رجعت وهمي زاد

[بنت ريلي]

شخباركم بنات انا كتبت قصتي قبل لل الخوات اللي مايعرفونها http://forum.uaewomen.net/showthread...=#post40319904 انا رجعت اكتب لكم لانه صدق ماعندي حد يسمعني غيركم انا في بيت اهلي من اسبوع اهل ريلي سافروا وتميت روحي في البيت وماعرف شي عن زوجي من اسبوع ماتصلي مب عارفه ليش افكر اتصل للسجن بس متردده وايد احاتيه وتخيلو اخوه وعدني ووعد امه يطلعه ولا سوا شي انقهرت وايد كنت والله اتريا طلعته ومستانسه بس للاسف بيكمل 5شهور وشوي وللحين مسجون ياربي مب عارفه شو اسوي اهلي يسألوني وينه كله اقول دوره دوره ونظرات الحريم ماترحم كلهم يسألون امي ليش بنتج يالسه للحين وكله يتحروني بطلق واللي يعرف بااسالفه يشمت ومايقصر ياناس ياعالم شو فيها لو تميت بيت اهلي شو فيها لو وقفت ويا زوجي تعبت والله تعبت مرات احس عاله علي اهلي وملوا مني ومن شطانة بنتي ياربي كم بتحمل وين اروح ايلس في بيت اهل زوجي روحي بتخبل والله كفايه تفكير ومحاتاه تعبت مب عارفه شو اسوي لا رقاد لا اهتمام بنفسي كلهم يقولون لي نحسج مكسوره شو اسوي بنات ادعولي الله يصبرني ويفرج همي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[hamoudmam]

الله يصبرج و يفرج همج....
سيري السجن اسألي عن ريلج ...شوفي شو الطريقة لو تبين تزورينه و زوريه ....
ما عليج من كلام أي حد دام أنتي مقتنعة بالي تسوينه ...
ليش ما تحاولين دورين وظيفة و تييبين لج خدامة تهتم بالبنت ف غيابج و تحاولين تشوفين محامي زين حق ريلج ...
الله ييسر أمرج و يارب ريلج يقدر صبرج و يطلع من السجن هالمرة متغيرللأحسن يارب...

[hal00l]

شوفي يالغالية
هذا ريلج سندج فهالدنيا وانت سنده انا ادري الي صاير مب شوي بس ان شالله مع وقفتج وياه بتتحسن الحالة ولا تنسين تتقربين من ربج وقلبج خاشع ومتيقن بالاجابة وصدقيني ما يخصج بكلام الناس وان شالله شدة وتزول
وريلج حاولي تاثري عليه بالكلام والمقاطع ع اليوتيوب او لو تعرفين حد يغسل اموات خليه يتواصل معاه ويخبره بخاتمة هالدرب
صدقيني ريلج محتاج الارادة ومحتاج يقوي علاقته بربه
روحوا عمرة ان شالله يوم بيطلع وتمي وياه وحتى لو طلع بروحه دوم ادعي اللهم اني استودعتك زوجي فاحفظه لي
وعسى ربي يفرجها عليكم جريب وتبشرينا بكل خير يارب

[روز احمر]

الله يفرج همج يا ربي ويصبرج الغااليه لا تحااتين ولا تهتمين فدييتج .. ادعي الله واطلبيه واستغفري وايد الاستغفار يفرج الهم ان شاء الله وادعي الله دووووووووووووم حبيتبي وعسى الله يشرح صدرج ويقوويج وينصرج بااذن الله ما عليييج من حد الغااليه هذا ابو بنتج وتحملي ما بعد الصبر الا الفرج ان شاء الله .. شووفي فدييتج اقري قران يوميا وختميه وادعي عقب الختمه وبعد صلي صلاة الوتر وان شاء الله الله ويااج وبينصرج وصلي الضحى وادعي في كل وقت الدعوه ان شاء الله تكوون مستجابه مثل يوم بينزل مطر . بين الاذان والاقامه . قيام الليل . صلاة الضحى ان شاء الله تفرج الهموم . واذا ذكرت شي بعد الغااليه برجع للموضوع ان شاء الله .

[بنت ريلي]

مشكورات خواتي عالنصايح والكلام الحلو والله تلتهت بين المحامين كل واحد يقول عندي الزود اقل قضيه 39الف وهو 3 قضايا ملبسينه وعالشغل الحين ادرب ليسن وعقبه ان شاءالله بدورلي شغل والله دوم انصحه وادعيله وعن سيرتي للسجن ماقدر وهو مايرضي ابدا وصعبه نفس الوقت علي

[hamoudmam]

زين اتصلي عإدارة السجن اسأليهم عنه عالأقل تطمنين عليه وشوفي شو الطريقة عشان تتواصلين ويا ريلج بالإتصال بالرسايل ...اسأليهم..

[نونه دلوعه]

الله يصبرج

[ف.كولكشن]

الله أيسر امرج

[بربر]

الله يسر اامرج يارب

ويقر عيونج بظهور ريلج يارب جريب وتفرحين فيه ثقي بالله وصدقيني الفرج قريب

[بهلولة]

معقول ناوية اتمين جي طول العمر بين المحامين ومراكز الشرطة
والله مو معيشة لج ولا للبنية
والناس معاهم حق يستغربون ويتسائلون
عيل خمس شهور وانتي ما تعرفين شي ويالسه بيت اهلج؟؟!!!
وبعدين اللي اعرفه ان بالسجن يعطونهم تلفون ويتواصلون ويا اهلهم

انا مو مستغربة من ريلج كثر استغرابي من انج راضيه باللي مستوي فيج وفي بنتج!!!!!!!!!

[نونة الدلوعة]

يؤتى بأهل البلآء يوم القيآمة فلآ ينصب لهم ميزان
ولآ ينشر لهم ديوان ويصب عليهم الأجر صبا ، حتى إن
أهل العآفية ليتمنون في الموقف أن أجسادهم قرضت بالمقآريض
من حسن ثواب الله لهم ..

فالحزن بلاء ،، وضيق العيش بلآء ،، وقطع العلاقات بالأحباب بلآء ،،
ابتعاد الناس عنك بلآء ،، الديون بلآء ،، وموت أقرب الناس بلآء ،،
والفقر بلآء ،، والمرض من ألم وخز الشوكة إلى أشد أنواعه وأقواها بلآء ،،
والمشاكل الزوجية بلآء ،، والحسد بلآء ،، وكل مآ يضيق به الصدر بلآء

فبآكروآ بالصدقة فإن البلآء لا يتخطى الصدقة
هنيئا لكل مبتلي أبتلي فصبر وتصدق واحتسب أجره عند الله

حبيبتي انتي بنت ولآ لج حول ولآ قوة إلآ برب العبآد
إذا اهله مآ سووآ شي فإنتي اصبري واحتسبي الأجر عند رب العبآد
الصبر ثم الصدقة
تصددقي ورب العبآد بيفرج همج
ولو سمعتي مضآيقات من فلان وعلان اشكي لربج وربج كريم
بالعكس انا مآ اقولج هالكلام لأن مآشي أمممل
املللج موجود والفرج جدامج عسب جيه أقولج تمسكي بهالفرج
اللي هو الدعاء والصدقة والصبر
الفرج من وين ايينا ؟ غير من الله سبحانه

وحاولي لو كان هناك أمل للزيارة تزورينه وتنصحينه وتثبتيله إنج انتي وآقفة وياه
وربي وأنا اشهد انج بنت أصل وفصل ماشاءالله عليج
لو وحدة غيرج جآن تركته

بس صدقيني صح انتي اتشوفين وجود ريلج بالسجن مصيبة
ولكن يمكن هو أول خيط له للهداية
مآ تدرين الأقدار شو كاتبة لنا
ولا تنسين آية ربج [ وبشر الصابرين ] ^^

وعندي لج نصيحة حبيبتي استخيري
ورب العباد بيحدد بقآئج ويا ريلج خير أو شر
بس كثري من الإستخارة دايما وابدا ولا تتركين هالصلاة
يعني جنج موكلة أمرج لله
جربي مرة وحدة بس ووكلي أمورج لله سبحانه واتريي شو بيصير ^^

بس ادعي وعلى هالفير يآرب يردلج زوجج ويسخره لج ولبنته ويهديلج إياه وتترتب أمور حياتكم

[ام الدانا]

لا حول ولا قوه إلا بالله

الله يصبرج حبيبتي وقلبي وياج. الصراحة حتى ما اعرف شو أقول أو ارد عليج

الله يفرجها عليكم ويطلع ريلج وتتحسن أموركم


وربج كريم.

[ليتك تفهمني]

الله يصبرج

فديتج اترومين تعدلين ريلج من يظهر من السجن بس انتي تمي وراه وانصحي خليه يحبج ويحب بنتج اكثر

حاولي تبعدينه عن الخطا... احس انتي وبنتج امل هالريال

ماعرف شو اقولج بس لا تيأسين عندج فرصه وان شاء الله بيهتدي

طبعا لا تنسين الدعاااااااااااااااااء

[أم راشد العين]

الله يصبرج

[بنت ريلي]

اتصلت للادارة السجن يقولون لي شو يثبت لنا انتي حرمته قلتلهم طمنوني عليه بس ماعطوني ولامعلومه عنه هو كان يتصلي بس فجاه وقف اتصالات هو يمكن متضايق من نفسه ودوم يقولي انا السبب في همج انا واقفه وياه واقوله لما تطلع بنتفاهم وباخذ حقي انا راكضت له رحت المحاكم مايخبروني شي الشارجه جي عفانا الله فلان وفلان اخر شي مااخذ منهم ولا معلومه عن ريلي الله كريم خواتي مالي غير ربي اتوكل عليه