زواج بنت بسبب كيس زباله !!

[امل العوضي]

السلام عليكم ورحمة الله وبركاته


زواج بنت وبقول لكم عن قصة زواجها الغريبة المضحكة هذي البنت سلمكم الله عندها خوات أكبر منها وأصغر منها وهي توها
متخرجه من الثانوي المهم بالبيت ماعندهم خدامه كل يوم الدور على وحدة من البنات تطبخ وبعدين ترمي الزبالة عند الباب المهم جا دورهالبنت اللي أتكلم عنها كانت سهرانه مع اخواتها الين الساعة 2الصبح وبعدها خواتها طلعوا ينامون فوق.. وهي قعدت تنظف المطبخ وتشطب عليه..
وقامت وطلعت الزبالة عند الباب..المهم البنت قالت ليش أحطها عند الباب خليني أتشجع وأرميها بالزبالة أحسن..,,,, وطلعت بره بالشارع وكان الشارع فاضي مرة وكانت الساعة حوالي 30_ 3المهـــــــــــــم
يوم جت تطلع ترمي الزبالة قفل باب بيتهم
وقعدت المسكينه بالشارع ... فكرت ترن الجرس خافت أبوها يهاوشها ويسوي ليها شي ( لأن أبوها شديد) ... وهي بالشارع ماعليها إلا! قميصها حق البيت ..المهم
سمعت أن فيه صوت يقرب منها .. صوت سيارة قامت مسكت الزبالة وقلبتها ودخلت داخلهاا المهــــــــــم كان اللي جاي ولد الجيران .. كان توه جاي من استراحة..المهــم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزبالة
وأستغرب إن الزبالة مقلوبة قام وقرب من عندها... وجا بيرفع الزبالة ويا زينها
إلا صرخت وقالت : لالالالا.قال : بسم الله الرحمن الرحيم..أنتي إنس ولا جن
قالت: إنس
قال إنتي وش جابك أهنا ؟؟
وقالت له القصة وهي متغطيه بالزبالة وترجت ولد الجيران يساعدها قال خلاص لاتخافين قام قرب سيارته من باب البيت وركب فوق السيارة ونقز وفتح للبنت الباب.. وقالها:ادخلي بسرعة لاحد يشوفك قامت مسكينة ماصدقت رمت الزبالة.. وطلعت كذا قدام ولد جيرانهم المهــــــم
دخلت وقفلت الباب على طووول...وولد الجيران واقف ماتحرك
يناظر فيها
...
المهم. مامر على هالسالفة يومين إلا جا وخطبها
من أبوها وتزوجها
والله قصة زواج غريبة
يقولون إن هذي السالفه حقيقية وحصلت بالفعل .........

المزيد من آخر المواضيع من نفس القسم:

• من لا يعارك يعود طفلا
• Golden pools
• كان هنا
• إلا الموت أو الحياة.....لعبدالحليم الطيطي
• اشفق عليه......لعبدالحليم الطيطي
• الجالسون على الهواتف الآن اكتبو شي تأجرون...
• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماسة الامارات]

ههه حلوة القصه..

يسلموو عالقصه

[شعاع امل]

لوووووووووول

كل وحده تتشجع وتكب الزباله يمكن تلاقي نصيبها لوووووووووووول

[miss crystal]

ههههههـ تصير في احسن العائلات لوووول

الزواج قسمة ونصيب

[عطر 77]

حلوة القصه .. اندمجت