خواتي الكل يدخل ويضم صوته للحد من رفع اسعار الخدم

[Cobon]

ما بخصه ان المكاتب رافعة الاسعار
اوكي هم رافعين يمكن رفعوا مبلغ 500 درهم و لا 1000 مو اكثر
بس مو لدرجة الخدامة يوصل سعرها 10000 درهم
هم جافوا ان الناس تدفع زادوا و كلما زاد الطلب ع البضاعة زاد السعر هم جي يفكرون




انا شريت راحتي
يبت لي اندونيسية ب 2500 ،،
زخيت بشكارة يراانا و قالت عندها اختها و يبتها و دفعت 500 للمكتب لان لازم عن طريق مكتب و طلع علي 3000 درهم كامل مكمل مع كل اوراقها و تحاليلها و كل شي و راتبها متفقة وياها ع 700
لين ما تكمل عندي فترة و شفتها زينة بعطيها 800

و يبت سيلانية بنفس الطريقة طلع علي 2000 بس لا و راتبها 600بس



لو عن طريق مكتب الاندونيسية 10000 و الراتب 800
و السيلانية 7500 و راتبها 800 و 900

يعني وفرت ف التكلفة و ف الراتب
زخن اي بشكارة تعرفونها و بتلقون ربيعاتهم خواتهم اي حد



يعني ما تكلف الخدامة 2000 درهم
بخلي ب 6000 بعد اهون
يعني ربحان 4000 ف كل خدامة
عاد 10000 ليش هي ذهب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت خورفكان 3]

انا بعد منقهره من رفع الاسعار لازم نشوف حل ميزانية ريلي ماتسمح وانا عندي عيال ما اقدر عليهم بروحي بتخبل منهم اذا ما نقدر نوفر المبلغ للخدامه كيف بتصرف اكيد على الظهر من شغل البيت بنتحر والابتصير حالات طلاق كثيره بالامارات لانه كل شي بيكون على راس الحرمه مب تعاون بين الحرمه والخدامه صج حاله صعبه صعبه

[بنت خورفكان 3]

عادي حبيبتي قولي لها تدفع كل المبالغ اللي دفعتوها ليها والا ودووها المكتب وخلي ريلج يهدده انه ببلغ الشرطه على صاحب المكتب لانه اييب خدامات يتشغلون لفتره بسيطه بعدين يطالبون برفع المبلغ لانكم موقعين على عقد مدته سنتين وراتب شهري معين بدون زياده

[SCORPION]

انا اتصلت على هالرقم من فتره وكنت بشتكي لان المكتب رفع المبلغ الف درهم زياده تخيلوا شو ردوا علي ؟ قالوا لي اذا المبلغ الزياده الف مب مشكله اما اذا كان اربع ولا خمسه الف وقتها تعالي واشتكي !! يعني هالالف الزياده اللي بدفعها بحصلها في الشارع ؟ شي يبط الجبد

[افناان]

انا اتصلت على هالرقم من فتره وكنت بشتكي لان المكتب رفع المبلغ الف درهم زياده تخيلوا شو ردوا علي ؟ قالوا لي اذا المبلغ الزياده الف مب مشكله اما اذا كان اربع ولا خمسه الف وقتها تعالي واشتكي !! يعني هالالف الزياده اللي بدفعها بحصلها في الشارع ؟ شي يبط الجبد

طبعا حبيبتي اللي عنده ما بيفتكر في غيره و لا بيهمه حد !!
اقل شي كان المفروض يردون عليج نحن بنتواصل مع المكتب او الجهات المعنيه بمراقبة اسعار المكاتب ، امسات مرت اخوي تقول لي انه الاندونيسية وصلت ١٢ الف بس رسوم استقدام من غير تكاليف الاقامه و توابعها في مكتب من مكاتب العين !!!!!!!!!! كاارثة اذا تم الوضع جي بدون تدخلات
منو اللي بيقدر يدفع ١٠ او ١٢ غير الاقامه خبروني ؟؟ و الفلبينيه وايد ناس ما يقدرون يستقدمون لانه راتبهن صار ١٠٠٠ و طالع
الله المستعااان و اليه المشتكى

[المغتربة]

ابببببببببببببب

[cute uae]

حسبي الله و نعم الوكيل

[راعية_دبي]

خلاص هم رفعو الاسعار

الحين المفروض ايكون الضمان موب 3 شهور ..........لازم يرتفع الضمان بعد لمدة سنة
لازم يتدخلون حقوق المستهلك الحين

لان عقب ال 3 اشهور البشكارة اتكشر عن انيابها وتبتدي اتسوي جرايم سرقه وغيره ...وجرايم منقطعت النظير طبعا

واطيح في جبد المستهلك ......لان المكتب عقب 3 شهور يروغ المستهلك بعسو

[برنسيسة غليلة]

حسبي الله عليهم ... شغالتنا نيباله دافعين لها 7000
راحت بلادها اونه امها مريضة 5 ايام وترررد
ولا يت من اسبوعين الحييين ..والحين بعد نيباليين زاد 7500

[حنين و شوق]

السلام عليكم خواتي الغاليات
وانا اضم صوتي لاصواتكن خواتي بخصوص موضوع الخدم
فعلاً معظم العوايل يعانون من هذه المشكله ولازم يكون في حل
ومثل ماهم لهم حقوق نحن بعد مش يايبين فلوسنا من الشارع
ما اقول غير حسبي الله ونعم الوكيل

[Cobon]

اببببببب

[اليامي مريامي]

يزاج الله خير و الله نبهتيني و انا 24 ساعة داقة الا هالسالفه مادقيت حاضرين كم امارات عدنا