تكبير المؤخره

**رعيله** · 2012-12-14, 03:12

[[

تكبير المؤخرة

منقوووووووووووول
مسالخير للجميع شخباركم بنات .
موضوع ابي اشاركم به هو تجربة مؤلمة جدا جدا انا عشتها والله , وابي انقلها لكم عشان الحاضر يعلم الغايب .
الله يسلمكم بعد ما ولدت بنتي الثالثة وقبل ما أخلص سنة شفت جسمي مترهل بعد الولادة ,للأسف اني ماصبرت على نفسي حتى يرجع جسمي مثل الاول ,و حبيت اعمل تكبير للمؤخرة لأني سمعت وحده من هل دبي تسولف عن مركز جراحة للتجميل في دبي ويعملون هالعملية هناك بمادة دائمة تتم طول العمر ,,
المهم اني سرت دبي وفيني فضول ودي اعرف كيف هالعملية وشوه المادة ,, وقابلت مدير المركز كان طيب وتعامله راقي وصور لي ان العملية سهلة وأكد لي ان المادة مالها اضرار أبداً ,, باختصار صور لي ان الدنيا ربيع , ولا ذكر لي اني لازم اكون حذرة في جلستي و وين اجلس وابتعد عن الحقن في هالمنطقة ,وأتفادى الضربات
وانا كان ودي اعمل هالعملية مع ان مؤخرتي كانت زينة لكن بني ادم طماع ,,
المهم اني عملتها بعد ما صحيت من البنج حسيت كأن حصى يغلي في مؤخرتي ولبست مشد خاص مدة شهرين,, 3 ايام وصرت احسن , رجعت بوظبي وعادي مارست حياتي والحق ينقال مؤخرتي صارت ولا كيم كرديشيان , مرت سنة بس بسلام بعدها التهبت المؤخرة جهة وحدة والله العظيم وجع لايطااااااق , انا جربت الحمل والولادة بدون مسكنات والبواسير والخراج والله العظيم انهم مجتمعين يهونون جنب هالألم ,, الم مو طبيعي والله احس ان مفاعل نووي حاااار ينبض داخل المؤخرة بينفجر بأي لحظة وطبعا هالألم مستمر ليل نهار امشي كأني مشلولة وأحيانا أحبي من الألم لا اقدر انام ولا اقدر اجلس ولا اقدر اعيش مع الناس طول الوقت الحرارة واصلة 40 وفوق ماتنزل الا بمسكنات 3 أو 4 ساعات وترجع الحرارة مرة ثانية , والله اني طحت مثل الميتة واستبعت تماما ان تكون المادة ملتهبة انا فكرت تشنج في العضلات , ولا اي شي الا ان تكون المادة التهبت لأن الدكتور اكد لي ان هاذي المادة الدائمة مايصير لها شي وعشت الألم 8 ايام والله كأنها 8 سنوات , رحت له دبي مجرد مافتح فتحة طلعت المادة ملتهبة ولونها اخضر مثل الصديد وقوامها مثل الغرا وارتحت وبدت حرارتي تنزل شوي شوي
وتميت اعاني الألم كل ما أحرك رجلي مدة اسابيع لكن مش نفس الم الإلتهاب ,,,, وقلت الحمد لله لأن الفرق ما كان واضح بين اليمين واليساربعد ما هدت مؤخرتي
بعد هالسالفة ب 5 شهور كنت مسافرة مع زوجي في دورة و صار لي نفس الإلتهاب ونفس الشي بس في الجهة الثانية ولأني عشت الألم وصرت خبيرة فيه كنت خايفة ودايم اتصل له وكل مرة اتصل يصارخ في وجهي ويقول انتي ماتستحملين وجننتينا ومادري شوه ,,, قلت له كافة الاحتمالات اني اسير له دبي ولا اعمل لها تنظيف كامل ماكان يطمني والله اسلوبه كان مختلف 180 درجة عن اسلوب اول ما زرته بالعيادة كرهت اتصل له بعد ما هزأني , المهم اني رحت لدكتور تجميل بالديرة اللي كنا فيها والله يجزيه الخير ما قصر ظليت اروح له ويسحب من المادة شوي شوي لحد ما فضت المؤخرة وطبعا خلال هالأيام كانت حرارتي على طول مرتفعة والم مثل حصى حاااار ينبض مثل القلب ورجلي اشيلها شيل كنها مشلولة , لما شاف الدكتور هالمادة بعد ما سحبها قال انا ابداً ما أنصح باستخدامها ,,, واستغرب منها وطلب تحليلها
انا مش ندمانة على الفلوس والله انا بس ندمانة اني ماسمعت نصيحة امي وصديقاتي ,,, وندمانة على صحتي اللي تدهورت ,, وعلى عيالي اللي اهملتهم بسبب الألم الفظيع والحرارة العالية اقسم بالله اني عشت تجربة تصعب على الكافر
مابي اطول عليكم والحاضر يعلم الغايب ياخواتي وعموما المواد الدائمة في التجميل خطرة جدا اللي مصرة تبي تحقن اما بدهون الجسم او بمواد مؤقتة وأسألي طبيب مختص عنها قبل لا تحقنين وأسالي دكتور آدمي مب واحد تجاري مثل هالدكتور الله لا يسامحه .
(على فكرة انا اعرف وحدة حاقنة نفس المادة صحيح ما التهبت لحد الان لكنها تقول لي انها ميتة من الخوف لأنها تحس بآلام و وخز ساعات يستمر وساعات يكون متقطع
وسلامتكم

منقووووووووووووووووووووووووووووووووووووووووول للتنبيه

المزيد من آخر المواضيع من نفس القسم:

**im sara** · 2012-12-14, 08:52

الحمد لله على السلامة

**ام زايدالغالي** · 2012-12-14, 10:37

صعبه والله تكبير وفي المؤخره وعند دكتور
هذي فتن الدنيا وشو تسوي في الانسان
هذي عبره

**mayat** · 2012-12-14, 11:05

مشكورة ع المعلومة لاحول ولاقوة الابالله حسبي الله عليهم مايعرفون شي مسووين الناس حقل تجارب

**WATMOR** · 2012-12-14, 11:29

مشكورة اختي عالموضوع ..
صراحة يخوف ماتخيل نفسي يطلع مني شي اخضر وصديد ونفس الغرا

يزاها الله خير صاحبة الموضوع وان شاء الله الخوات اللي يفكرون فهالعمليات يراجعون نفسهم

**ريم العبد الل** · 2012-12-14, 12:52

الحمدلله على السلامة

الحمدلله على كل حال .. الحمدلله الذي لايحمد على مكروه سواه

**عشق طاهر** · 2012-12-14, 13:36

الله يهديج

الواحد مب زين يعصي ربه بهالعمليات قجفي الف طريقه لتكبيرها بدون اضرار و عندي كثير مجربين

المهم تستاهلين السلامه و من ترتاحين سوي رياضه و جذي احسن لج

**حنان2006** · 2012-12-14, 13:48

حق شو يكبرونها حلات الجسم يوم متناسق مب دعاميات يدام وورا

وكيم كردشيان جسمها مب شييييييي شوفوها فب الطبيعة بالاول

طول قصيير ودعامية من ورا تقولون بطة

**دلوعه حمودي** · 2012-12-14, 14:21

امييييه شو هالرعب انا اصلا مستحيل افكر اكبر هههههه خليها جي احسن هع

**ف.كولكشن** · 2012-12-14, 16:07

يزاج الله خير

**الوردة الجورية** · 2012-12-14, 17:10

استغفر الله العظيم،، تستاهل ماياها
حيا ماشي،، حتى غير المسلمات عندهن حيا
كنت عند دكتورة والممرضة جدامي ماعتقد انها مسلمة وعندها "ورم " في ثديها ولازم تستأصله وتقول استحي دكتور يشيله لي !!!! وهي مضطرة ورم فيها!!!
وبعد او سوت تجميل اي مكان ثاني بنقول اشوى،، لكن رايحة عند دكتور ريال وتقوله اباك تكبر لي طي**
دواها

**ركروكة راك** · 2012-12-14, 17:42

ما تشوفين شر وسلامتج وجزاج الله خير انك تكلمتي عن تجربتج واما اللي بتستهزء بردودها ترى الشماته مب زينه مثل ما تشمتين في الناس
باجر الناس بتشمت عليج ... وماشي غير الرياضه صح مفعولها بطيء بس مالها اضرار جانبيه انشاءالله
والحمدالله على سلامتج

**American.Stor** · 2012-12-14, 18:07

حسبنا الله ونعم الوكيل

الحمدالله عسلامتها

**مونتاج** · 2012-12-14, 18:27

لاحول ولاقوة الا بالله الف سلامه عليج

**قلوب حلا** · 2012-12-14, 20:08

الله المستعان

الموضوع: تكبير المؤخره

أدوات الموضوع

عرض