بنتي تعبتني ساعدوني

[كركر]

مرحبا بنات الله يخليكم تساعدوني عندي عدة مشاكل ويا بنتي اللي الحين كملت 10شهور
الله يسلمكم وزنها 7:5 شهيتها ضعيفة وفيها فقر دم ما تشرب الحليب الصناعي ولا تحب المرضعة انا موظفة طول النهار مب معها اخليها مع امي او عمتي بس يحاولوا وياها ما اطيع تاكل ولا تشرب حليب بس معتمدة علا صدري وانا ما فيني حليب اخاف احمل واريد اخفف وزني وبنتي مب مساعدتني وفوق هذا لا اقدر انام بالليل كل شوي تقوم تصارخ تعبت نومها كله متقطع وتبا صدري تمص شوي وتنام انا ظهري يعورني وطول اليوم اكون تعبانة لا اقدر اسوي رياضة ولا اشتغل بالبيت جسمي يباله شد ساعدوني بنات ربي يخليكم انا اسويلها اكلات ما تاكل غير بالضرابة بس فالنهار ما يروموا عليها واشتري بسكوت وسيريلاك بس ما تحبه جربت كل انواع الحليب ما اطيع والمراضع ما تبغيهن تعبتني يوم اطلع مكان كله تصيح ما تبغي العربة ولا كرسي الطعام ساعدووووووووني

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سما بغداد]

الله يكون بعونج اختي صدق شي يقهر

اخذيها لدكتور وهو راح يعطيها فيتامينات وجدول غذائي ..
وان شاء الله تتحسن

[كركر]

مشكورة اختي سما بغداد يعني ما تاكل فالنهار الا شوي قطعة صغيرة صمون اوقطعة فاكهة تمصها يعني مب اكل يشبعها مثل سيريلاك اوتشرب حليب الصبح وديتها اختي لكذا دكتور اخر دكتورة عطتني فيتامين حقها 1مل بس الحديد ما تتقبله ترجعه حتا دومها مريضة مزكمة مع انه يقولوا اللي يرضع طبيعي مناعته اقوا ما اعتقد الصراحة تعبت وياها انا اقول لما بتكبر بتاكل وبتكبر احسن وطلع نفس الشي

[كلي ايمان]

وحليلها ان شاء الله تتحسن حالتها

لازم اتابعين ويا دكتور اطفال اوكي لين ماترجع شهيتها و وزنها للطبيعي

دام فيها فقر دم وماتاكل عدل. لااااازم تعطيها الفيتامين والحديد

كل اليهال مايحبون طعمه بس حاولي بكل الطرق تشربه. حطي الفيتامين ويا عصير البرتقال وشربيها. الافضل تشربه بروحه. بس دام ها الحل الوحيد عشان تشربه. جربيه

جربي وياها اكلكم العادي دام ماتحب السيرلاك وهالسوالف. عطيها عيش ويا روب وقطعي خضار صغيرة اذا فيها اسنان

فيه يهال مايحبون الاكل المطحون الناعم

عطيها فواكه بايدها. صح مابتاكل عدل. بس ويا الوقت بتتعلم تاكل اوكي

ونوعي لها بالاكل كثر ماتقدرين.


والحليب والله ماعرف شو الحل. لانه يا ترضع طبيعي. ولا تاخذ حليب صناعي


المهم لاتقطعينها عن الحليب عشان عظامها وصحتها

وحاولي تعطينها اجبان وكاستر وزبادي وهالسوالف. مع انها ماتغني عن الحليب بس يساعد شوي


وعن المناعة. عادي حبيبتي مب شرط ترضعينها طبيعي انها موووول مابتمرض. الجو اصلا ايمرض.


وانتي تغذي عدل عشان الحليب وغذيها عدل وان شاء الله مناعتها تقوى

ولازم تعالجين فقر الدم عشان مناعتها تقوى. ها اهم شي

والله يحفظها لج ^_^

[سااجده]

ياااحسرتي على بنتك
البنت تبكي بالليل لانها تستغيييث
الله يهديك بنتك بحاجه الى رقيى شرعيه
صحيح بنتك بفترة تسنيين لكن تقولين انك ترضعينها صدرك
والرضاعه الطبيعيه تفتح شهية الطفل
شوفي ابي اعطيك العلاج بالقران تتوضين وتجيبين كوب فيه ماء او جيك مليان ماء
قبل تضعين في نيتك ان هذا الماء مايشفي الشافي هو الله ان القران يشفينا الا بااذن الله
تقرئين سورة الفاتحه 7 مرات وتنفثيين 7 مرات وبعدها آية الكرسي مرة واحده وتنفثين الاخلاص 3 مرات وتنفثين والفلق 3 مرات والناس 3 مرات وتختمين بسم الله الذي لايضر مع اسمه شي في الارض ولا في السماء وهو السميع العليم كرريها 3 قبل كل شي تااخذين جزء من الماء وتضعينه في البراد اللي يستخدمونه عائلتك كلهم والجزء الاخر تشربينها منه وتغسلين جسم بنتك فيه وانتي تغسليينها كرري بسم الله الشافي الكافي او الحمدلله كما ينبغي لجلال وجهه وعظيم سلطانه ومسحي على راسها ولايكون في الحمام الله يكرمك غسليها في غرفة نومك افضل والمويه اذا خلصتي منها كبيها في الحوش اهم شي ماتكون في الحمام
استمري تقرئين في البراد كل مانتهى عبيه وقرئي عليه استمري شهر على العلاج راح تشوفين النتيجه مرضيه بااذن الله ملاحظه انا قلت في البراد لان يمكن انتي محتاجه للعلاج مع بنتك تعرفين الحسد والعين واثارهم على الشخص انا ارضع عيالي وعطوني عين صار صدري الايمن فيه عيب خلقي كله اني ارضع طبيعي سبحان الله حتى على هذا يحسدونك

[سااجده]

صدقييني البنت فيها اذى فقر الدم من العين او الحسد
ياليت تحصنين بنتك تقولين بسم الله ارقيك من شر كلا يؤذيك ومن شر كل نفسا او عين حاسدا الله يشفيك بسم الله ارقيك
هذا في فترة العلاج اعمليه
واذا قامت في صباح تحصنينها تقولين اعيذك بكلماات الله التامات من شر ماخلق وفي المساء بعد
لااااتروحين لاطباء وغيرهم بنتك في حاجة رقيى شرعيه لاتغفليين عنها لانها راح تتفاقم الشغله عندها
في سن المراهقه وبعد ماتكبر
اكيد انك تلبسينها ملابس مميزه عشان كذا صابتها العين صحيح

[كلي ايمان]

عادي ترقيها .. الترقية مهمه للمريض وغير المريض

بس مايصير تغفل عن العلاج الطبي. لانها اداوم وماتكون موجودة دوم ويا البنت عشان تاخذ كل حاجتها من الحليب فطبيعي يصير عندها نقص


وها راي من تجربة شخصية

والله يوفقج

[كركر]

مشكورات خواتي وما قصرتوا

[كركر]

وين البقية يساعدوني بلييييييز تعبت اللي عنده حل يعطيني

[ام امول]

ان بنتي نفس الشي لا تأكل بس مرضعتين في اليوم والحين تخيلي عمرها سنه ونص وانا صابره علي الحالهة ووزنها لين الحين ماذا صار 10 كيلو تخيلي أنا مدمرة علي الاخر نفسي تي تعبت والله والكل محسسني أني أنا كب مهتمه تخيلي مارات والله اسوي لها سفره خاصه وخليها تلعب وتأكل الي تحب وفي النهائه ولا شي وفي الاخر قلت لنفسي خلاص برأيها ويوم بتيووع بتآكل البيت مايخلا من الأكل وعادي تحملي شوووو بتسووين لو أنا منج بفطمها لنها لاااااااااااااازم بتجوووع وبتشرب الحليبه

[الشاعريه]

انا اقص على بنتي واعطيها قطره كاسترد وخاشوقه كامله من الاكل
جي تفتح حلجها

ماشي غير هالطريقه اللي تنفع وياها

[كركر]

مشكورة اختي ام امول والشاعرية المشكلة انها المرضعة ما تحبها تصارخ يوم تشوفها وتضارب بايديها عشان اخوزها تعبتني اقلها اطعمي الحليب بس من كمن يوم شربت شوي والحين ردت لحالتها بس صدري ملل اخاف افطمها اتم بدون حليب وعظامها محتاجة الحليب السيريلاك ما تاكله اسويلها اعشاب بالمرضعة ما تبغيه بالكوب ما تبغيه تعبت والله لانوم ولا راحة لمتا

[شهد123]

مره سمعت في برنامج وحده عندها حاله نفس حالتج بس تصوري بنتها عمرها 3 سنين بس طبعاً ما ترضع منها في هالسن بس كانت تنش فليل واطفر بامها واحياناً ما تنام الين الصبح وبعدها تنام يوم خبرت الدمتور قال لها بنتج ذكيه بس فيها نقص حنان تستغلج في وقت رقادج لانها عارفه انج الصبح ملزمه بدوااام وتنام الصبح قال لها لا تخلينها تنام الظهر انتي اكليها وشربيها وسبحيها واعطيها من وقتج فالنها الين ما تمل منج وبتترك نشتها فالليل وفعلاً صار الي قالته لا تقولين هي عمرها شهور وما تفهم لا سبحان الله الياهل اذكى من الكبير انا عندي ولدي سبحان الله من الولد وهوه صياح والين ما كمل تقريباً 8 شهور وهو جذا صياح بس الي كنت استغربه منه يوم كان عمره شهر حتى يمكن اقل كان ينكر اي حد يشله غيري والله انه يصيح ولا يسكت الين ما اشهله تخيلي شهر ينكر الناس فما بالج بنتج عمرها 10 شهور تراها ذكيه وتستغلج بس عشان تكونين معاها سالي دكتوره شوه الاحسن وتعاملي ع اساسه..

[كركر]

مشكورة اختي وبحاول اجرب اللي قلتيه

[ماجـدوليـن]

البنت محتاجه حنانج احضنيها وطولي محتاجه حبج