ملجتي جرربت

[βяsṫĕĕj]

السلام علييكم ورحمة الله وبركآته ,, شحآلكم عسآكم الا بخيير وسهآآله ,,
شحآلكم عساكم الا بخيير ,,

بنات ملجتي جربت وايد وكل يوم اتوتر اكثر عن الثاني

وااايد احاتي رجفتي جدام الناس ومن غير احاتي انيي اطيح من الدري وانا نازله انا مب وايد ويا الكعب
بس انا ماخذه كعب صغير مب وايد عوود يعني زيين متعوده على هالنوع بس وايد اخاف انيي ازلق او اتخرطف ><
احسس ابا احط شي تحت الكعب عشان مايزلقني >< ماعرف شسسوي امي قالتلي الفلبينيات اللي هناك هم بيكونون وياج ف كل خطوه بس بعد خايفه

وبعد اباكم تفيديوني باشياء ماتخليني اتوتر شو اسوي ><
قالولي شربي عصير ليمون احسس مادري مابيفيد

المزيد من آخر المواضيع من نفس القسم:

• ليالي الحناء و المكسار و الجلوة و اجواءها
• قاعه فيها درج للعروس
• الحنة تعلق
• بغيت رفم خبره التجميل عزة مطر
• للعروس إليكِ هذه الطرق لتطويل شعرك بسرعة قبل...
• صيحة خواتم الخطوبة الدارجة لعام 2018-العروس...
• كيفية اختيار اكسسوارات الزفاف
• خمس أمور لا بد من التفكير بها قبل الزواج
• مطلوب
• احلى واروع سيديات الاغاني والزفات بدون...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم راشد العين]

الله يتمم لج على خير

[مملكة الفجيرة]

هلا الغالية خلج ري لاكس وعااادية جنج متعدة وهد نفسج والله يتمم لج على خير وعقبالي يا رب

[لاهوبه]

نصيحه استانسي وانسي التوتر

ترا مب حلو اذا بين عليج الارتباك والتوتر زياده عن اللزووووم


خلج واثقه من نفسج وانه هاي الليله ماتتعوض


والله يتمم لج على خير

[Latifa BF]

عليج بالهوت جوكلت

وانتي اشك انج بتاكلين شي ف الهوت جوكلت يهدي الاعصاب ويعطيج طاقه

والله يتمم عليج على خير

[الفراشهـ]

خلي اي حد وياج في الغرفه يسولف وياج وبتنسين .. ( قبل لتنزين )
وخليج كووووول

بالبركه حبوبه

[سوالف بحر]

مووووووووووفقة

[عزة فوتو]

موفقة

[ام هاني ونودي]

فكري انها مناسبة حلوة وبتستانسين فيها والناس كلهم موجودين عشانج وان شاء الله كل شيء يكون تمام

[هيبة الريح]

الغاليه الملجه وجي عيل العرس شو لوووول > كل ما اجوف حد متوتر اقول لو هم جي عيل انا كيف بكون هع
ما عليج قبل لا تنزلين خذي شهيق زفير ونفس عميق ريلاكس وقولي ها يومي وانا مو اول وحده ولا اخر وحده
وابتسامه خفيفه حسب ترتاحين
واول خطوه تنزلينها من الدريي تمي كمن ثانيه عسب تاخذين ع الوضع و عقب كملي
والله يوقفج الغاليه

[امل السورية]

الف مبروك

[cutyah.87]

للرفع

[قــصــإأآيــد]

التوتر والخوف شي طبيعي

آنآ كنت اهزززز من كثر الرجفهـ . . بس عدى اليوم على خير
ربيعاتي كانوا حولي وهالشي ريحني وايد . . حاولوا قد ما يقدرون انهم يخلوني ريلاكس

ربي يتمم لج ع خير الغلا ويسهل امورج . . توكلي ع اللهـ

[المنثوره]

بالتوفيق حبيبتي

[عشق طاهر]

اناااا حبيبتي خالتي فاجأتني بوجودها لانها ما كانت بتحضر
واستانست

وتميت مستانسه وكنت اردد فقلبي

انا احلى وحده فالحضور انا اليوم اميره

كل الي يايين يو عشاني غاليه
وطايحه مديح فعمري واتدلع جدام الجامه خخخخ

و من فتحوا الباب صح خفت

بس خطر فبالي كلامي و مديحي

ان كل هالحضور يو عشان انا غاليه

جان انتفخ من الوناسه وارفع راسي واعطيهم هذيج الابتسامه الي تطيح الطير و امشي وانا كلي ثقه
وراح الخوف

و نفس الشي فالعرس

و حتى فالتصوير طالعه عسل فديتني هههه
يعني كنت طبيعيه بس ارتبكت من شرف بوالشباب والامور طيبه
لاتخلين شي يعكر جوج لانج اميره الحفله والغاليه طبعاً

ههههه تصدقين يالسه امدح عمري حالياً من تذكرت الي كنت اسويه