هل هالشي عادي

[إنسانة حساسة]

أبي نصيحتكم
زوجي مايحب يطلع يوم اقوله طلعني يقولي أنا ماصدق اي الويكند عشان انام عندج احس جني لفيت العالم بكبرة احب انام ما احب اطلع وإذا بطلع ماحب الشوبنق احب اروح السينما ومايودي عيالة الالعاب معنه بنته تقوله ويوم بنته تقوله يقولي إنتي تقوليلها والله اهو يطلعني مسفرني ويوم يكون فاضي ومايقصر بس و الله اغار يوم اشوف احد يطلع مع حرمته دبي الشارجه مطعم اي مكان ودي اكون انا مكانها مع زوجي قولولي هالشي عادي كيف اخليه يحب يطلع مع العلم اهو بعد يعني مايطلع بروحه يعني مضغوط بدوام والجامعة يوم اي يحب يرتاح انا مقدرة هالشي وما احن ع راسه ألي إذا حسيت صج إني محتاجه اطلع هالشي عادي معني عندي سيارة واطلع يوم يكون بدوام اطلع لعيال امشيهم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[delights]

اعزميه يوم عالغدا فجأة احكيله عاملتلك مفاجأة وخديه عمطعم وا شتريله هدية واحكيله هاي لانك بتتعب كتير والله يعطيك العافية يمكن تعجبه الشغلة ويصير دايما يحب يطلع

[remalfala39]

احس لا تضغطين علية بروحة يكون تعبان واحمدي ربج يرجع البيت ويبا يتم وياكم مو يهيت ويا ربعه
ممكن تسوين نفس نصيحة الاخت اعزمية على غدا او طلعات خفيفة وخليه يودي بنتج الالعاب لما يكون اجازة عشان ما يطفر

[Ch3nel]

احس لا تضغطين علية بروحة يكون تعبان واحمدي ربج يرجع البيت ويبا يتم وياكم مو يهيت ويا ربعه
ممكن تسوين نفس نصيحة الاخت اعزمية على غدا او طلعات خفيفة وخليه يودي بنتج الالعاب لما يكون اجازة عشان ما يطفر

[غدي امل]

حبييبتي دام قلتي انه مضغوط من الدوام والجامعه فحرام تضغطينه زياده

مب شرط تظهرين كل شي تقدرين اتسوينه فالبيت

نصيحتي لج اتفهمي وضعه عالاقل لما يخلص من دراسته ولا تحنين عليه بالطلعه

سويلج جو بالبيت خله يفرغ ضغطه بلمتج انتي وعياله حوله

صدقيني ما بينسالج وقفتج وياه بالمستقبل لما يتخرج

وربي يوفقج فدييتج ويوفق ريلج بدراسته

[dxbaii]

للرفع

[شدو عنقاء]

اختي لو هذا طبعة ما رح تحصلين شي غير وجع الراس من الالحاح لا تظغطين عليه انا زوجي نفس النضاممممممم
فسحي عيالك بروحك و الششوبينق رح تنغصين عليه و ينغص عليك اذ بيطلع
خذي ولادك و اطلعي بروحك او شوفي ربيعاتك او خوياتك بس لا تتعبين حالك معه انا تعودت كل شي اسويه بروحي لانو ما يحب الشوبينق و ع طول مشغول فلما يحب يطلع يحب يروح سينما او مطرح ناكل او نشرب شي و نرجع بسسسسسسس عودي حالك

[الطرفالذبوحي]

سبحان الله الرياييل ماتعرفين تفكيرهم شوووو !!!!!
أنا مشكلتي عكس مشكلتج كل يوم العصر لازم اطلع وياه نحاوط بالسياره واذا ما طلعت وياه يزعل.
انتي ريلج شكله ما بكون موجود عندكم الا اخر الاسبوع حاولي انتي اللي تبادرين وتعزمينه برع. واذا كان مضغوط وايد لاتصرين عسب مايعاند. انتي بروحج تقولين انه ما يقصر اكيد يوم بيكون فاضي ما بيقصر وبيطلعكم.  

[بنوتة ميونيخ]

حبيبتي احمدي وشكري ربج انه مايحب يطلع مشكله لو الريال تعود عالطلعه وفتح عيونه على اماكن انتي في غنى عنها حبيبتي هالشي في صالحج انتي حاولي تطلعين مع خواتج او ربعج او خوات ريلج

[وجدان الفجر]

حبيبتي احمدي وشكري ربج انه مايحب يطلع مشكله لو الريال تعود عالطلعه وفتح عيونه على اماكن انتي في غنى عنها حبيبتي هالشي في صالحج انتي حاولي تطلعين مع خواتج او ربعج او خوات ريلج

مع الأخت .

[بهلولة]

دوم السالفة فيها دراسة ودوامم
ما اقول غير الله يعينه
بس على الاقل يخصصلكم نص يوم بالويكند لكم

كلميه حبيبتي
وكل شي بالتفاهم حلو
خاصة انه ما يحرمج من الظهرة بروحج

[^GalaXy^]

دام انه يخليج تطلعين روحج شي زين اما عن الطلعة وياه اصبري لين يخلص دراسته

[To0ofy]

أنا ريلي جي مضغوط جامعه ودوام أبا ولا مابا انثبر فالبيت وأصكت لا خلاني اسوق ولا اشتغل ولا اكممل دراسه ولا عندي دريول ولا سياره وهليه ساكنين فئالعين وانا في بوظبي مع أني احس في يوم بحتاج هالشهاده ومعاشه مايكفينا وساكنه في غرفه وعندي عيال الله يحفظهم ماقدر اسويله اجواء وصابرت الين الله يفرجها لدرجه اتمنى لو صاله تكون عندي بس هو رافض لان جامعته خاصه ولازم يدفع والبترول روحه سالفه

[بسمة فجر]

اختي القناعة مهمة في حياتنا
لا تغارين و لا تطالعين الحريم اللي يطلعون ويا رياييلهم
يمكن هاذين اللي تغارين منهم تكون حياتهم مشاكل في مشاكل و انتي ما تدرين
و صدقيني تلاقين بعد اللي يغار منج و يقول يا حظها فلانة ريلها من ايي كله يالس عندها في البيت ما يطلع
احمدي الله على النعمة و كوني قنوعة و اشغلي تفكيرج في اشياء اكبر من ( طلعني و ما طلعني )
بالتوفيق

[مثلي قليل]

نفس المشكله وأنا ريلي مايحب المجمعات والمولات ابدا يعني لايطلع ولا يطلعني