حياتي حلوة و لكن .......

[^GalaXy^]

السلام عليكم
انا الحمدلله حياتي الزوجية مافيها اي مشاكل ومرتاحة ماشاءالله
لكن مشكلتي اني ماعندي صديقات مع اني انسانه اجتماعية واحب اسولف
بس مادري ليش البعض ياخذ عني فكرة اني شايفة نفسي مع اني والله متواضعة وطيبة
يوم اسير حفلات وجيه توصلني رمسة من حمياتي مثلا انه فلانة قالت عنج خقاقة
انزين هي اصلا ما تعرفني وحتى ماسلمت علي بأي منطق حكمت علي ؟
ويوم اسير اماكن عامة في الصالون ولا العيادة كل وحدة ميودة فونها يعني صعبة اسير
ارز ويهي واتعرف عليها ،،
خاطري تكون عندي صديقة صدوقة اطلع وياها لانه دوم طلعاتي ويا ريلي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[USA Online]

بالتوفيق بارك الله لكي

[قهوة 2012]

اهلا وسهلا فيكي ان شاء الله كلنا حنكون صديقاتك وخواتك بالله

[غدي امل]

وعليج السلام ورحمة الله وبركاته

صدقيني يا الـــغلا جيه اريح لج

وعن الطلعات اطلعي ويا خواتج والا حمياتج

ها رايي لان اشوف ما شي صداقه من اللي تدورينها بهالزمن

[شعاع امل]

لوووووووول اختي انا مابظلم الناس كلها بس في هذا الوقت مافي واااايد صديقات صدوقات وجي

وانتي حرمة متزوجه طلعي ويا ريلج احسن لج

يعني شو تريدين بعوار الراس

لان في الاخير كل حد همه نفسه وجي

والصديقات اختي صح حلوات للوناسة والقعدة الطيبة

ولكن الصديقات مب بس للطلعة والزيارات لازم الصديقة تعرفينها وقت الازمه وجي وتساعدك

احسن شي تقربي من اهلك زوجك وزوجك ترتاحين دنيا واخره من الصدعة

كثير في حريم الحين يقولون انهن قللن الصداقات وجي من كثر القيل والقال

بتطلعين من الجلسة وانتي حاشة بخلق الله

[راعية الدار.]

نفس المشكله

[عشكوله]

صراحه حلو تطلعين مع ريلج
بس الوحده لازمها صديقات
انا اطلع مع الجميع
زوجي أهلي ربعي
كل حد وله مكانه وقيمته في حياتي

[صبا الخليج]

الصراحة استغربت من اللي يقول صدعة وريلج واهلج احسن كل واحد ف الدنيا يباله صديق والرسول قال المؤمن الذي يخالط الناس ويصبر على اذاهم خير واحب الى الله من المؤمن الذي لا يخالط الناس ولا يصبر على اذاهم يعني الانسان ما يقدر يعيش بدون صداقات واخوة في الله صدج انها قليله فهالزمن بس الخير في امتي الى يوم القيامة يعني وايد بنات حلال ربي يسخرلج الاخت الصادقة الصدوقة
وبالنسبة ان الناس يقولون انج تشوفين نفسج اما جي يقولون عني اتغلبت ع هالشي اني اتكلم وابتسم وامزح واحاول ما اسكت اكتشفت ان الخجل والسكوت يعطو شعور للي جداج انج متكبرة يعني بدون اختراق الخصوصية يعني باعتدال

[^GalaXy^]

الصراحة استغربت من اللي يقول صدعة وريلج واهلج احسن كل واحد ف الدنيا يباله صديق والرسول قال المؤمن الذي يخالط الناس ويصبر على اذاهم خير واحب الى الله من المؤمن الذي لا يخالط الناس ولا يصبر على اذاهم يعني الانسان ما يقدر يعيش بدون صداقات واخوة في الله صدج انها قليله فهالزمن بس الخير في امتي الى يوم القيامة يعني وايد بنات حلال ربي يسخرلج الاخت الصادقة الصدوقة
وبالنسبة ان الناس يقولون انج تشوفين نفسج اما جي يقولون عني اتغلبت ع هالشي اني اتكلم وابتسم وامزح واحاول ما اسكت اكتشفت ان الخجل والسكوت يعطو شعور للي جداج انج متكبرة يعني بدون اختراق الخصوصية يعني باعتدال

بس انا مب خجولة لهدرجة ، وحتى يوم ايلس انا اللي ابدأ اسولف واخذ واعطي ويوم وتي عيني في عين اي وحدة
ابتسم

[الريم00]

الله يرزقج احسن الصديقات ويكونن لج عون يا رب ..

[أم راشد العين]

الله يرزقج بصديقة صدوقة ^_^

[المغتربة]

حبيبتي انا مرات احس اني نفسج
اطلع مع خوات زوجي مع ام زوجي مع امي مع خواتي مع بنات عمومتي
اطلع طلعات جماعية رحلات عائلية
اروح الاعراس المناسبات العزايم
و شوي شوي تعرفت ع بنات
طلعي نفسج من القوقعة اللي انتي فيها << حلوة القوقعة ههههههه
و ان شاء الله بتتعرفين ع بنات بس مب اي وحدة ممكن تكون صديقتج

و غيري طبعج خلج اجتماعية و اضحكي و ابتسمي و بادري ف السلام و الكلام

[^GalaXy^]

حبيبتي انا مرات احس اني نفسج
اطلع مع خوات زوجي مع ام زوجي مع امي مع خواتي مع بنات عمومتي
اطلع طلعات جماعية رحلات عائلية
اروح الاعراس المناسبات العزايم
و شوي شوي تعرفت ع بنات
طلعي نفسج من القوقعة اللي انتي فيها << حلوة القوقعة ههههههه
و ان شاء الله بتتعرفين ع بنات بس مب اي وحدة ممكن تكون صديقتج

و غيري طبعج خلج اجتماعية و اضحكي و ابتسمي و بادري ف السلام و الكلام

بالعكس حبوبة انا اجتماعية واحب ابتسم واسولف واغلب الاحيان انا اللي ابادر بالسلام واسآل عن الاسم وجيه

[2008Salma2008]

انا مع شعاع امل.. الموضوع مايباله تخطيط..اذا صار صار..الصداقه تيي صدفه

[أسيرة الماضي]

^_^ والله يبالج



بس اختاري واختبريها عدل ... لان شوي صعبه تحصلين ربيعة تآزرج وقت الشدايد