نصائح للحوامل من حامل

[الغزال الش]

ادري الموضوع اشويه امسكت بس حبيت اطرح ها الموضوع وسبب الحوامل الي من حولي


لحضة ان في اشياء ما يعرفونهاااا ولا فكروو يتعلمونهااا


اتعلمت اشياء طبعاااا اختي تنصحني وغيره وغيره .. بس مع هذا دشيت اليوتيوب ورحت ادخل فديوهات نصائح للولادة


بنات اكثر شي يحبون يعقدون الولادة .. ادري يوم الولادة تعب والم فضيع لكن لازم واحد يتعلم اشياء عسبت ايخفف


سالت وحده من ربعي طبعاا اتعسرت عليها الولادة .. كنتي خايفه قالت كيف ما تبيني اخاف وانا اشوف الحريم يصارخون كلهم



خاطري اضحك وبنفس الوقت ما ابي اضحك لان بي دوري

المهم تدرون ان اتوتر والخوف ها شي يضر ... ثانيااا اكبر غلط الوحده اول ما تحس بالم راحت المستشفى

تدرون ليش لان انيرسات ما يهتمون ولا يحسون ولا بيحسون فيج ودليل اول ما تروحين يرقدونج على شبريه ويتريون وانتي تتالمين وتتالمين ولا حياة لمن تنادي اونه

بعده .. ولازم يتوسع ومن ها الكلام .. تدرون ان اكبر غلط الوحده بدايةاتحس بالم ترقد على ظهرهااا وسبب ان يتوقف اتوسع


لازم تمشى عشان الجاذبيه الارضيه اتساعد ان بيبي ينزل لموضع الحوض ها للي يبون يولدون طبيعي




لا تتوتري ولا تخافي ولا تصرخي لان كل هاه ايعسر الولاده ما يسهلهااا ويتعب الوحده واهم شي تتنفس لازم وحده


تتنفس من خشمها واطلع الهوااا من حلجهااا عشان الحوض محتاج اكسجين عسبت يتوسع .. ومن بين فتره وفتره تشرب ماي مب دبه كامله يعني تشرب خفيف ع الخفيف



نصيحه لازم وحده تاخذ فكره عن الولاده مو ما تعرف اي شي لازم تعرف وتتعلم وتقرااا وتسمع عسبت ما تخاف من يوم الولاده والله ايسر لنا ولكل الحوامل ويحفظ يهالناا ونولد بسلامه وسموحه لو طولت عليكم


واهم من كل هاه ادعو بكل صلاه الله ايسر وما ايعسر ويحفظه وبيوم الولاده كله اذكري الله لا تلعني ريلج ولا غيره ولا تعصبي على حد كله اذكري الله استغفري ادعي


اتمنى اني اكون فدت حد

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[عشق طاهر]

فدتيني واايد بصراحه محد قالي عن هالمعلومات بذاااات ان يوم تحسين بالويع لاترقدين
لان اغلب الي اسمع من قصص ولاداتهم من يحسون بالالم يرقدون عشان يزيد!


بكتبهم هالنصايح بتلفوني لين ما اوصل التاسع يكون عندي مرجع موثوق منه


زيدونا يا امهات

[ناروتا]

ولادتي الأولى كنت خايفه وما اعرف شو المفروض اعمل خاصة انه ما أحد من أهلي عندي
اول ما حسيت بأعراض الولادة رحت المستشفى, وخلوني رااااااااااقدة بالسرير, وكانت النتيجة ان الرحم ما توسع اكثر عن 3 سم وطبعا ولدت قيصري

هالمره لااااااااااازم امشي وامشي حتى مع الوجع لأجل ألد طبيعي والله المستعان

مشكوره أختي كلامك كله صحيح وعن تجربة

وبزيد على كلامك ان تاكلوا تمر بالشهر الأخير وتكثروا من المشي

[عشق طاهر]

انزين انا افكر اخذ ابره الظهر
وتعرفون ان لازم الرحم مايكون فاتح اكثر من ٥ عشان يعطوني

هههه حالتي صعبه مع ان توني بالشهر الثاني
بس بجر شعرفني

[ف.كولكشن]

مشكووووره وااايد حبيبتي كنت اسمع انه الوحده يوم أيها الويع لازم تمشي بس مادري ليش والحين عرفت

[الغزال الش]

تسلمون ع المرور واهم شي ان حد يستفيد


الله ايسر ويسهل لنا ولكل حامل

بنات بليز الي عنده اي حد اخته مرت اخوج خبرووو عشان نتجنب القيصريه


الحين اغلبيه كلهم قيصريه وسبب اهمال انيرسات وماشي توعيه عاد حسستكم اني دكتورها لا يعني اقصد لازم انبه كل الي نعرفهم

وفي وحده من الخوات قالت تمر صح تمر وايد مفيد سبحان الله فيه فوايد وااايد محد يتصورهااا وفي وقت الولاده بعد وايد مفيد

[نبض المشآعر]

مووووفقه

[أم عوآسي]

هلا ...

مممم التساهيل اولا واخيرا من رب العباد...

انا فبجري ما خليت كتاب ما خليت فيديو فيوتيوب ما خليت موقع وقصة ولادة وما قريتها...

ويوم الربى...(طلق صناعي ربيت)..

المهم فرباي... وفيني الويع امشي مشيت مال ساعه وانا متساندة عاليدار.. وانفتحت 4 بعد ما كان مغرز عال2 (اللي مجربة طلق صناعي تعرف...انا عطوني 3)...

بس سبحان الله الطلق برد فحجرة الولادة...عطوني محفز طلق...وتعبت ..

و خلاص مرتين كنت بلبس لبس العملية وعلى العمليات قيصري اول مرة 1 الظهر بس قالوا حرام عدها صغيره خل نعطيها فرصتها وانا تخيلن من الساعه عشر داخلة ولاده (عشر بالليل اللي قبله ) وصبروا علي .... وانا خلاص من الويع قمت الهوس (خخخخ امي خلاص انا ما ابا اطلعها ...واونه امي تعالي ارقدي حذالي شكلج تعبانه ^^)
المهم عطوني محفز طلق ويا المغذي ... هني صحصحت ^^.. وسبحان الله ذكرت حبيبتي واختي وربيعتي ام سيف نصحتني اقرا سورة مريم ها عالساعه 3 ونص او وربع ... قلت حق امي ...امي افتحي سورة مريم ...والله اذكره للحين صوت ماهر المعيقلي ...وريلي ورا الستاره يقرا سورة البقرة ..لاني وصلت حد قلت لهم فيه يا انا يا اللي فبطني بتموت وحدة فينا... المهم ..تميت اكرر وياه ... والتساهيل بدت تهل من رب العباد... من عقبها الدكتورة قالت بدت تتوسع مرة ثانيه ووصلت ل10 بعد ما كنت مغرزة ...طبعا هم رواحهم فجروا ماي الراس (دااافي) ...وسبحان الله بعد البوش وما بوش ربيت عالساعه 4 :46 دقيقة من يوم اليمعه تاريخ 16_12 يعني سنه من اليوم ...

وكان باقي بس ربع ساعه وبدخل قيصريه ريلي موقع عالاوراق وكل شي ...

بس التساهيل من رب العباد...

نقاط بلخص لج اياها للقيصرية واسبابها :
1. حجم الطفل..
2. وضعية الطفل (معترض ولا راسي ولا نازل راسه تحت طبعا راسه تحت ولادة طبيعية اما الباقي فالدكتورة تحدد)
3. الحوض الطفوولي...
4. الضغط المرتفع..
5.انفصال مشيمة ...
6.تبرز الطفل في البطن..

وفي اسباب ثانيه ...

يعني مو بايدهم انا لولا رحمة رب العباد كنت بدخل قيصري بس سبحانه يقدر ما يشاء... نهايتها ارزاق...

وبذكر اخطائي :
1. مول ما كلت شي مدة يومين وهالشي خلاني بدون طاقه والسكر وصل 50
2. طريقة البوش ما عرفتها... مع اني قريت واااايد عن الطريقة بس لاني بجر فما فهمت...


و سبب تعسر ولادتي محيط راس بنتي كان ><"...و الحبل السري ملفوف حول جسمها ...

اتمنى اني افدتج بشي

[الغزال الش]

يسلموو ع المرور

[نونه دلوعه]

للرفع

[ام الـBaby]

وازيد على اختي بعد ان الحرمه من اييها الطلق تمزر البانيو ماي حار او دافي وفوق الدافي بشوي وتتودن فيه يزيد الويع ويفتح الرحم للولاده واناجربته بالولاده السابقة ووايد نفعني

[طبعي مزووحي]

كلام عجيب

[الغزال الش]

ام الـBaby تسلمين ع المرور نورتي الموضوع اختي

وصح سمعت ادكتوره اتقول ان الماي دافي وايد اوكيه يعني في منهم ما عندهم بانيوم مب شرط
اسبحي بماي دافي بس مب حااار بليز بنات تراا يوم انا قلت في موضوعي لازم الوحده تعرف عن الحمل وكاتبه نصايح عن يوم الولاده

واضن ا في كلامي كنت واضحه يوم الولاده ومب اي شي اقصد اقصد نصااااااااااااااااااائح ليوم الولاده مب قصص ولا اتروحون تقرون وحده كيف اتعسرت لها ولدتها واتخافين حبيباتي افهموني انا قاصده فلموضوع ان الوحده ما تخاف وتتوكل ع رب العالمين وتاخذ نصايح المفيده الي اتفيدها الي تبعد عنها اتوتر لها سبب قلت في موضوعي اعرفي مراحل الولاده عشان تعرفين شو الي عليج وشو الي باقي عليج



يزاج الله خير ع نصيحه

ويسلمووو ع الي كل الي مرو ع الموضوع ..

[طموحة]

الله يسهل على كل حامل يارب ,,ثالث حمل لي و زايغه جنه اول حمل .و مفكره اخذ ابره الظهر لاني يوم اذكر اخاف ..

[Dr.Marwa]

الله يسهل عليكن، ولادتي كانت كابوس بالنسبة لي وللحين مب مستوعبة اني ربيت وخلصت الحمدلله حمدا كثيرا طيبا مباركا فيه ..