مشكلة صديقتي العروس $$

[Sho0sh]

السلام عليكن


شخباركم بنات ؟

عندي مشكلة صديقتي وقالتلي اطرحيها ف المنتدى عل وعسى تلاقي لها حل
الله يسلمكم ربيعتي من شهر تقريبا تشتكيلي وهي عروس يعني عرسها جريب ان شاء الله
> ربي يسهل عليها
مشكلتها وانتو بكرامه رائحة البول وتضايق انا نصحتها تروح المستشفى تسويي تحاليل
يمكن آلتهابات حاده او شي
راحت المسكينه وسوت ماطلع عندها شي لا ف البول ولا التهابات ولا سكري
والحين مضايجه تقولي عرسي جريب ومب عارفه تتصرف . .
انا قلتلها يمكن شي طبيعي ولا تحاتين . . هي تقولي ماكنت جييي وهالشي تقريبا من 3 شهور
مب عارفه انصحها ب شو صراحه
ف الي عندها خبره بهالشي
تراسلني او ترد ف الموضوع عشان اخبرها
ومشكورات بنات
ربيعتي تتريا ردودكم

المزيد من آخر المواضيع من نفس القسم:

• ليالي الحناء و المكسار و الجلوة و اجواءها
• قاعه فيها درج للعروس
• الحنة تعلق
• بغيت رفم خبره التجميل عزة مطر
• للعروس إليكِ هذه الطرق لتطويل شعرك بسرعة قبل...
• صيحة خواتم الخطوبة الدارجة لعام 2018-العروس...
• كيفية اختيار اكسسوارات الزفاف
• خمس أمور لا بد من التفكير بها قبل الزواج
• مطلوب
• احلى واروع سيديات الاغاني والزفات بدون...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فاعلة خير2]

يمكن ماتشرب ماي وايد وعسبت جذا يكون مركز وانتي بكرامه خليها تكثر من شرب الماي

[Vanilla.Box]

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

[هنادين]

اعتقد لانها ماتشرب ماي وايد ... خليها اتكثر من الماي والحمدلله انه مافيها التهابات

[عروس دبي 20]

يمكن ماتشرب ماي وايد وعسبت جذا يكون مركز وانتي بكرامه خليها تكثر من شرب الماي

صح يمكن ما تشرب ماي وايد

[سامية22]

للرفع

[American.Stor]

هاذي اكيد ماتشرب مي وايد

لازم تشرب تقريبا لترين مي بالليوم

الله يوفقها وييسرلها يارب

[مبدعة الجمال]

الله يتمملها فرحتها على خير

[أم راشد العين]

وانا بعد رايي من راي الخوات
يمكن ماتشرب ماي
واحاينا بعض الاكلات و البهارات وحتى الادوية تسبب الريحة

[امل السورية]

الله يعافيها

[بنت العين92]

الله يشفيهااا ويعافيها يارب

خليها تشرب ماي وكل يوم كوب قرفه يا الزنزبيل وان شاءالله ربيه يشفيهااااا

ولازم بعد تهوي المنطقه ماتعلمين يمكن هذا سبب بعد والله يشفيها

[Sho0sh]

هي تقولي تشرب وايد ماي . .
ماعرف اذا تنصحوني لها ب غسول اوكيه !

[روضه123]

لازم لازم تراجع عياده خاصه خليها تروح اكثر عن عياده ولا تهمل

احس الشباب وايد يلاحظون ويهتمون خاصه انها عروس فاول انطباع احسه مهم جدااااا

[غنوج07]

ما فهمت شو المشكلة بالضبط
يعني هي بعد ما تروح للحمام - عزكم الله - و تقضي حاجتها و تغسل
ايتم في ريحة ؟ جي قصدج ؟


إذا هذي مشكلتها من فترة قريبة بس معناته خل تشوف و تراجع عمرها شو غيرت هي فخلال هالأشهر
هل هناك نوع ادوية معينة او فيتامينات قامت تستخدمه ؟ هل تتبع نظام غذائي معين ؟ هل غيرت نوعية الملابس الداخلية ؟ و هكذا

كذلك هناك أطعمة معينة تسبب الرائحة الغير مستحبة فالبول مثل : الهليون و غيره
و لكن مش على كل الناس يعني البعض ممكن يتأثر بالهليون و يظهر ريحة و البعض عادي

عموماً الشي الأكيد إنه لون و رائحة البول هي أكبر دليل على صحة الجسم
و أي تغيير فالاثنين معناته في مشكلة يجب معالجتها

الرائحة القوية ممكن تروح إذا أكثرت من تناول فيتامينC
خليها تكثر من الأطعمة الغنية بهالفيتامين مثل البرتقال و الليمون و الطماطم

يعني تكثر منهم و تسوي لها جدول تحرص فيها إنها تتناول وجبتين عالاقل يوميا فيها فيتامين سي
و إن شاء الله خلال أسبوع بتلاحظ الفرق

[عنقاشة كاشخة]

اذا كانت الريحة تتم على جسمها فيمكن عندها فطريات... المشكلة هيه التشخيص.. خل تجرب تروح عيادة ثانية...

وفعلا اهم حل لمشكلة البول عزكم الله هو شرب الماي... واهم وقت .. قبل ما تاكل ولا تفرش اسنانها.. تقوم الصبح تشرب دبة ماي صغيرة ونص.. وطول اليوم تتم تشرب عادي بس تخفف من الشرب فليل عشان ما تقزر الليل كله بالحمام والريل يستغرب...

وفعلا طبيعة الاكل وايد لها تأثير في ريحة الجسم والبول.. حتى بتلاحظين لو خذتي دوا فترة معينة احيانا تتغير ريحة البول... الثوم والبهارات تطلع ريحة كريهة بالجسم.. تخفف منها...

فيه غسول انثوي بالصيدليات Feminine Wash تروح تاخذ لها شي طبي وتستخدمه 3 مرات بالاسبوع وتغسل المنطقة.. وعلى فكرة ما يصير تغسل المنطقة بأي صابون.. لانه الصابون العادي ممكن يقتل الباكتيريا المفيدة بالجسم ويسبب التهابات..

والله يشفيها يارب...