تعبت نفسيا

[cwezy uae]

السلام عليكم خواتي .. عساكم بخير

خواتي انا والله وايد مضايقه من عمري انا بنوته بعدني صغيرة ووزني في التسعينات كل حد يشوفني يقولي وين انتي يوم كنتي ضعيفه وانتي الحين .. تعبت من شكلي أحس اني وايد متينه وخواتي يقولولي انتي مب وايد متينه بس يبالج شوي تنزلين .. المشكله كل ما بديت اسوي رجيم ولا أخفف من أكلي ما أقدر أستمر .. ما أعرف شو أسوي وشو آكل عشان ما يزيد وزني ومتى ألعب رياضه مع ان امي الله يحفظها يابتلي السيكل والمشايه بس هكم مفرورين الا جيه ما اعرف متى أحسن وقت ألعب فيه رياضه ..

والله اني تعبانه نفسيا ودي البس مثل ما كنت ألبس قبل حتى الحين والله من كثر ما شكلي متغير ما أحب اروح عند الأهل عشان بس ما يحبطوني .

دخيلكم ساعدوني انصحوني قولولي شو أسوي

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أحلام ورديه 4]

مثل مشكلتج . ،
آن ششآء آلله بيفيدونج خوآتي . ،
آلله ب العون

[cwezy uae]

مثل مشكلتج . ، آن ششآء آلله بيفيدونج خوآتي . ، آلله ب العون

ان شاء الله

[مكانه في قلبي]

مرحبا الغالية كلنا نعاني من مشكلة السمنة الغلا ومحتاجيين حل لها انا مشكلتي هنيه ادور قروب اتفاعل معاااااااه لكن القسم شو بقول مافيه تفاعل يعني كل ماافتح قروب مافي ناس تشارك انا ابى منج الغالية تفتحين صفحة يديدة مع عمرج وتقولين انا ابى اضعف ابى اضعف قبل كلام الناس لج انتي حبوبة سوي جدول دايت وياكثرهم على النت انتظمي بواحد منهم والعبي رياضة ومابتلاقين الا اللي يسرج حبوبة خلونا نبدأ بنات بقروب حلوووو وفيه تفاعل ونشد الهمة ^^

[زم_قمر_ان]

اختى ماراح تنزلى وزنج في يومين

والسيكل ناينفع والسير بعد

لازم تعرفى شو سبب زيادة الوزن

وحطى لج نظام طويل لايوم ولا شهر يعنى خففى العشاء

وسوى رياضه

[أحلام ورديه 4]

يب يب

[زم_قمر_ان]

اختى ماراح تنزلى وزنج في يومين

والسيكل ناينفع والسير بعد

لازم تعرفى شو سبب زيادة الوزن

وحطى لج نظام طويل لايوم ولا شهر يعنى خففى العشاء

وسوى رياضه

[روح_الإمارات]

اختي انتي قلتي انج صغيرة يعني نزول وزنج أسهل منه ما شيء بس الهمة

طعي سوي لج نظام بس مب تحرمين عمرج لا بس تخفيف واستبدلي الخبز الأبيض بالأسمر
شلي الغازيات حطي مكانها فريش جوز

عقلي ثوب في خزانتج تحبينه بس قياسه صغير عليج عسب يكون دافع لج وبما انج صغنونة حطي لج جينز بس مقاسه جريب من مقاسج وكل يوم شوفيه بتتحمسين خلي الأنتي مالج تشجعج
لا تنسين الشاي الأخضر طعمه كريه بس ممكن تتعودين عليه

لا تجهدين نفسج بالرياضة عسب ما. تكرهينها بالتوفيق

[cwezy uae]

شكرا حبيباتي .. بديت أتشجع شوي شوي

[M.AlNuaimi]

هلا حبوبه شحالج شورايج تنظمين وياي في يومياتي انا امس بديت وزني اكثر من وزنج ونتحدا بعض دام انه اوزانا اشوي متقاربه يعني انتي في التسعين لكن انا تبارك الرحمن وصلت 111 يعني فيه الي امتن عنج ولا تياسين انا بديت بتخفيف مش حرمان اكل من كل شي بس بعدد قليل جدا لين تتعود معدتي ع الاكل الاقل وربج يوفقنا اذا نويتي حياج في يومياتي M.ALNuaimi والوزن بنخليه كل جمعه الصبح واذا كان فيه نزول في كل اسبوع رااح نكافئ عمارنا بوجبه فريه يوم الجمعه وباقي اليوم اكل صحي شورااايج انتظر ردج موفقه.....

[cwezy uae]

مشكووووورات حبايبي ويالنعيمية اكييييييييد انا معاج حبيبتي

[M.AlNuaimi]

صبااااااحوا كيفك عيل حيييياج في يومياتي نزلي يومياتج انا رااح اقيم يومياتج وانتي تقيميني ويكون بينا تحدي ونتوكل على الله .....

[am shooq]

بالتوفيق لكم ان شاء الله
واكيد اذا برنامجكم حميه مع رياضه بتضعفون وبشوف التحدي بينكم وبالتوفيق لجميع

[روضه123]

لا تياسين حبيبتي انا باديه من اسبوع .. رجيم ،. وقبلها بشهر كنت مخففه الوجبات واهم شي ودرت البيبسي والعصاير .. واشرب بس ماااااي الا يوم بالاسبوع مثلا عصير وشرط يكون فرش

حاليا نزلت كيلوبن انا ناويه انزل كل اسبوع كيلوين يعني بالشهر ٨ كيلو .. مابي اكثر عسب يثبت الوزن وما ارجع امتن

[شعاع امل]

اهم شي اختي تودرين البيبسي والمشروبات الغازية
وتقللي من النشويات مثل الخبر والرز

مابتقدرين تقطعينهن بسرعة بس قللي شوي شوي لييييين ماتحسين انه عااااادي