بقيت حل لمشكلتي هاي

**غرشه عسل** · 2007-08-30, 02:53

مرحبااااااااااااااااااا بنات شحالكم..

بقيت رايكم في ها السالفه::

بصراحه انا من تزوجت صار لي 7 شهور تقريبا وريلي اول شهر كان وايد اوكي ويايه من ناحيه التعامل بس عقب تغير وايد عليه حتى مقصر في المصروف ويايه واحس انه كلما بقا يسوي شي يشاور امه واخواته يعني كلما طلبت منه شي شاورهم اقوله ابا ابيت روحي قال لي ماشي قلت له ابا اسوق قال لي ماشي وكلما اطلب منه فلوس ما يعطيني يقولي عطيتج قبل بعد شو تبين بصراحه وايد بخيل ها الريال قلت بصبر عليه وكان دوووم يهددني بالطلاق لين سواها وطلقني قلت ماباه بس هو يقول حق اهلي اونه ماكان قاصد وكان يسولف يعني مش حاله هاي وعقب رمسوه وجي ورديت عليه واستوى زين فترة وعقب رد انجلب عليه مرة ثانيه وتغيرت معاملته عليه والحين حامل وما يقدر ها الشي دوووم يزعلني واخر مرة طلبت منه بيزات ما طاع يعطيني حتى شهر العسل ماسافرنا ولا سرنا غيرانه تمينا نحوط كم يوم في الامارات دبي وجي......
بصراحه مب قادره اصبر ع بخله وبصبر ع كل شي الا البخل شي صعبر الصراحه وحتا الشغل قال لي مش لازم طيب ليششششش؟؟ ما ترحم ولا تخلي رحمه ربك تنزل ياربي شو ها الريال..

والسمووووووحه طولت عليكم بس من القهر شو اسوي...

المزيد من آخر المواضيع من نفس القسم:

**dubai85** · 2007-08-30, 03:03

الله يعينج حبوبه ادعيلها في صلاتج بالهدايه ^_^

**غرشه عسل** · 2007-08-30, 03:04

اشكرج الغلا ع مرورج

**استغفر ربك** · 2007-08-30, 03:05

الله ايسر اموركم ويهدي شانكم ...

اختي ما عليه هاي اول سنه بالزواج لازم تكون بها مشاكل لانكم بعدكم يداد على بعض ...

وبعدين اختي بالنسبه للسكن والسواقه والشغل .. هو ريلج حبوبه وله الحق وكل الحق ان يوافق او يرفض

اختي الحرمه يجب عليها طاعة زوجها عشان ترضي ربها ...

اختي ما عليه انتي حاولي وياه بالزين اذا رضى كان بها وان ما رضى ما عليه اصبري وهو عنده حق وانتي مأجوره ان شاء الله لطاعتج لزوجج ..

وبالنسبه للبخل اختي اتفاهمي وياه كلميه حاوريه ..

قوليله ليش تبين البيزات وشو اللي محتاجته ..

اختي خلي يسوي لج مصروف شهري ..

انتي لج الحق ان يصرف عليج بكل متطلباتج باللي الله امر به

اختي كل شي بالتفاهم يصير ..

وبعدين دامج بفترة حمل ربي يتمم عليج ... اكيد انج حساسه بزياده

ياختي هاي مشاكل بسيطه تحصل باي بيت ..

لا تضايقي عمرج واهتمي بصحتج والنونو ..

وان شاء الله تقومين بالسلامه ..

**غرشه عسل** · 2007-08-30, 03:07

اشكرج ع مرورج

**حمده القبيسي** · 2007-08-30, 03:39

ادعيلها في صلاتج

**غرشه عسل** · 2007-08-31, 01:05

يسلموووووووووووووووووووووووووووووو ع لاالمرور

**maryoomah** · 2007-08-31, 02:17

االله يكون فعونج و يهدي ريلج

**غرشه عسل** · 2007-08-31, 02:24

امين يا رب

**فطمطم** · 2007-09-01, 02:39

اففففف ماداني الريال البخيل

**فاطمةالحمادي** · 2007-09-01, 05:25

ماعليه الغالية الحرمة لازم اتقدر ظروف ريلها
يبالج تيلسين معاه في جو هادي ورومانسي بعيد عن كل أنواع الضغوطات
وتتحاورين معاه بأسلوب بعيد عن الشدة والصراخ والانفعالات...
وتبدأين الحوار بكلمة: حبيبي حبيت أسولف وياك اشوي..
وبعدين اشوي اشوي قوليله اللي ف خاطرج
مثلا قوليله: والله انته مو مقصر معاي ، وانته ماشالله عليك ما عليك زود، وانته ماشالله عليك راعي واجب وأصول وحقاني
مثلا: يعجبني فيك الشي الفلاني والشي الفلاني.. بس والله مضايقة اشوي من سالفة ال....
مثلا: حبيبي اذا انته ما عطيتني منو بيعطيني؟!! وادري بك ما بتقصر...
ونصيحة لا تقارنين بينه وبين أي حد ثاني أثناء الحوار اللي بيدور بينكم.. لأن الريال ما يحب المقارنات..
وهالحوار لازم تتبعه ابتسامات وحركات دلع ومن اللي اتعرفينه

وبعدين لا تزنين وتحنين وايد، يعني لا تكررين هالموضوع وايد
والله يسخره للأحسن ويهديه
وانت بشطارتج وسياستج تقدرين تجذبينه لج

والسموحة

**غاليةالروح** · 2007-09-01, 16:17

االله يكون فعونج و يهدي ريلج والله يوفقج

**منشغل بالها دوم** · 2007-09-01, 18:10

من البداية غلطتي و يوم رديتيله لو منج بشرط البيت و المصروف يوصلج أول كل شهر ليش الغلطه تعيدينها مرتين

**sosee** · 2007-09-01, 19:04

حبوبة ليش ما سألتوا عنه قبل؟
أنا أول شروطي قبل ما تزوجت
متدين/ دمه خفيف/ كريم
يمكن حسبها لمل طلقج لو بيزوج مرة ثانية بيطر يدفع فلوس لكن ماشي غير طريقة وحدة خاصة انج حامل
على حسب ما قريت
تكلمينه وإذا ما فاد دخلي أهلج، ينزلج في حسابج مصروف شخصي على حسب ما يقدر وما يدخل فيه
ولاتنسين دائما إدعي ربج بأنه يهديلج إياه ويصلح حاله
واصبري عليه البخل شين وما ينطاق
والحمدلله

**امـ فطومـ** · 2007-09-01, 19:14

رمسي اهلج وخليه يفتح لج حساب ويحط فيه مصروف شهري لج<<< خليهم مه يشترطون عليه

الموضوع: بقيت حل لمشكلتي هاي

أدوات الموضوع

عرض

بقيت حل لمشكلتي هاي

المزيد من آخر المواضيع من نفس القسم:

المواضيع المتشابهه

بقيت مساعدتكم

بقيت مساعده

بقيت لبس كويتي