مكياج للعروس

**كستناء** · 2013-01-02, 10:58

السلام عليكم ورحمة الله وبركاته

بنات بليز ابا مساعده والله مابا انسى لكم هالمعروف ابد

عرسي شهر 4 والين الحين ماعرف عند منو اتمكيج وطبعا انا من العين

وكل حد يمدح وحده وانا مب كل شي يناسبني لانه ويهي صغير وقصيره والاوفر ابد مايناسب شكلي يخليني كاني عيوز هع هع

فبليز بنات فيدوني عند منو اتعدل طبعا ل بوظبي ودبي ماقدر اسير يا انه وحده تيني للبيت ولا صالون يكون حلو وراقي فالعين ولا اي وحده من الماكيرات فالعين تعدلني

واهم شي بعد التسريحة ابا شي بعد راقي

دخيلكن بنات لاتبخلن عليه

وفي وحده مدحت خالده الباكستانية تقول مكياجها حلووو ويغير بس ماعرف محتاره موووووت

وساعدوني بليز

وشكراااا

المزيد من آخر المواضيع من نفس القسم:

**كستناء** · 2013-01-02, 12:21

50 مشاهدة ولا وحده ردت حرام بليز انقذوني

**راعية الناقه** · 2013-01-02, 12:30

السلام عليكم ورحمة الله وبركاته
الغاليه بقولج عن تجربه وانشاءالله ما بتندمين
عندج المكياج نبيله والتسريحه امل
ماشاءالله عليهم شغلهم خبااااااااال

**one and only** · 2013-01-02, 12:34

اختي أنا من العين ... و في عرسي ياتني ماكييره اسمها كاتيا هي من دبي ... و بصراحة شغلها رووووووووعة ... سوت لي البروفا مع اضاءة نفس اضاءة الأعراس و بعدين قررت شو الألوان اللي بتستخدمها ... و عقب في العرس سوت لي طلة بناءا على البروفا ... صراحة كان الميك اب يجججججنننننن كلهم سألوني عنها .. و هي تشتغل بذمه و ضمير ... في البروفا لاحظت انه بشرتي دهنية و في يوم العرس سوت لي فيشيال و يابت لي ثلج و قالت لي مسحي ويهج فيه ... قعدت أمسح ويهي بالثلج تقريبا ساعتين لين ما خلصت هي مكياج اختي ... و عقب سوت لي ... و بالنسبة للشعر هي عندها اربيعتها ... و طبعا نفس الشي سويت بروفا للشعر و مع بروفا الميك اب عشان نشوف شو التسريحة اللي تناسب ويهي !! بصراحة شغلهم رووووعة و كلمة روعة قليلة عليها .... أنصحج فيها !

**سوالف بحر** · 2013-01-02, 12:35

مووووووووووفقة حبيبتي
طبعا لازم شي ناعم ونفس الوقت بارز لان الاوفر بيخفي ملامحج وانتي ناعمة بالاساس والتركيز بيكون على رسم الملامح حتى تحافظين على عمرج ومايعطيج عمر اكبر
اختيار مووفق

**مس ستايل123** · 2013-01-02, 14:20

انا عرسي كان من شهرين .. وسويت عند شمس من العين لو تبين رقمها بعطيجوايد عيبني وطلعتني كيوته

حسب اللي تطلبينه خفيف ولا اوفر
وسوت لي ب 3500

**سامية22** · 2013-01-02, 14:57

الف مبروك

**الفراشهـ** · 2013-01-02, 15:00

بالتوفيق حبوبه

**alia44** · 2013-01-02, 15:11

عندك سوزان من الشارقة بعد عدلت ربيعتي بعرسها وتعديله روعة وهي بعد بتسوي تسريحات واسعارها حلوة بتاخذ على العروس 2500 اذا تبين برسلك رقمها على الخاص

**بروود أعصاب** · 2013-01-02, 16:54

الله يوفقج

**SHONSA** · 2013-01-02, 18:32

انا من العين بعد و تمكيجت عند هستي اللي فدبي مكياجها واايد حلوو ونااعم ,. مكيجتني ب 10 الاف الحين وايد غلت ب 13 الف اعتقد ,., بس مكياجها رووووووعه تقدرين تروحيلها الصالون و تسوين عندها بروفه ,, عالبروفه تاخذ 800 درهم اعتقد

**امل السورية** · 2013-01-02, 21:07

الف مبرررررررررروك

**كستناء** · 2013-01-03, 07:56

تسلمووووون بنات فردا فردا ويعطيكم العافية وماقصرتوا وياليت ارقام تلفونات الماكيرات

ادري وايد اطلب وسمحوا لي

**bronzy** · 2013-01-03, 08:17

موووووووووووووفقه

**كستناء** · 2013-01-03, 08:27

اليميع ياربي وتسلمين حبوووبه

الموضوع: مكياج للعروس

أدوات الموضوع

عرض