غصبن عنه . . تركته !

[غزلـان]

السلام عليكم ورحمة الله وبركاته . .

حريم أريد مشورتكن . . ف مشكلتي ،~

أنا زوجي من سنة ونص يسهر للصبح يعني من بداية زواجنا . . وانا جد طفشت من هالسالفة !

ؤاضطرريت بسبب اسلوبه اني اترك البيت غصبن عنه..

لاني جد ما قدرت اتحمل وكلمته كثيييير وكثيررر لكن من دون فايدة . . وهو مطنش الموضوع

أنا ما احس اني متزوجه لانه لما اكون راقدة هو سهران ولما اكون واعية هو راقد

وبسبب هالروتين ترتبت اشياء وايد انه مقصرر ف حقوقي الزوجية من مسؤوليته تجاهي ..

يعني هالزواج بس يدفع لي مصروفي وخلاص يعني التزامات ثانية مكنسسسسلنها من قاموس حياته

واريد رايكم فالموضوع . . لو كنتو مكاني شو كنتوا سويتوا ؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الغاوية22]

الله يعينج انا لو مكانج ما بقدر أتحمل هالوضع بحاول مرة ومرتين بدخل حد من أهله او أهلج لو ما تعدل لقرار بيدج انتي ،واستخيري والله يفرج همج الغاليه

[غزلـان]

ساكته ماخبرت حد ع اساس ماكنت ابا حد يدخل ف حياتي

بس الحين ما قدرت اتحمل

وإذا كان يباني بيي يتفاهم ويا اهلي

[{ هتان .. !]

السلام عليكم،،
،
امممممم ـ يعني تركتي البيت عشان هو يسهر عندج في البيت والا برا؟
يعني اذا داخل البيت مقبولة،ـ بس برا ممكن تزعلينـ ،، بس انا ضد انه الحرمة تخلي بيتها!
يمكن هو ينشط في الليل، يعني الساعة الحيوية له تخليه في قمة نشاطة في الليل، وانتي العكس ،
حاولي تعدلين برنامجكم بحيث يصير فيه تآلف بين يومج ويومه، حبيبتي ريلج احسن عن وايدين، يسون اشياء غلط كبيرةـ
ارجعي وحاولي تتفاهمين وياه،
والله يوفقكم ويجمع بينكم ع خير

[أم برلنتي]

لابد تكبرين معاه الموضوع و تشاكيه بلي فخاطرك

ولابد يقتنع انه على غلط و يحط خطة ل حياته

ينظم وقته ، يعني يخلي سهراته يومين في الاسبوع مثلا فقط

ربي يحنن قلبه على قلبك يااااااااااااااارب

[La Princesse]

عيل ليش معرس ماشالله ؟؟

[Bluebutterfly]

الله يعين ويسهل عليج يارب

[بهلولة]

زين هو شو رايه عقب ما سرتي بيت اهلج؟؟!!
لو مكانج ادخل استشاري الاسري من المحكمة بالموضوع
لان اعرف وايد ناس انصلحت امورهم بفضل الله ثم هالاستشاريين

[Ch3nel]

لا تدخلين حد من اهلكم انتو الاثنين و دخلي مستشار اسري احسن لكم ..

[أحلام علي]

تتحرين تنتقمين منه ؟

تراج تاكلين بعمره

بالعكس ريحتييييييييييييييييييه ولا بيهمه

قبل ممكن شوي يستحي منج ويرد بسرعه

الحين مبسط

[الياسيه20]

لا تدخلين اهلج.. اهلج خليهم لشي كبييييير..
نصيحتي لج .. اهلج ثم اهلج ثم اهلج لا تدخلينهم فهاي المشكله.. باجر لا سمح الله وبعيد الشر ممكن تستوي مشكله اكبر بوايد عن هاي.. وهنيه بتحتاجين ادخلين اهلج..

اللي اتسوينه الحين مثل ما قالن البنات.. اما مستشار اسري..

او ادخلين حد ثقه ويحبه ريلج ويسمع له.. من الاهل طبعا..

وربي يوفقج

[طيف الغربة]

اكيد تصرفه اختي خطأ ولكن في نفس الوقت يعتمد وين يسهر اذا كان مع شباب سهر عادي! او في شيء خطأ !

اذا انتي على ثقه فيه وهو فيه الخير يعني مب حق سوالف فحاولي تصلحي حياتك معه وتتفقو على حلول ولو وسطية في بدايه الامر

يعني يوم او يومين يسهر على بال ما يتعود لين يترك هالعاده

لكن اذا كان سهره مع اصحاب مب كويسين لا سمح الله او في اشياء خطأ فاعتقد انك سويتي الصح وهو لو يبي يغير من نفسه ويبيك وفي بقلبه مكانه للعشرة بينكم فبيرد

ربي يكتب لك مافيه الخير

[الجوريي]

الرسايل اللي عندج في الخاص فل لو تمسحين الغير مهم يكون أحسن

[A+k]

يعني هو مايداوم ولا كيف السالفة ومتى يداوم ويرقد ً!!

[American.Stor]

حقج الله يكون بعونج لو حتى انا بعد ما اتحمل

الله يهديه يارب