طفح الكيل بخدامتي .. شو اسووي فيها ما اعرف لاعت جبدي

[BanTooTa]

السلام عليكم اشحالكن الغاليات

ابي اخبركم عنشغالتي و اخر تطوراتها والله ما اعرف شو اسووي فيهاالخبيثة هاي

انا عندي فليبينية مسيحية يبتها علشان تهتم فولدي و قبل لا اييبها كلمتها بالتلفون و قلتلها انا عندي ولد و ابيج تهتمين فيهو اتسووين شغل البيت و اذا تقدرين تطبخين و نحن كلنا فشقة صغيرة انا و الولد و بو العيال بالعكس وافقت و كانها مب مصدقة و كلمتني بادب و حسيتها راعية مسؤولية و اتخاف على عيالها و تبي تشتغل حقهم. هي عمرها 35 سنة و عندها 3 عيال . مهم يوم يات سوت عمرها ما تعرف عربي و لا تعرف تطبخ و طلع تتكلم عربي بطلاقة و غير هذا طباخة كلمة اشوية عليها والله اتسوي برياني دياي و لازانيا جنه مال مطاعم . بديت ما اثق فيها بس شغيلة كانت تهتم فالولد و اتسوي شغلها و عمرها ما قالتلي لا او طولت صوتها علي .. بعد فترة اكتشفت ان ملابسي قاعدة تتقطع و تنخبق و كنت الاحظ اي شيء اشتري من برع تقعد اتبوز و تتطنز و اليوم الثاني ملابسي خربانة و مقطوعة و هذا و انا ما اقصر فيها اشتريلها كل شيء و ملابسي لماركات القديمة عطيتها و كانت مستانسة عليها .. واجهتهاو قلتلها انتي ليش جي اتسوين و تحلفلي ان مب هي و تقعد تطنز على وزني اني متينة و بمتني الملابس اتقطعت امع اني رشيقة و الحمدلله جسمي حلو . مهم قلتلها بقطع من معاشج اذا مب عايبنج و من هذاكي اليوم و انا ما اشوف خراب بملابسي .. بس للاسف بدت اتخرب البيت يعني كل يوم اشوف شيء مخترب فالبيت والله تستغربون الكلاسي الاقيها مقطعة و حتى الباب قبضته يخترب و اجهزة المطبخ حتى اللاثاث ينخدش و هاي المرة ما سكت عنها و قلتلها انتي لين متى بتظلين جي حقودة و اتخربين حتى سجادة صلاتي ما بتصدقون اتقطعها قطع كل يوم اكثر .. المهم ما سكتلها و قلتلها انا بطرشج و اتقوم اتصيحلي و تحلف انها ما سوت و لا شيء و اتقوللي والله انا اخاف على عيالي ليش جس اسووي فيج وانا عندي رب مثل ما عندكم و من هالكلام المهم قلتلها انا اللي مصبرني عليج انج مهتمة فالولد و ان الولد يحبج .. حتىمكياجي اتكسره و تخبق فيه و اتقطعه .. احس الحقد مليان قلبها علينا مع اني مب مقصرة فيهابشيء والله بطايق تلفون و ملابس كل شهر و مستحضرات و طلعات حتى راتبها زدته و هي بنفسها اتقوللي مدام انتي وايد زينة وياي انا ليش بسووي جي فيج بس والله قلبي ما يقدر يصدقها وايد حاولت اصدقها بس مستحيل لان عندي الادلة مرة حطيت مكباجي و طلعت برع و هي مع ولدي بالغرفة و اتاكدت ان المكياج ما فيه شيء و يوم رديت الله لا يراويكم كيف فتتت البودرة و كسرة المراية اللي فيها و الروج همشته والله المهم كثر الصراخ و الضرابة وياها ما في فايدة اتظل اتصيح و تحلف ان مب هي و انا مظلومة و اتقول ان فيه جني فبيتكم و انا قلتلها ما في جنية قالبيت الا انت .. معم اتمر ايام و اكتشف فيها شيء يديد ان قبل لا اتودي الزبالة برع اتقع شيء من اغراضي و اتوديه و بعد فترة استغرب وين اغراضي سارت اكتشف انها عقتها و الدليل مرة خواتمي ضاعت و سبحان الله ريلي قال ليش ما اندورها فالزبالة و حصلناها كلها و بعد اتم اتصيح و تنكر و امشكلة انا قلبي وايد رحيم و اقول على الاقل اتسوي شغلها و بعدين حلفت حرمة و اتقول انا اعرف بدخل النار اذا سويت جي .. المهم انا المشكلة ما اقدر اطرشها البلاد ني صدق محتاجة لها و بالذات نحن انداوم و الله لو وحدة غيري جان عقتها فالمكتب من زمان . و المشكلة جدام قوم امي و الناس امطلعة نفسها ملاك رحمة و كل مخدوع فيها بس امي بدت تكتشفها و تعرفها والله تعبت منها ريلي يقول اتحمليها علشان مستقبلج لاني ادرس و اشتغل و اذا يبنا غيرها بنتلعوز و بتريا على الاقل هاي اتسووي شغلها و هي الخسرانة لان اذا كانت امينة كنت بعطيها اكثر و ريلي يعصب عليها و تصيح و تنكر و السيناريو ينعاد و ما في فايدة.. و حتى فترةوديتها بيت امي مع الولد علشان امتحاناتي و دوامات شفتات .. امي تعبت منها و من غباءها و ريحتها الله يعزكم ريحتها غريبة ما ادري شو و يوم قلتلها ان ريحتج وصخة استانست و اليوم الثاني ريحتها اوصخ صارت والله انها اتدور كل شيء علشان اتعور قلبي و تقهرني ما ادري شو سويت فيها والله الكل شاهد انها عايشة فعز عندي .. و فوق كل هذا قامت اتقطع اثاث امي ... انا الحين بصبر عليها علشان امتحاناتي و علشان ولدي و بقالها 4 شهور و قررت اطرشها و اشل عنها كل شيء عطيتها اياه والله تعبت منها صار تفكيري بس فيها والله هذا هدفها انها تقهرني و قدرت والله الحقد البي فيهم وايد و كرهت كل الشغالات بالذات الفلبن و الله تعبت و احس بين منها و كل اليوم و الثاني احلم فيها و باشياء مب زينه .. والله مرات اصيح منها و ريلي حاس فيني بس يعرف اذا طرشها انا بتبهدل فدراستي و شغلي على الاقل مهتمة فالولد و اتسوي شغل البيت و من وين اييب وحدة ثانية و انا فمرحلة الحين حرجة بدراستي و مب مستعدة اعيد السنة بعد كل الليقطعته ...

ما اعرف كيف اادبها هاي حتى اتقوللي ييبيلي شرطة خلهم يحققون وياي و ياخذون بصماتي اللي ما تخاف ربها اونها تتطنز والله تعبت منها والله كل تفكيري عنها و عن مشاكلها والله بين

ساعدوني اادبها والله بموت من القهر و الحرة اللي قلبي والله قدرت علي

السموحة طولت عليكم بس ابي افضفض مب قادرة والله

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عشق طاهر]

تدرين ليش تمادت!

لانها ماتخاف منكم


لو سوت شي
وديها المكتب يأدبونها

و اذا قلبج ما يطاوعج
حطي كميرا ف غرفتج او الصاله و حطي خاتم و عبله مكياج و جوفي شو بتسوي حزتها واجهيها بالفيديو و وديها المكتب و راويهم الفيديو

و يوم تقولين بقطع من معاشج
سويها صج

بس الي بينقطع من معاشها خليه عندج يوم بتحسينها تعدلت رديه لها ولو ماتعدلت يمعي منه لفلوس تذكرتها وطيريها

[mayat]

لاحول ولاقوة الابالله

[بهلولة]

تدرين ليش تمادت!

لانها ماتخاف منكم


لو سوت شي
وديها المكتب يأدبونها

و اذا قلبج ما يطاوعج
حطي كميرا ف غرفتج او الصاله و حطي خاتم و عبله مكياج و جوفي شو بتسوي حزتها واجهيها بالفيديو و وديها المكتب و راويهم الفيديو

و يوم تقولين بقطع من معاشج
سويها صج

بس الي بينقطع من معاشها خليه عندج يوم بتحسينها تعدلت رديه لها ولو ماتعدلت يمعي منه لفلوس تذكرتها وطيريها

اي مكتب يا اختي تشتكيلهم عنها؟؟!!
السموحة منج بس جد ضحكتيني
راحت هاييج الايام
ايام ما راعية البيت ادق للمكتب والمكتب يهزب الشغالة عدل وممكن يسنعها بطراق

الحين المكتب يقولج اذا ما تبين رديها وانتي كيفج
الحين يا غناتي شي حقوق الانسان
لا انتي ولا المكتب ترومن تتفلسفين عالشغالة
جنها هي المدام وانتي الشغالة

ونصيحتي لراعية الموضوع لااااااااااااا تيبين فلبينيات
وتحملي على ولدج

[عشق طاهر]

ليش !!

نحن خداماتنا دوم لو سون شي ناخذهم للمكتب و يهزبونهم

صح في مكاتب يقولون ماتبين خليها

ف هاي غلطه كبيره بصراحه لازم قبل لا انيب خدامه لازم نعرف ان المكتب يوقف مع الكفيل مب مع الخطامه!

[BanTooTa]

شكرا على الردود خواتي بس انا كلمت المكتب و اللي يشتغل فيه ما همه و يقول ما تبونها رجعوها و سفروها بلادها و اطلبوا غيرها و هي خدامتي المشكلة قالتلي كلمي المكتب لو ما تبيني و رجعيني والله انها مستقوية علينا الله يغربلها

انا بس استنتجت شيء واحد ان هايلة مهما انسوي خير فيهم نلقى منهم شر ناس مافيهم خير على قولة المثل اعمل خيرا تلقى شرا والله مهما شغالتكم كانت زينة اعرفوا شيء واحد قلبها مليان حقد و حسد و تتمنى من كل قلبها ان امورنا تخترب و حياتنا تتدمر .. ناس جهلة ما يطلع منهم الا جي

يتني حالة نفسية منهم والله مب حياة اللي عايشنا وياهم والله احس عمري مخنوقة و دمعتي دايما على عيني منها

والله يتلي حالة نفسية

[بهلولة]

شكرا على الردود خواتي بس انا كلمت المكتب و اللي يشتغل فيه ما همه و يقول ما تبونها رجعوها و سفروها بلادها و اطلبوا غيرها و هي خدامتي المشكلة قالتلي كلمي المكتب لو ما تبيني و رجعيني والله انها مستقوية علينا الله يغربلها

انا بس استنتجت شيء واحد ان هايلة مهما انسوي خير فيهم نلقى منهم شر ناس مافيهم خير على قولة المثل اعمل خيرا تلقى شرا والله مهما شغالتكم كانت زينة اعرفوا شيء واحد قلبها مليان حقد و حسد و تتمنى من كل قلبها ان امورنا تخترب و حياتنا تتدمر .. ناس جهلة ما يطلع منهم الا جي

يتني حالة نفسية منهم والله مب حياة اللي عايشنا وياهم والله احس عمري مخنوقة و دمعتي دايما على عيني منها

والله يتلي حالة نفسية

لااااااااااااااا غناتي ما يسوى عليج
شغالة بدالها الف
وشرات ما تعاملج عامليها بقمممممممممممة البرود
ولا تزيدين حقدها بصراخج خاصة بين ادينها بيبي صغير

بس دامنج تعرفين انها حاقده هالكثر معقول مامنتنها عى ولدج وتقولين زينه ؟؟!
اتمنى ان في حد يراقبها خلال غيابج وانفرادها بولدج

ومره ثانية وااكدلج النصيحة من انسانة جربت لؤم الفلبينات لا تييبين هالجنسية
وقبل لتيبين الشغالة الثانية استخيري عدللللللللللللللل
وفعلا دور المكتب مهم
بس اللي اعرفه حاليا معظم المكاتب ترد عليج نفس الرد بسبة موضوع حقوق الانسان
قبل لتيبين من اي مكتب اسالي عنهم عدل
والله يقدملج اللي فيه الخير لج ولعيلتج

[ميميه88]

اااه والله اني كرهت الفلبينيات وطاريهن
كل ما ايييب وحده اخس عن الثانيه كلهن مايسرن
واخر وحده ماكملت شهر ومب عايبتني شكلي بردها وبيييب جنسيه ثانيه

[BanTooTa]

مشكورة اختي بهلولة ما قصرتي جزاج الله خير
الله يعين الله يعدي هالايام على خير الحين اخلي الولد عند امي يوم اداوم و هي معاها بس
امي اتقول اتحب ولد و مهتمة فيه هذا اصلا اللي انا مصبرني عليها

[BanTooTa]

ميمية صدقيني نحن مجربين اندونيسيات معظمهم اللي كانوا عندنا ما كملوا و طلعوا سحرة و السيلانيات راعيات رياييل و الاثيوبيات اني و حظج لان اعرف ناس يابوا وحدة ينت عليهم
و الفلبينيات زينات فالشغل بس مشكلتهم الحقد و الحسد اللي فقلبهم علينا و المكايد لي يسوونها ضدنا

[ام انان]

اختي كيف تستامنيها على ولدك ،، الزم ماعليك ولدك اختي اخاف تسوي فيه شئ دام انها حاقده عليج لهدرجه.. اختي الحبيبة لاتصبري عليها اكثر من كذا هذي وحده مريضة ،،الله يحفظ ولدك ويحفظكم يارب..

[BanTooTa]

احنا عمرنا ما بنعيش حياة طبيعية ويا هالشغالات امعيشينا فضيقة والله صرت اخاف اشتري شيء احس انها بتجتلني والله مب عيشة هاي
حتى اخاف اشتري حق ولدي اكل والله اتحط عينها عليه
تعبت ابي حياة بدون بشكارة اااااه ان شاء الله قريب
والله علشان الفلوس هاذيلة مستعدين يتبرون من عيالهم انا اعرفهم عدل والله
كل ما عطيناها شيء تنجلب مية و ثمانين درجة احسن منها محد و اليوم الثاني اترد على حقدها و تظل مبوزة

المشكلة انهم اغبياء يعني والله اذا عندي بشكارة امينه بكون انا مستعدة اعطيها كل شيء و اشتريلها كل شيء و اؤدها بلادها بعد ما تخلص فترتها و هي غنية بس والله انهم مب وي و يخربون على عمارهم
اشفق على غباءهم
امبارحة اتقوللي مدام بنت جيرانا تشتغل فمكان فدبي معاشها ٣٠٠٠٠ درهم عرفت انها تخرط جان اقول اكيد بنت حلال و قلبها نظيف و امينه علشان جي الله رزقها جان اتبطل عينها و اتطالعني بنظرات الله لا يراويكم ما اقول الا الله يستر بس

لا و الحين طالعة بسالفة اتقوللي مرات يوم انتوا مب موجودين مكيف يشتغل بروحه و الليتات تفتح و اتسكر بروحها تبي الحبيبة اتفهمني ان بيتنا مسكون يعني باي طريقة تبي تزرع التفكير و الخوف فقلبي والله ان باي طريقة تبي اتدمرني و اتخليني عايشة فوسواس و رعب و المشكلة مرات تقدر علي و اظل افكر لين ما اصيح و اصير وايد عصبية

دعواتكم اي

[ام انان]

الله يكون في عونك اختي ،، على فكرة خدامة صديقتي كانت تقولها انها تشوف حرمه بعباه طويلة تمشي في البيت وتخوفها كل يوم بسالفة بس لما ودتها المكتب ادبوها عدل ،، وماعادت لها سالفة الجن .. الله يخلصج منها بسلامه...

[علمتني الحياه]

خدامتنا نسخة من خدامتج لكن احنا عندنا اثيوبية
ما خلت لنا شئ في البيت ما خربته وملابسنا قامت تقطعهم
وريحتها سم استغفر الله لوعة

[Toulouse]

الله يعينج أختي للتخلي ولدج عندها تراهم متغربين على أولادهم وقلبهم شانه حجر فكيف بولدج ولدج أمانة بايديج لا تخليه للشغالة لان مافي احد بيحب ولدج قدج
اما عطاري الشغالة انا عندي فلبينية كل مرة مطلعة قلبي من مكانو عارفة نقطة ضعفي الا وهي الخوف اتقولي شفت ريال لابس ابيض وطالع اقول لها يمكن بابا أتقول لا مدام بابا طلع من ساعة وسكر الباب صدق أتخلي قلبي بريولي الله يعينا ههه