انا مصدومه

**supeer girl** · 2013-01-01, 03:51

بناات انا كان عندي ايفون فور اس الابيض كان عادي يعني عايبني بس كنت مقهوره انه مايطرش بلوتوث وبعد وايد يفصل مع انه استخدام بسيط يعني ما استخدمته وايد

والحين اشوف الكل هاب بالجالكسي وكل ما اسال حد عن الفرق بين الجالكسي والايفون يقولون ويييين الجلكسي ووين الايفون ،، طبعا لا مقارنه الجلكسي افضل

عاد قلت خلاص الا اخذه ،، وانا من النوع الي يحبون الالكترونيات

وخذت جالكسي نوت تو من يومين وعطيت الايفون حق اخوي

احس انه مافيه شي زوووود عن الايفون كيف يتمدحون فيه جي
بالعكس الايفون تصوييره جداااا رائع احلى بوايد عن الجلكسي نوت وبعد الايفون احسه منظم ومرتب وواضح والعابه وبرامجه اصليه
بعكس الجلكسي احس لويه وبرامجه والعابه جنهم العاب اتاري

ادري طولت بالرمسه بس اباا اعرف شو الي عايبنكم بالجلكسي بالضبط ومب اوك بالايفووون يمكن افهم شي مب فااهمته

المزيد من آخر المواضيع من نفس القسم:

**قلوب حلا** · 2013-01-01, 04:26

اللي صار صار لاتنقهرين مكتوب لخوج الفون هههههههه

عن نفسي اتصدقين مااتاثر باراء الاخرين .. اشوف الاثنين .. واشوف المميزات واللي ارتاح له اكثر .. واخذه حتى لو ماعيب غيري .. فالنهايه انا مرتاحه ..

اتصدقين يمكن بعض الناس يشوفون مميزات اكثربالايفون والبعض الاخر بالجلكسي .. فالنهايه ارضاء الناس غايه لاتدرك ..يالله تتهنين عاد ماعليج استانسي وخبصي فيه .. لين تتعودين عليه هههههههههه

ومبروك مره ثانيه

**.maryam.** · 2013-01-01, 13:14

في اختلافات بسيطه
انا جربت الاثنين وافضل الجلكسي بوايد
من ناحيه الاستخدام والشكل

**لاهوبه** · 2013-01-01, 14:47

تصدقين انا نفسج ضايعه بين الاثنين خخخخخ

ولين الحين ماخذت بس اكثر شي اميييل للايفون

بس انقهر يوم الكل يقول مايسوا سعره وانه الجالاكسي نفسه وبعد الالعاب فري اكثر من الايفون

وبعديين غيري قبل كان عندج الايفون

الحين عيشي جو الجالاكسي وسوي بحث عن برامجه والمميزات اللي فيه ،،،

**عمة عوآسي** · 2013-01-01, 20:45

أختي لو بدالج بعطي الجالكسي لاخوي وباخذ ايفوني هههههه ,,
وبريح راسي

عمة عوآسي

**شهد123** · 2013-01-01, 20:52

ههههههه
مبروك عليج الفون بصراحه انا ما خذت جالاكسي بس خواتي خذنه وحده منهن متخبله عليه والثانيه كل يوم تدعي عليه وتسبه 😁😁😁..
وانا عن نفسي عندي ايفون 4 من سنه بس الحين باخذ ايفون 5 ما اعرف ليش ما مرتاحه ع جالكسي ..

**اميرةالأمتياز** · 2013-01-01, 21:18

لا تنقهرين عااادي لازم تجربين كل شي عشان تعرفين شو الاحسن .. انا بعد خذت جالاكسي 7 بلس بس واااايد ندمت والحينه فريته مول ماستخدمه فرق بينه وبين الايباد ،، الفونات انااا مستحيييل اغير الايفون بجلاكسي احس فرق واايد بين السامسونج و ابل ،، ايفون افضل من كل النواحي و كل حد واستخدامه ..

**بنت الهاجس** · 2013-01-02, 23:42

انا افضل الايفون لان تصويره روووعه بالنسبه جلكسي برنامجه اوك حلوة بالتوفيج للجميع

**dreams_87** · 2013-01-03, 00:55

انا مريحة راسي وشاله بلاك بيري عملي للأستخدام والاهم اني اتم اون لاين على طول ههههههههههههههه

**الايمــــان** · 2013-01-05, 03:48

حتى انا افضل الايفون. والأيفون 5 رووعه بكلشي

**حرمه يديده** · 2013-01-05, 15:38

عني ما استخدمت الايفون بس اشوف الجلكسي حليو خخخخ حلوه هاي ..

يمكن متغير عليج عشان الشكل و الاستخدام .. بس جد هو حلو استخدامه و عملي وايد ^^

**U.Dresses** · 2013-01-05, 15:54

الراحه، الجوده من حيث المصنع والشكل وتشغيل الألعاب والبرامج اشوفهم في الاي فون فقط ...
صح الجالاكسي اس ٣ تفوق في بعض النقاط على الاي فون ٤ اس لكن هذي مب نقطة النهايه لمحبين الاي فون..
بالنسبه لي احس براحه اكثر يوم استخدم الاي فون .. وماقدرت اتأقلم ابداً ابداً مع نظام الاندرويد ...

يكفى انه الاي فون من ( أبل )

الأصلي أصلي

.
.

**ناديـن** · 2013-01-06, 03:32

السلام عليكم

كان عندي الـ آي فون و ما عيبني بصراحه و اشتريت جالاكسي إس 3

وايد عايبني و استخدامه احسن و اسهل و اريح من الـ آي فون بالنسبه لي

مادري و الناس اذواق ترى

الموضوع: انا مصدومه

أدوات الموضوع

عرض