تفاعل بلييزز

[سارة النعيمي]

مسسئ البررد والدفاا

ششحالكن عسساكن بخييرر وعاافييه......
طبعااآ كل الامهاتت تتمنى يكوون عندهاا ولد" وابصراحه عشان خاطر ربيعتيه نزلت هالمووضووع " عندها 3 بنات وخاطرها ف ولد والحمدلله علئ نعمة الولد والبنت ' المهم هي حامل وريلهاا يبا ولد جان يقولها خلاص لو يبتي بنت بعررس،،،، تمت تصيح حليلهاآ والله تحبه بسس للاسف هو يحبها بس بيعرس »
المووووضوووع

هي سمعت انه ممكن تعرف من الدويره اللي ف راس اليهال اللي قبل يعني اذا بنت والا ولد معتقاد اجدادنا .... اللي عندها خبرره ف هالششي اتمنى ماتبخل بالمعلووومه

 

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[m-lady]

الله يهديه ريلها ... وليش ما تقوله علميا هو سبب انها تييب بنات مب هي ...
والله هو الرزاق وسالفة الولد والبنت ترى مكتوب منذ الازل شو بتييب يعني مهما حصل ما بتييب غير الي مكتوب ..

وذكرتيني بسالفة الدواويير .. في حملي الي قبل هالحمل .. قالولي اذا في راس بنتج دواوير ثنتين بتيبين ولد ... ويبت بنية .. يعني كلام في كلام ..
وعلى فكرة الحين انا حامل ببنتي الخامسة .. تصدقين انا الي زعلت شوي جان ريلي ينازعني يقول تعترضين على شي الله كاتبه ..

[الياسيه20]

هني المصيبه

لما الريال يعترض ع اللي الله كاتبه له.. هو يعرف اذا حرمته الثانيه بتييبله ولد؟؟

ترى هاي ارزاق..

الله يكون ف عونها..

[الغزال الش]

اختي انصحي اربيعتج انهاااا تدعي الله يرزقها بولد صالح وان الله ايحنن قلب ريلها عليهااا ... وعلى بناته ويحفظه لهم ويهديه


وقولي لها مالج غير الاستغفار .. وانا وحده جربت الاستغفار بس داومت عليه والله تم والله ما خاب ضني بيوم

قولي لها مالج غير الله خلا تتوكل ع رب العالمين وتكثر الاستغفار

وحده من اربيعاتي دايم كانت ويها عقده متى بتعرس قلت لها نفس الكلام كثري استغفار

ما عاده الحمد الله ايونها خطاطيب بس ما يصير نصيب

تمت مداومه ع الاستغفار والله ما كمل سنه ملجت وعرسها ان شاء الله شهر واحد الي بي

الله ايتمم لها على خير
ودليل من القران ع فوايد الاستغفار

من سورة نوح
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))صدق الله العظيم

[تقوى الله]

الغالية
انا عندي 8 بنات و عقب ياني الولد و الحمد لله
داومت على الصدقة و الاستغفار
و بعدين اللي يحدد جنس الجنين الريال
شوفي هالرابط

[ف.كولكشن]

البنات كفوو ووفو والله أيسر امر ربيعتج

[نونه دلوعه]

للرفع

[نبض المشآعر]

حرام عليه جيه خلها تقوله هلبنات الي مب عايبينه هن الي ايبن الأجر لبوهن اما عن الدواوير فكله خرابيط خلها تطلب ربها حتى لو مره فقيام اليل وتطلب بلي فخاطرها وتقرا سورة ياسين وبيصير الي بخاطرها ان شاء الله

[marriyah]

والله شرعا يحقله وصح ان الولد والبنت من الريال بس احيانا الريال يوم يأخذ وحده ثانيه تكون عنده فرصه اكبر انه ايب الولد ..
شرات بابا خذ ماما ويابتنا كلنا بنات ومن بينا ولد كانوا المفروظ ولدين بس العود الله يرحمه توفى بعمر 4 سنوات وعقب عرس وياب من ألحرمه الثانيه كله اولاد وبنتين بس عكسنا تماماً بس الحين كبرنا كلنا وعرسنا وبابا يقظي يومه كله عدنا لين اخر الليل لان وناسته عدنا سبحان الله ..
أنا ماقول شرعا يجوز يعني موافقه ريل ربيعتج بالعكس نحن حياتنا وايد تأثرت بها الزواج اللي صار قبل لا انولد وكفايه القهر اللي تشله ألحرمه في قلبها طول عمرها مهما كبروا عيالها

يارب الله يهديه لحرمته ويشل فكرة الزواج والله يرزقها بولد سليم معافى وشرات ماقالن البنات الاستغفااااااار وخلوها تقرى سورة البقره بنيه انجاب الولد وبنية ان زوجها يصرف نظر عن الموظوع تماما خلها تحاول تقرأها كل يوم كثر ما تقدر ماتقصر..

وشوفي بعينج شو بيصير عن تجربه مع سورة البقره والاستغفار في وايد أمور في حياتي ماشاء الله ..
اسمحيلي على الاطاله

[ام الغزلان]

اممم بالنسبه للدواير. ذكرتيني بجارتي كل ما اولد تزورني وتشوف راس البيبي وتقولي شو بعده هًهًهًـهًـهًـهًـهًـهًـهًـهًـهًـآأاإآإيّ  وصدقيني كل مره تصدق لدرجه نسميها سونار الحاره المهم قالتلي عقب ولدي بييب بنت وكانت الدايره بالوسط وعقب يبت بنت وقالتلي عقبها ولد وكانت الدايره على الجنب اليمين وحاليا حامل وقايلين لي ولد والله اعلم بعدين يمكن صدف وكله خير ورزق من الله غيرنا مااعنده الحمد لله على كل حال والله يرزقنا واياكم باللي نتمناه وخير لنا

[мєџαш]

الأرزاق بيد رب العالمين أكيد محد له حق يعارض هالشي
بس علميا جسم الحرمة إذا كان قلوي يكون حملها أكثر بولد واذا كان حمضي تحمل ببنت
جوفي اربيعتج اساليها تحب تشرب حليب و تاكل مشتقات الحليب الجبن و روب الخ
ها سبب يخلي جسم الحرمة حمضي , قوليلها تشتري من الصيدلية Uralyt-U وهو عبارة عن بودرة لونها
برتقالي مثل العصير في كرتون كبير لونه اخضر (ما في منه اي مضره) وظيفة هذا الدواء او العصير
انه يخلي الجسم كله قلوي ( الجسم القلوي يخلي الحيوانات المنوية الذكرية هي الي تلقح البويضه ويبطئ الحيوانات المنوية الانثوية)

خليها تبتعد عن الحليب و مشتقاته و قبل التبويض تشرب هالدوا مرتين فاليوم و أيام التبويض مرتين بعد
واذا حابة تتأكد إن جسمها صار قلوي تاخذ شرايط اسمها Combur Test
Urine Test Strips

حبيبتي خلها تستغفر و تدعي و اللي قلته بس سبب و كل شي بإيد رب العالمين دشي هالرابط
فيه تفاصيل أكثر عن الموضوع ,, و لاني أعرف حريم واايد جربوا الطريقة والحمدالله بعد رب العالمين يابوا ولد
والله يرزقها و يرزق كل وحده تتمنى تحمل بولد , والله يهدي ريلها ان شاءالله =)

http://forum.uaewomen.net/showthread.php?t=793622

[راعية الدار.]

الله يرزق كل من يتمنى

[أم الشيخ سعيد]

شوه فيهن البنات حلوات وحنونات على اهلهن
الله يرزقها يا رب

[3no0od89]

اختيه تقدرن تردين عليه انه هو اللي يحدد النسل مب انتي وبعدين لو عرس شو اللي ضمنه ما ايب بنات من الثانيه
انتي ما عليج منه وانتهبي على عمرج والله بيرزقج ان شا ءالله بالولد بس اصبري وداومي عالاستغفار

[ميثانووبس]

ما عنده سالفه