من عرست أخترب جسمي ...

[هنودة1985]

السلام عليكم ورحمة الله وبركاته ...

أول مره أكتب بهذا القسم... بس حبيت أسألكم أنا متيننننه من عرست أنتفخت بدرجة فظيعه ...

ما أعرف كيف أخفف وزني...

الحمدلله بديت هالاسبوعين أخفف الأكل وأمشي 2 كيلو في اليوم وخفبت تقريبا 3 كيلو خلال أسبوعين بس ما يكفي ..شو أسوي ..

بخبركم شو كنت آكل ...

الافطار:
صمونتين أو صمونه +جبن قليل الدسم +ماء

الغداء :
صمونتين جبن+ماء

العصر بسكوت دايت

العشاء :
معكرونه بيضاء أو صمون أو دجاج مشوي

وساعات بين الوجبا ت تفاحه أكل..

وعقب ما أخلص العشاء أمشي يوميا 2 كيلو..

أبه أنقص وزني بسرعه ما أعرف كيف ...قالوا لي لا تاكلين الخبز فيه سعرات حرارية كبيره ...

شو أسوي شو البدايل ...ياربي أفيدوني ...

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[الكشيخه]

عادي كلنا في الهوا سواهههههه
و لا ابشرج بعد ..... بعدج ما حملتي و يبتي عيال لين يبتي عيال بعدين تعالي قولي جسمي اخترب >>>> احبط صح خخخخخ الله يرزقج الذريه الصالحه
ان شاء الله الخوات ما بيقصرن

[BNT الامارات]

عليج بالخبز الاسمر بداال الصمون وشوفي الفرق انا مثلج بس انا يالسه اسوي رجيم

[Om 7aMda]

هذا شي طبيعي لأنج قبل كنتي بنت والحين حرمه يعني (( افهمي )) لوووووووووووووووول
ترا الجسم تغير لأن في اشيا تصير ما كنت تصير قبل ولازم هالتغير إلا من رحم ربي لوووول

[هنودة1985]

مشكورااااااااااااااااات خواتي بس جسمي مستوي لوعه جبد .......

خخخخخخخخخخخخخخخخخخخخخخخخخخخخخخخخخخ

أغمض صـــــــــــــــح...

[شجره الطيبه]

كسرتي خاطري

انا يابسه هههههههههههههههههههههه


والله يوفقج

[bulbula]

النظام اللي ماشيه عليه مو صحي، تجولي شوي بالقسم و دوريلك على ريجيم يناسبك و ما ينزلك بسرعه، لأنه و عن تجربه اللي يروح بسرعه يرجع بأسرع...و أنا من 6 سنين أسوي ريجيمات علشان أضعف بسرعه ، و النتيجه إحباط لأني ما أنزل بسرعه فأبطل و أترك الريجيم و أزيد عن أول بعد ، و الآن أشكر ربي إني إقتنعت إنه شوي شوي أحسن..

[Miss CuTe]

حبيبتي وقفي عن الصمووووون معروووف انه ينفح من الخاااطر عشاان مكوناته واااايد دسمه

و احسن لج تستخدميين صمووون ريجيم <<< بتحصليه فالسوبرماركتات الكباار (انا اشتريه من اللولو)

^_^ اتمنى اكوون فدتج

صح نسيت هالصموون مثل الخبز الاسمر حتى لوونه نفس الشي بس انا احبه اكثر من الخبز الاسمر عشاانه لين اكثر

[همس سالم]

نفس المشكله الزواج والعيال سويت رجيم ينزل وذا حملت يرد يطلع ويزيد بعد الولاده اريد نظام ينزل لي الوزن

[|~القلب الطيب~|]

حبيبتي كلنا ترى بالهوى سوى ع قولتهم


بس بسيطة ان شالله



كل لي تحتايينه كنترول وارادة




كلي بس ابتعدي عن العيش والخبز والحلويات والغازات


لعبي رياضه وامشي ولاتكيلين>>>الكيل ماوراه غير المتن والعثرة ترى


وان شالله كل لي تمنيتيه تحصلينه بعد الرياضه وقطع الحلاوة والغازات



^_^ ان شالله عاد فدتج بشي

[هنودة1985]

مشكورااااااااااااااااات

[ورد جـوري]

جربي الخبر الاسمر ^.^
وحبوبه تراج لا تاكلين خضره و لا فاكهه
مب زين راح يسبب لج تساقط فالشعر وشحوب فالويه
انا احيد يوم سرت عند دكتوره قالت لي
لاااااازم تاكلين الخضره عالاقل فالغدا

وانا خلاص اقتنعت اللي ينزل وزنج بسرعه بيرده اسرع و دبل بعد
لازم تاكلين بروتينات و خضار حصة او حصتين يوميا

والله يوفقج ^.^

[هنودة1985]

مشكوره أختــــــــــــي

[مس غزيل]

اختي امشي على هالنظام و بتشوفين الفرق

عليج بشرب الماي الدافي على الريج على الاقل 4 اكواب حاولي تعصرين فيه لوميه كل يوم

حاولي انج تستغنين عن شي اسمه خبز في حياتج .. حتى لفتره معينه ..

عليج بالمشي كل يوم و الاكل عقب ست المسا انسى الاكل .. و عشانج صابره خذيلج يوم اوف اذا بغيتي تتعشين برا ..


ننوعي في الاكل و خلي اغلبه خضار و فواكه و ماي ..

انا هالنظام ماشييه عليه على طول و الحمدالله خفيت بس طولت الفتره يعني خذت شهرين لين بان الفرق .. بس اتأكدي الشي لي يستوي على طويله احسن لانه بيكون ثابت ..


بعطيج نبذه عن الاكل لي آكله ...

الريوق وايد مهم .. لازم تتريقين بس مثل ما قلت لج الخبز ودريه عنج .. يعني لو ترومين تاكلينه مرتين في الاسبوع على الريوق بيكون زين بس مب الصمون لانه كله عييين الله يهديج و حتى السلايس .. شي خبز اسمر صغير و ايييج خفييف هذا انا اللي استخدمه .. اشربي الحليب القليل الدسم .. البيض المطبوخ .. الخيار .. اللبنه احسن لج من الجبن .. و الشابوره ويا الحليب بعد اوكي ..

عقب الريوق بساعتين كلي لج فواكه بس شويه مب تدبغين .. و ابتعدي عن الهمبى و الموز .. و عليج بالكيوي و الاناناس و اليح ..

الغذا خذي فيه راحتج بس بطريقه سياسيه .. اكلي الشي المشواي و المطبوخ بس بدوووووووون خبز و لو بغيتي نص الخبزه الصغيره و اول ما تبدين السلطه .. بعد عليج بالشوربه .. و بعد في شي مهم .. البقول .. العدس و الفول .. و طبعا السلطات نوعي .. سيزر سلد ... تبوله .. فتوش .. سلطة تونه .. يمكن تكونين ما تحبين هالاشياء اللي انا اطريها بس حاولي تحبينها لان استمرارج عليها بيخليج تردين للوزن المطلوب ..

اعلى العصر .. فواكه و الا عصير و اذا مره يعتي عليج بالبسكوت بس اللي يخص الرجيم .. قطعه وحده ..

عشاج بيكون على المغرب اذا يعتي و اذا ما يعتي خذيلج قصة فاكهه ..

ملاحظه .. يمكن تشوفين الموضوع وايد لان ما فيه خبز بس بالتعود ان شاء الله كل شي بيكون سهل ..

طبعا اهم شي في الموضوع كله المشي ثم المشي ثم المشي .. امشي كل يوم ساعه لين تبين النتيجه و لو ترومين تدخلين نادي لا تتهاونيين دام انج صغيره ..

هذا كل شي و أسفه على الاطاله و اللي ينولج مرادج و اي سوال انا حاضره

[راعية_دبي]

سوي رجيم عن طريق فصيلت الدم ها انجح رجيم .........طاعي شو فصيلت دمج وشي تقرير اتسوين رجيم شو تاكلين في النت ابحثي عنه في النت لانه ما يحضرني الحين....