ميلسنا 2013

[mischocolat]

مس اذا خلطت الشبه بماي ورد وعليه كم نقطه دهن عود هل الشبه تخرب بحطه بمرش لان لما استخدمه بروحه نصه يطيح وينصه يتم

مافهمت عليج يعني تبغين تستخدمينه حق شو ؟؟؟؟
الشبه اذا ضفتي لها ماي ورد او ماي عادي بتذوب كميه كبيره منها وما بيظل شي
خلي الشبه مطحونه بشكل ناعم بس مب لدرجة البودره واستخدميها بانج تاخذين شوي مب وايد وتفركينها ع الجلد حتى لو طاح نصه ما عليج نرا الكميه اللي انفركت بالجلد تسوي المطلوب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جرح الزمن1]

ابا استخدمه كمزيل عرق واحطه لكل جسمي مشكلتي جسمي كله يعرق قلت استخدمه كمرش

[mischocolat]

ابا استخدمه كمزيل عرق واحطه لكل جسمي مشكلتي جسمي كله يعرق قلت استخدمه كمرش

لا طبعا ما ينفع لكل الجسم لانه بيجفف لج الجلد اكتفي بس لمنطقة الابط
راجعي دكتوره تسوي لج فحوصت تشوف شو السبب احسن

[ام السديس]

مس ماي الورد في خاص للبشرة واللي بالجمعيه يستوي استخدمه لويهي

[mischocolat]

مس ماي الورد في خاص للبشرة واللي بالجمعيه يستوي استخدمه لويهي

هلا ام السديس
يستوي حبيبتي واصلا ماشي ماي ورد مخصص للبشره الا لو كان مخلوط للبابونج او المره وهالشي مب متوفر عندنا بس ممكن تسوينه روحج بالبيت
وممكن تستخدمين ماي الزهر بدل ماي الورد لو كات بشرتج دهنيه

[المـيـر]

مس جوكليت

بلعوزج بالاسئله بس طولي بالج عليه يزاج الله الجنة ياااارب ^^

بخبرج قصتيه والمعمعه اللي سويتها بعمريه

انا عمريه 21 ومعرسه ><
ويهي شعراني وايد تحت الاذنين والخد السفلي .. وانا الحبيبه سويت اكبر غلط وسرت حفيت ويهي قبل العرس بيومين ولبق ويهي حبوب وما كنت اعرف ولا حطيت شي ع ويهي يهدي بشرتيه .. والحمدلله خف عنيه وقت العرس وقعد يخف بس انا ماهتميت وكنت احط بودرة اوفيس اللي سببتلي حساسية وما وقفتها لان ماكان عندي غيرها وانا عروس خخخ وكنت اقول بتخف لانيه مب متعودة استخدم بودرات من الاساس ع ويهي قبل العرس الا فالاعراس بسسس
والحين فيه علامات نمش حمرة صغيرة فخدودي

سؤالي الاول :

حاليا استخدم بودرة ماك الكريميه المضغوطه ومن اوقفها تظهرليه حبوب خفيفه بلون الجلد ع ويهي .. شو تنصحينيه استخدم من كريمات الاساس والبودرة ؟

سؤالي الثاني :

كيف اعالج النمشات الخفيفه اللي ع ويهي واخوزها للعلم انا سويت جلسات ازميلاين في فاين كير العين عند دكتور خالد النعيمي اللي هيه نفس الماسك شفاف ( سائل احماض ينحط ع الويه ) واخليه 8 ساعات ماغسل ويهي بالماي والجلسات اسبوعيا والمفروض 8 جلسات .. وقشر ويهي بشكل مب طبيعي بس سويت 5 جلسات وماشفت فايده بالعكس زاد ويهي حبوب ووقفته .. وريحت بشرتيه 4 شهور وقمت اسوي ليزر للشعر وسويت 10 جلسات فنفس المركز وماستفدت ابدا بالعكس زااد الشعر عليه ..
ووقفته .. وحملت الحمدلله

سؤالي الثالث :

مشكلة الحمل سودلي الباط والركب والمنطقه تكرمين والكوع والرقبه واسمريت للعلم بشرتيه حنطاوي فاتح فالاساس اللي يشوفني يقول بيضا بس مب ذاج البياض والحين عندي مناطق غاامجة فالخصر والبطن وقالوا بيسود اكثر عقب الربا

شو رايج باستخدام كريم فايزة .. انا قبل الحمل استمريت شهر كامل ع النيل والكركم وماي الورد بس ما شفت اي نتيجه ولو بنسبة 10٪

او استخدم كريم الطماط الكوري او الماسك بسمى ثاني اعتقد عرفتيه .. شفت تجارب بنتين عليه هنيه فالمنتدئ واذا تنصحيني استخدمه يضرني وانا حامل والا وانا مرضع ؟؟

وفي تاجرة تبيع كريم تبييض الركب والاكواع والباط والبكيني تكرمين وهالكريم كوري وقالتلي مايضر استخدامه وانا حامل لانه طبيعي بس مادري ماحس هالاشيا طبيعيه لو طبيعيه كنت شفت نتيجه للنيل والكركم وماي الورد والسدر


شو رايج ؟!؟ شو المنتجات اللي احتاج اشتريها من هاييله لان كريم فايزة ما يصير استخدم معاه اي كريم ثاني

السؤال الرابع :

عشبة الداد وماي الورد بالاعشاب وكريم العرايس من ام الوصايف ومستلزمات شرايج فيهم ؟! بشكل عام جربتي شي ؟
وانا دوم بين گلٰ فترة وفترة تقريبا گلٰ 3 شهور تظهرليه حبة تحت العين صوب الخشم دهنيه واعصرها لانها تطهر داخليه وتبين حممممره فوق الجلد وبعدها تظهر ع برا وتسوي علامة مكانها اتّم العلامة اسبوعين وبعدها الحممممدلله تختفي بس تززعجني يوم تظهر لانها تشوه ويهي .. هل هالشي من وصاخة البشرة من داخل ؟!


السؤال الخامس والاخير ان شالله 😄

انا وحدة اهملت بشرتيه لان ياني احباط من عقب استخدام النيل ومليت وايد عليه التزمت شهر وشي الصراحه

عطينيه شغلات استخدمها اهتم فيها ببشرتيه ولون جسميه لان ابا ارجع بيضا وابيض شوي بحبتين خخخخ لان ابد ما عندي جدول ملتزمة فيه ..
انظف الميكب ب اسكينول الليمون ومرات الخيار بس احب الخيار لانه ابرد ع ويهي .. وبعدها احط ماي ورد فقطنة دايريه مالت البشرة وامسح فيها ويهي .. وكنت استخدم محارم نيفيا لازالة الميكب ولعيوني بعد ومن عندج دريت انه في كلينكس مخصص للعين

بس للاسف سيفورا مب موجود عندنا فالعين بس ان شالله بسير بوظبي وباخذ فلذلك خبرينيه شو محتاجه ومن وين .. من ناحية البودرة والكريمات والمرطبات

........


آسفه جدا ع الاطاله

صح انا بشرتيه اساسا مختلطة ومع الحمل صارت جافه وايد

بس المرطب اللي استخدمه من 3 سنين ولا بدلته هو سينافيل للبشرة الجافه والحساسه مش معطر ابدا خالي من الكحول ومب انيه ملتزمة فيه بس احطه ومريحنّي لان الدكتور واصفنه لي

والواقي استخدم ايوسيرين للبشرة المختلطة الزيتي .. مش كريم قوة 50+ .. ومرتاحتله بعد ع وصف الدكتور وبالعاده اغلب الواقيات تسمّر بس ها لا الحمدلله

........

احس ردي بياخذ الصفحه كامله

[المـيـر]

صح مس جوكليت في تجربة من منتدى ثاني طارحتنها عضوة هنيه وفي صورة للنتيجه قبل وبعد

اللي هيه تبييض الايدين وكانت مجربه ع ايديها من الاصابع للكوع

اللي هيه

قرصين فيتامين سي الفوار يتذوبن ف عصير 5 ليمونات وينخلطون مع علبة جليسوليد مخلوطة بفنيان زيت اللوز المر

وينحطون فالثلاجه واستخدامهم نفس الكريم الفليل او عدة ساعات والصبح ينغسل ..

شرايج ؟! اذا استخدمتها بستخدمها للجسم كامل مب الا يديني

[mischocolat]

عزيزتي المير

برد عليج سؤال سؤال


سؤالي الاول :

حاليا استخدم بودرة ماك الكريميه المضغوطه ومن اوقفها تظهرليه حبوب خفيفه بلون الجلد ع ويهي .. شو تنصحينيه استخدم من كريمات الاساس والبودرة ؟

اذا مرتاحه على بودرة ماك المضغوطه ليش تبغين تغيرينها
اذا تستخدمين ماك كل يوم اوكي هالشي لازم تغيرينه بس اذا تستخدمينها عل فترات مافيها شي خاصه ان وقت استخدامج لها ما تظهر لج حبوب
ع العموم اذا تبغين شي يومي جربي داي وير من استي لودر او كلينيك خاصه ان بشرتج دهنيه .....والاحسن طبعا تجربين قبل ما تشترين

[mischocolat]

سؤالي الثاني :

كيف اعالج النمشات الخفيفه اللي ع ويهي واخوزها للعلم انا سويت جلسات ازميلاين في فاين كير العين عند دكتور خالد النعيمي اللي هيه نفس الماسك شفاف ( سائل احماض ينحط ع الويه ) واخليه 8 ساعات ماغسل ويهي بالماي والجلسات اسبوعيا والمفروض 8 جلسات .. وقشر ويهي بشكل مب طبيعي بس سويت 5 جلسات وماشفت فايده بالعكس زاد ويهي حبوب ووقفته .. وريحت بشرتيه 4 شهور وقمت اسوي ليزر للشعر وسويت 10 جلسات فنفس المركز وماستفدت ابدا بالعكس زااد الشعر عليه ..
ووقفته .. وحملت الحمدلله


لازم تعرفين اذا اللي تعانين منه نمش او كلف لان الفرق بنهم كبيير

الكلف يظهر بسبب الشمس او استعمال حبوب منع الحمل او الحمل نفسه وهذا ممكن علاجه حسب درجته
وهذا اللي اعتقد عندج مب النمش
النمش يظهر بسبب عوامل وراثيه مثل الاجانب يكون في جيناتهم يتوارثونه جيل بعد جيل وهذا 90 في الميه منه ما يتعالج
بما انج سويتي كل هالعلاجات فهذا يعني الكلف عندج عميق ووقفي تسوين اي تقشير عشان ما تحسسين بشرتج ع الفاضي احتمال كبير ما يسير
كوزميلان شي منه نوعين 1 و 2 والديرميلان بعد أقوى
بالنسبه لليزر الشعر يمكن الجهاز عندهم مب مناسب لنوع الشعر عندج
لا تسوين شي وانتي حامل

[المـيـر]

تسلمييييين يا احلى شوكليته ^^ عسى رَبِـــيے ينولج اللي فخاطرج



متااابعه

[المـيـر]

داي وير من استي لودر او كلينيك


وين بلقاها ؟


لان انا استخدم ماك يوميا ><


صح وبشرتيه ابدا مب دهنيه .. مختلطة ويغلب عليها الجفاف

[mischocolat]

داي وير من استي لودر او كلينيك


وين بلقاها ؟


لان انا استخدم ماك يوميا ><


صح وبشرتيه ابدا مب دهنيه .. مختلطة ويغلب عليها الجفاف

day wear من استي لودر موجود في باريس غاليري واريج
بيعيبج

[المها2009]

مس انا ربيت من سنتين بطني فيه علامات تشقق ابيض وبنفسجي في حل يخفف من ااخطوط البنفسجيه استخدمت زبده بذور الرمان ما تغير شي في كريم يخففهن

مس ما رديتي على

[mischocolat]

مس ما رديتي على

السموحه يمكن ما انتبهت
للاسف تشققات البطن مشكله
شي حريم استخدمو البايو اويل من بوتس ونفع وياهم وشي منهم قالو مافادهم
وشي حريم استخدمو زبدة الشيا والكاكاو ويا بعض ونفعت وياهم وشي بنات قالو لا
يعني تفرق وايد من وحده للثانيه

[المها2009]

مشكورة مس استخدمت بيو اويل بعد ما فاد منظهر ضايقني وايد
سامحيني على كثرت الاسئله شي ليزر يخوزهن ولا بعد ما في علاج بالليزر