زيت تاتا

**نوف قطر** · 2007-08-31, 12:05

انا كنت اسمع عنه زين بس والله مادري عنه

ماانصح فيه لاني مااعرفه

بس لو تجربين زيت دابره الاخضر اشوف احسن لان وايد ناس مجربينه وله نتائج واضحه

تقبلي رئيي

اختج نوف قطر

المزيد من آخر المواضيع من نفس القسم:

**OoMeMoO** · 2007-08-31, 12:27

وأنا راي من راي اختي نوف قطر

**دلوعه_باباتي** · 2007-08-31, 20:53

زيت تاتا هو نفس زيت دابر املا الاخضر الجديم يالغاليه

ويبيعونه فكارفور والجمعيات

والكل يمدحه فديتج

بس انا استخدم زيت ترشوب والحمدلله مستانسه من النتايج حبوبه

وان شاء الله اكون افدتج

**بنت^الشيخ** · 2007-09-29, 19:08

تاتا يجنن تستخدمه رفيجت امي وشعرها لي الركب تدهن منه ولي تسبحت تمسح من الزيت نفسه نقطه عل شعرها

انصح فيه

**أم الريم 2005** · 2007-09-29, 20:01

أول مره اسمع الأسم ....

**فارسة دبي** · 2007-09-30, 20:38

بالعكس.... وااااايد اوكي.... وانا شخصيا كنت استخدمه... وشعري.... شوووو؟؟؟!!! ما شااااااااء الله....رووووعة... ما شاء الله ..... بس دا كان زمااااااااااااااااان..... كنت استخدم تاتا و دابر املا والقوطي الاخضر جوز الهند !!!

بس ما ادري هل مكوناته للين الحين مثل اول.. ولا لا؟؟؟

**Cute_Barbie** · 2008-01-26, 00:15

ذكرتييييينا بالمااااااااااااااضي هههههههههههههههههههه .. دهن تاتا فناااااان روووووووعه احيد يوم كنت صغيره اميه كانت تدهن شعري ب تاتا وحتى هي كانت تستخدمه بس شو كااان شعري طويييل ماشاء الله و نااااااعم .. حتى احيييد في المدرسه في اي مناسبه يزقروني يالله فلانه فجي شعرج و انعشي هههههههههههههه .. طبعا الزيت اختفى من السوق للأسف اهيء اهيء .. بس من فتره جربت زيت اسمه keo karpin ريحته شرات ريحت تاتا .. بس انا اتعايز احطه ههههه .. وطبعا ريحته ما يحتاي اخبركم خخخخخخ بس أهون من دابر الاخضر ..

**ونة حزن** · 2008-01-26, 23:18

هلا فيكم الغاليات

زين تاتا زيت جديم يستخدمونه حريم اول

بس للحين اعرف ناس يستخدمونه ونتايجه حلوة

انا جربت استخدمه من فترة بسيطه بس بصراحة ريحته ما قدرت استحملها

وعلى فكرة ترا موجود فالسوق لانه الطلب عليه مستمر

بس زيت دابر املا زين

استخدمه من فترة احسه انه تساقط شعري اصبح اقل عن زمان

صار احسن

هذا اللي اعرفه عن الزيت واسمحولي

**mySKYway** · 2008-02-16, 00:00

ونة حزن

الغالية ممكن اعرف وين يبيعونه دهان تاتا

عيزت وانا ادوره اختفى من الجمعيات للاسف

**سهم وجرح** · 2008-02-16, 02:49

انتي مال اول ... لا لا لا ما ايصير الحين طلعت زيوت وايد واحسن من حل تاتا

***أم الميث والشيوخ*** · 2008-02-16, 14:21

مااااااااااااال اول ههههههههههه وريحته اففففففف بس شو كان ايخلي الشعر ياسلالالالالالالام بس الحينه نستخدم ابو قوطي اخضر وازيد عليه زيت اللي في توقيعي والحمدلله اللي يعرفني يعرف طول شعري هههههههههههه اسوي حق عمري دعايه .

**حافية القدميين** · 2008-02-16, 18:17

بس اسمع عن الزيت ما جربته

**هكذا اذن2** · 2009-11-26, 00:21

المشاركة الأصلية كتبت بواسطة دلوعه_باباتي

زيت تاتا هو نفس زيت دابر املا الاخضر الجديم يالغاليه

ويبيعونه فكارفور والجمعيات

والكل يمدحه فديتج

بس انا استخدم زيت ترشوب والحمدلله مستانسه من النتايج حبوبه

وان شاء الله اكون افدتج

سيم سيم استعمل ترشوب واخلطه ويا زيت صبار اخضر وبس

**وحده من بنات دبي** · 2009-11-26, 01:15

آه يا تاتا آه وين أيامك يا دهاني الحبيب؟ ياللي ماعرفنا قدرك

وينه قولولي وينه ؟تعبت وانا ادوره لو ادري انه بيقطعونه من السوق جان خزنته من زمان

دقيتيني على الوتر الحساس يا اختي مع انه اسمييني ما كنت ادانيه وانا صغيرونه بس الوالدة الله يطولي فعمرها بالغصب تدهني فيه كل جمعه
مع انه شعري جاف ومب ناعم لكن كان طويل وغلظه احسن من الحينه وفالمدرسة مضرب للمثل بطوله ويشركوني فالحفلات بعد اهي اهي اياام

من فترة كتبت موضوع عنه لاني سمعت انه موجود في راس الخيمة وماقصرن الخوات في راك دورن لكن بعد محد رام يحصله

شكلي بسوي استغاثه لدول الخليج اتمنى من تقدر توفره لي وطبعا يكون الاصلي بشحمه ولحمه لها مني جائزة قيمة ههههههههه

والله اني استويت احلم في تاتا احس انها رسالة لي اني ارد له عشان يتعدل هالشعر

**ديموه** · 2009-12-07, 11:18

حليله زيت تاتا مال اول
افكر استعمله حاليا واستعمل بعد زيت اصغر علي وااااايد حلو

الموضوع: زيت تاتا

أدوات الموضوع

عرض

المزيد من آخر المواضيع من نفس القسم:

المواضيع المتشابهه

بنات رأس الخيمة الحبيبة منوه منكم بتوفر لي دهان تاتا سمعت انه عندكم

زيت تاتا