضي مساعدتك ورحي ضميرك وان شاء الله في ميزان حسناتك

[عشقي أخوي]

انا مع الاخت ام ماريه

[ام*الحلا*]

مو شرط مهملينه اختى ... يمكن تحاول تسكته وهو مو راضي ... فهالعمر فعلا احيانا يمر وقت طويل والطفل يبكي وما يسكت .. والله اعلم

[Toulouse]

هلا الغالية يمكن امه ماحد يمكن ويا الشغالة سيري والله بتحصلين اجر فداك الولد دقي عليهم انا توني اكلم ريلي قلتله لو انا مكانها وقلتلي لاتروحي مابسمع كلامك
سوي الطريقة الي قالت لج ام مارية

[مس ستايل123]

يمكن هي تسكته وهو ما يسكت او الام صغيره فالعمرر وماعندها الخبره الكافيه
مافيها شي دقي الباب وسلمي عليهم واطمني على ولدهم

[mrs.abk]

ويمكن تعوده إنه ما يحبسها عداله .. فيه يهال يبتزون امهاتهم .. طول الوقت يبون الام قاعدة مجابلة البيبي .. والدكاترة ينصحون إن خلوه يصيح دامه بخير وموب موسخ ومافيه حرارة ومافيه شيء بس يتدلع

[ليتك تفهمني]

بنتي الله يحفظها واااااااايد تعبتني من صياحها في الاربعين

تصارخ وانا ماعرف شو فيها بس اكيد غازات تشل البيت شل لين ما تتعب وشو ما اسوي وياها مايفيد

وكل ماكبرت تخف شوي

[عطر 77]

منو ساكن في هالشقه ؟؟

[SoOoOo]

عزيزتي تأكدي يمكن الصغير مع البشكارة او مع امه و هو طبعا يصيح .

[سلامة الهاملي]

يحليله لو انا مكانج كنت رحت وشفت شو فيه هالقد يصيح .. واذا كان الموضوع مغص او ما شابه اذا عندج لهم نصيحه انصحيهم وعلمي امه يمكن اتكون بكر ومب عارفه تتصرف مع البيبي .. والله المستعان ..بس انا ما اشوف اي احراج او تدخل فالموضوع بالعكس ..الجيران لازم يتساعدون ويمكن اتكنوون صداقه بعد ..

[مالتيزرس]

عادي فديتج أنا بنتي صياحها متواصل من وقت العشا لأذان الفجر وها كله من الغازات والمغص فشي طبيعي