بنات اتمنى تساعدوني هل يحدث حمل مع وجود التهابات ؟؟

[بروفيشينال]

السلام عليكم ورحمه الله وبركاته

اتمنى تساعدوني .. كانت دورتي السابقه 17-12-2012

وبتاريخ 2-1-2013 ولمده يومين كان ينزل مني وأنتوا بكرامه دم داكن فقط مره واحده في اليوم يعني احس شي ينزل نفس الافارازات ولما اروح الحمام أشوفه دم .. باقي الوقت ما ينزل شي .. ثاني يوم وبنفس الوقت نزل دم فاتح وعقب ما نزل شي
ثالث يوم نزل اقل من المرات الي قبلها وعقبه هم ما نزل شي .. يعني طول اليوم اكون نظيفه (بس مره وحده في الظهر ينزل مني جي )وسبحان الله ثلاث ايام وفي نفس الوقت ينزل مره وحده وعقب فاضي .. بعدها باسبوع رحت للعياده خبرت الدكتوره فقالت لي (مش دوره) وانتي عندج التهابات .. استخدمت دوا الالتهابات لين اليوم بعدني استخدمه .. المفروض امس تجيني الدوره .. هل يحتمل اني اكون حامل؟!

ساعدوني وجزاكم الله خير

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mayat]

حسب نوع الالتهاب ولو صار حمل وانتي عندج التهابات وتاخذين دوا وايد خطر لنه ممكن يسوي تشوهات للجنين موفقة

[بروفيشينال]

حسب نوع الالتهاب ولو صار حمل وانتي عندج التهابات وتاخذين دوا وايد خطر لنه ممكن يسوي تشوهات للجنين موفقة

تسلمين عزيزتي على مرورج .. هي ما شرحت لي نوع الالتهاب بس قالت لي عندج التهاب في البول ولازم تكثرين من الماي ..
وقالت عادي تحملين مع الالتهاب اذا مكتوب لج..

اااه الله يكتب اللي فيه الخير ..

[بروفيشينال]

اين البقيه؟!

بليز اللي عندها معلومات تفيدني ..!!

[قلبي معاه]

تريي كم يوم اذا ماياتج انتي حامل
يستوي تحملين فديتج ولاحظي اذا عندج الام بالحوض او الظهر فانتي حامل

[بروفيشينال]

هلا الغاليه(قلبي معاه):
اثلجتي صدرج بردج الطيب ..
هيه يالغلا لما اطول في القعده اسفل الظهر يعورني .. واحس بالام الدوره !!

ربي لا تذرني فردا وانته خير الوارثين
ربي لا تذرني فردا وانته خير الوارثين
ربي لا تذرني فردا وانته خير الوارثين

اللهم ارزقني وارزق كل محروم ومحرومه الذريه الصالحه اللهم ااااااااااااااااامين

[اليزوي]

شوفي اختيه على حسب نوع الدوا
في ادويه للالتهابات تاخذينها وما تاثر ع الحمل اذا حملتي فجاءه
وفي ادويه تمنع الحمل لين تنتهي مشكلة الالتهابات وعقب تودرينها وتحملين ...

واتمنى من قلبي انج تكونين حامل بس خذي جهاز اختبار حمل المنزلي ب 25 يطلع لج النتيجه ف عشر ثواني ^^

[بروفيشينال]

عزيزتي ( اليزوي):

تسلمين يالغاليه على مرورج وكلامج الطيب .. ان شاء الله يكون حمل .. والله انه خاطري وانا كلي أمل بالله لانه يعلم ماهو خير لي ..

ياااارب ارزقني وارزق كل محروم ومحرومه الذريه الصالحه عاجلا غير آجل يا ارحم الراحمين يا ارحم الراحمين يا ارحم الراحمين ..

[الشحية غير]

هلا اختي
انا كنت اعاني من التهاب البول واملاح كثيره والاﻻم في خاصرتي
والدكتوره عطتني ادويه وشراب للاملاح
بس مااثر ﻻني تاخرت الدوره وطلعت حامل في نفس شهر علاجي
والحمدالله يبت بنت اموره

[الياسيه20]

الالتهابات ما تمنع الحمل..

بس كثري وايد من الماي وبيروح..

سوي فحص حمل منزلي.. خزيه من الصيدليه.. وبتطلع لج النتيجه ف ثواني اذا كنتي حامل او لل..

[بروفيشينال]

أخواتي العزيزات ( شحية غير / الياسيه20 ). :

تسلمون على المرور الغاوي والله اسعدني ردكم الطيب ☺

انا للحين ما سويت فحص المنزلي متوتره وأخاف انحبط ..!

متئ سويتوا الفحص يعني بعد تأخر الدوره بكم يوم؟!

المفروض تنزل دورتي 17-1-2013

والله متوتره ،. دائماً كانت تتاخر علي وتالي تنزل .. الله يكتب اللي فيه الخير ..

ياااارب فوضت لك امري .. انت تعلم ما يتمناه قلبي .. أكرمني يا ارحم الراحمين يا ارحم الراحمين يا ارحم الراحمين ..

[قلبي معاه]

يبين الحمل بالاختبار قبل موعد الدوره بكم يوم وبعد الدوره تريي 5 ايام وسوي اختبار انا كانت تيني الام بتلظهر والام نفس الام الدوره وكنت احس بلوعه مااشتهي اكل وسويت اختبار طلعت حامل انشاءالله تحملين بشرينا

[أوجان]

ان شاء الله حااااااااااااااامل
وسوي الفحص ويارب النتيجه ايجابيه وبشرينا

[بروفيشينال]

خواتي العزيزات (قلبي معاه-أوجان). :

تسلمون على المرور والكلام الطيب .. والله انكم ماقصرتوا جزاكم الله ..
انا اليوم سويت الفحص بس مابين شي .. مع انه رابع يوم من تأخر الدوره ..!!

ااه بتريا بعد وان شاء الله خير ..

[بهلولة]

انا حملت بحملي الثاني وفيني التهابات
وانا من النوع اللي ما يصيبني التهاب ولله الحمد
وكنت مصدومة من وين يتني هالالتهابات بعد!!!
ويوم سرت عند دكتورتي
قالتلي ان مناعة الحرمة الحامل تقل
فيكون جسمها سهل جدا لهالفيروسات والبكتيريا
وعطتني الكانستين
مع اني ببداية الشهر الثاني
وكنت خايفة جداااا من استخدام الدوا
ولكن الحمد لله كملت حملي وربيت وولدي بصحة وعافية