ملل زوجي

[ملكة بجمالها]

اسفه غثيتكم زوجي يقول لي انه رجل يمل اذا يجلس يم زوجته بس هو مايجي3ايام في الاسبوع واغلب الوقت يم أهله بس ساعه أوساعتين يمي
الي اعرفه الي يمل من زوجته الي يكون يمها يومين
واذا يمي اسولف معاه يجلس يقول زهقت يدق على ربعه يقول لي انه زهقان

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[بهلولة]

كلامج مو واضح وايد
ولكن مفهوم ان ريلج يقولج انه يمل منج
مع انه مو دوم عدالج
صح جي؟؟؟!!

لا تحطين ببالج هالرمسة
دامنه قالها يعني مو قاصدها
يمكن انتي ضغطي عليه بالكلام وعشان جي طلعت منه هالرمسة

خليه على راحته
كل ما قلبج بعده تفكيره عنه وعن سالفة انه يمل منج
كل ما بتحسين انه اقرب لج
سوي اللي عليج من واجبات ولا تقصرين
والباقي على رب العالمين

[^GalaXy^]

حاولي تجددين في حياتج ،،خلي سوالفج ممتعة يعني شوفي شو هواياته وسولفي وياه
خلي البيت دوم ريحته مبخرة وخلي الديكور يفتح النفس وخلج انتي دوم مبتسمة

[مثلي قليل]

سولفي عن أهتمامته شوفي هو شو يحب وسولفي عنه ضحكي فرفشي لاتنتقدي ولاتشتكي ولاتصيرين نكديه
ويمكن ترا العيب فيه مب فيج بس أنتي حاولي

[عشكوله]

استعيني بالله وادعي واستغفري فالثلث الاخير
ونصيحتي الثانيه:
طنشيه بس بدلع مب بمدة البوز
واشغلي نفسج
ترا الرياييل مايحبون المره لي تلاحقهم
والله يصلح الجميع ويوفق بينكم

[أم سللوم]

ريلج أناني الصراحه إلي يحب مرته ما بمل منها موووليه. حاولي تتقرربين منه و اتسوي أجواء رومنسيه و لعبي معاه الألعاب إلي يحبه واكتشفي بروحج شو الأشياء إلي يحبها

[ليندااااا]

طنشيه بدلع واشغلي نفسج عنه بامور ايجابية
تحصلينه يراكض وراج

[majnooonk]

اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّم آمين .

[دانة_ دبي]

لا تكونين لصقة
و ركزي شوي ع نفسج هواياتج دلعي نفسج
اقري كتاب و هو يمج صدقيني بيغار منج و بيى بياخذ عنج الكتاب و بيقول من هذا اللي يشتغلج عني ههههههههههه مستوية فوزية الدربع
و لا تنسين تهتمين فيه شوي ولا تكونين نكدية لحوحة حنانة رنانة

[ورقة ناعمة]

الرياييل يملون نحن بعد نمل من ويييهم اربع وعشرين ساعة نفس الشعور بس مانزعل اختي عادي

الوقت اللي يمل فيه ويبغي يظهر من البيت خليه يطلع ويا ربعه ويستانس وانتي بعد لسي معها

وافتحيلكم فيلم او اي قناه تسليكم مع شوي سوالف مع سويتات انتي مسويتنها حجه او اي اكله يحبها

موضوع الملل مب معناته انه يكرهج نحن بعد رغم ان الوقت ضيق عدنا وانشغالاتنا لكن نمل حتى من انفسنا

[الأصالة]

سولفي وياه عن الاشياء الي يحبها

[أم سللوم]

حبيبتي توكلي على ربج و مدام ريلج يقول إنج ممله خليه مب مشكله حاولي تشغلين نفسج بأشياء تفيدج اقرئ قرآن اتصلي لربيعاتج طبخي وجبه خفيفه يحبها ريلج و يوم تخلصين اتصلي فيه عشان ايي يأكل وان رفض بالمره ما تزعلين لا تبينين انج مضايقه بالمره و يوم يقولج ممل بروح مع ربعي قوليه اتوكل على الله و لا تهتمين و لا تزعلين آخر شي هو بحن و بيرجع لج ملهوف مصيره يعرف انج إنسانه حساسه و ام مشاعر حنونه ولازم بيهتم فيش بس صبري و لا تيأسي و حاولي تمسكي أعصابج وترتاحين ولا لالالالالاتزعلين والله يوفقج

[* أم أحمد]

لاإله الا الله محمد رسول الله