[ شرايح التوست بالدياي وسويس رول كيك الزعتر]

**bnfsj** · 2007-08-30, 16:58

السـلام عليكم ورحمة الله وبركاته..

اشحالكــم وشخباركــم ..؟

من زمان مانزلت موضوع .. ودخلتي صارت خفيفه وقليلة..

واليوم بحط لكم نوعين من الفطاير .. وحده على شكل توست (سلايس)
والثاني ع شكل كيك .. وفي القص يكون مثل السويس رول..

والعجينة المستخدمة هي عجينة العشر دقايق المعروفه والمشهورة..

بس مع اختلاف بسيط .. وهو اني اضيف عليه طحين رقم 1 و2 ويظهر الطعم احلى .. خاصه مع الجبن والزعتر ... يغدي نفس طعم المناقيش..

المقادير..
بكتب المقادير حسب ماحطها ...يعني بنفس الترتيب ..

(1)

- 2 ملعقتين طعام بكنج بودر
- فنيان سكر
- ملعقة طعام ملح
- 2-3 ملعقتين او ثلاث ملاعق حليب بودرة
- 2 كوبين ماي دافي
تخلطينهم ويا بعض بخفاقة البيض اليدوية..واتزيدين عليه
- 2 كوبين طحين ابيض (1)
وتخلطينهم ويا بعض بسرعه بخفاقة البيض .. لين ماتشوفين فقاعات صغيره تطلع لج ... اتغطينها مدة 10 او 15 دقيقة ..

وعقب اتضيفين عليها ..

(2)
- 3 اكواب طحين اسمر (2)
- 4\1 ربع كوب زيت
- احيانا يحتاج لشوية ماي.. حسب كيف العجينة طالعه عندج

المهم تعينينها عدل بايدج .. وتخلنها بعد 10 دقايق .. والعجينة جاهزه عندج الحين..

بنبدا بالتوست بالدياي..

الصور مش واضحه عدل ونقية لاني صورت بتلفوني .. ومب كل الخطوات لاني اتذكرت عقب ماخلصت..

تاخذين العجينة ( جزء منها ) وتمديمها وتحطينها فيها خلطة الدياي اللي تبينها وتلفينها على شكل سويس رول بس لا تكثرين اللفات لانها بتصير كلها عجينة...

وتدهنين صينية التوست المستطيلة وترشينها بسميم او خليها لفوق العجينة
وادخلينها الفرن وتدهنينها من فوق بزيت او بيض وترشينها بسمسم اذا تبين
وعقب ماتستوي اتظهرينها واتغطينها عشر دقايق وعقب تجلبينها

وهاي الصور بعد القص .. وراح شكل السمسم لاني حطيته تحت

والحين كيك الزعتر

نفس طريقة الدياي بس الفرق انج تدهنين العجينة كلها وتلفينها وتحطينها في صينية كيك مفتوحه في النص .. وعقب ماتحطينها تدهنينها بالزيت وترشينها بالزعتر

هاي صورتها قبل لاتنخبز

وهاي الصور بعد ماستوت وقصيتها ..

ولاتسون شراتي تقصونها وهي حاره .. بتتفتت وتلعوزكم..

بس لذيذة طلعت بشهادة اخواني اللي يحبون اي شي بالزعتر..

اتمنى معجناتي وطبقي الخفيف عيبكم..
ولاتنسوني بدعوتكم الطيبة في حال عيبتكم ولا لا..

المزيد من آخر المواضيع من نفس القسم:

**عقد لؤلؤ منثور** · 2007-08-30, 21:46

**شنكولة** · 2007-08-30, 21:52

جزاك لله الف خير

**bnfsj** · 2007-08-30, 22:03

المشاركة الأصلية كتبت بواسطة عقد لؤلؤ منثور

مرورج اسعدني ... وتسلمين عالتواصل الحلو ..

**bnfsj** · 2007-08-30, 22:04

المشاركة الأصلية كتبت بواسطة شنكولة

جزاك لله الف خير

تسلمين عالمرور وعالدعوة الطيبة اللي احتاجها دايما منكم ..

مرورج اسعدني اختي ..

**ام رفيده** · 2007-08-30, 22:04

مشكوره

**bnfsj** · 2007-08-30, 22:07

المشاركة الأصلية كتبت بواسطة ام رفيده

مشكوره

مشكور عالمرور الطيب ..

وتسلمين عالتواصل والدعوة الطيبة ..

**أم منصور2002** · 2007-09-01, 08:32

الله يعطيج العافيه

**Noura80** · 2007-09-01, 17:19

تسلم ايدج يا "بتي كروكر" الإمارات (ما شاء الله)....

**أناقتي** · 2007-09-01, 19:33

تسلم يمناج الغالية ..^__^ ..

**bnfsj** · 2007-09-02, 15:08

المشاركة الأصلية كتبت بواسطة أم منصور2002

الله يعطيج العافيه

الله يعافيج وتسلمين على مرورج حبوبة

**bnfsj** · 2007-09-02, 15:11

المشاركة الأصلية كتبت بواسطة Noura80

تسلم ايدج يا "بتي كروكر" الإمارات (ما شاء الله)....

تسلمين حبوبة عالمرور الحلو

والكلام الاحلى ..

اسعدني مرورج .. وتسلمين عالتواصل ..

**bnfsj** · 2007-09-02, 15:13

المشاركة الأصلية كتبت بواسطة أناقتي

تسلم يمناج الغالية ..^__^ ..

الله يسلمج ويعافيج..

وتسلمين عالمرور والتواصل اللي اسعدني ..

**لولو&&** · 2007-09-12, 22:30

مشكووووووووووووورة الغالية على الوصفة

**ساحرة العيون** · 2007-09-13, 22:28

مشكوره

الموضوع: [ شرايح التوست بالدياي وسويس رول كيك الزعتر]

أدوات الموضوع

عرض

[ شرايح التوست بالدياي وسويس رول كيك الزعتر]

المزيد من آخر المواضيع من نفس القسم:

المواضيع المتشابهه

ماء الزعتر ، ماء الزعتر الصافي مفيد جدا لانقاص الوزن لغاية 20كيلو

تطبيقي الفاشل لسندويش التوست بالدياي للاخت شامسيه بس بعد لذيذ(صوره)

شرايح مارتيدلا لحم .. ساعدوني

وين الاقي شرايح سمبوسة طازجة ؟؟؟؟؟؟؟؟؟؟؟؟؟؟؟؟

من تقدر تسويلي شرايح يتضمن الموضوع الإمارات في الماضي والحاضر