محتاجة نصيحتكم

**أم لوولوو** · 2012-11-28, 08:52

خواتي العزيزات.
أنا محتاجة تنصحوني.
انا حامل في الشهر الثامن و ولادتي الاولى كانت قيصرية و من سنتين و 8 شهور .
الدكتورة قالتلي انتي ممكن تولدي طبيعي أو قيصرية و انتي اختاري لان النسبة بتكون 50 % للاثنين.
شو نصيحتكم بالنسبة للولادة الثانية ؟ أجرب الطبيعي و ممكن ما اولد و أتحول للقيصرية نثا أول ولادة ولا أولد قيصرية من البداية و أريح نفسي بدون تجارب؟

بليز انصحوني و عن خبراتكم.

المزيد من آخر المواضيع من نفس القسم:

**dxbaii** · 2012-11-28, 09:07

للرفع

**ضحيه زماني** · 2012-11-28, 10:04

فكري بالطبيعي
واتوكلي ع ربج ماتعرفين شو بيصير حزتها

**ام براق** · 2012-11-28, 10:06

ماتعرفين شو الله كاتبلج يمكن طبيعي بس اهم شي ماتسمعين لرمست الحريم ان الطبيعي ويع ومن هالكلام لان الاثنين ويع القيصري ويع عقب البنج والولادة الطبيعي نفس الوقت وانا اشوف تريي ع عمرج يمكن ريلج يحب العيال واللي سوي قيصريً خلاص مايقدر يسوي عيال اكثر من اربع والله يعينج يا قلبي بروحي ف التاسع وهذي اياامي.

**.. محتارهـ ..** · 2012-11-28, 10:08

شو سبب القيصري في أول ولادهـ .. ؟؟

اذا النفس ما تفتح أو الحوض صغير خلج على القيصري أحسن .. لانه بتتويعين و ما بتقدرين تربين طبيعي ..

أما اذا اسباب ثانيه استخيري ..

**SALMAH** · 2012-11-28, 10:24

انا كنت نفس حالتج قيصري بالاول لانو بنتي راسها كانت فوق، وبعد 3 سنين حملت وقالتلي الدكتوره احتمال يكون طبيعي ، ويوم وصلت الشهر التاسع باسبوعين خبرتني الدكتوره قصة طويله عريضه عالطبيعي انهم بيحطون بالون عسب النفس تفتح لاني ما جربت الطبيعي وبعدين بيحطون طلق صناعي ، واحتماليه جرح القيصري القديم يفتح ، المهم خوفتني من الطبيعي ، وولدت بالنهايه قيصري اول يوم عيد الأضحى ـ والحمد لله ع كل حال

اتوكلي ع الله والي الله كاتبه بيصير

والله يقومج بالسلامه

**بنت محمـد** · 2012-11-28, 10:31

حبيبتي اولدي طبيعي أحسن اذا ماكان عندج الحوض صغير
لان كثرة الولادات القيصريه تسبب لج ألتصاقات وعقبها مابترومين تحملين
حدج حدج ٤ وبس

وفي من الدكاتره يخرفون الحريم ويقولون الخياطة بتتبطل ومن هالكلام
لكن هذا غلط لأنج مكمله سنتين وشوي والجرح أكيد التام من زمان
وهم يشجعون ع القيصري عسب يفكون أعمارهم ويرتاحون واذا كان مستشفى خاص أكيد لأسباب ماديه

والله يسهل عليج

**الغــــــلا** · 2012-11-28, 11:57

الطبيعي افضل ... اذا عندج كل شي طبيعي خذي باﻷسباب وامشي وسوي تمارين تساعد عالوﻻده الطبيعيه

وما عليج من كﻻم الدكاتره وايد يخربطن
وتوكلي على الله وهو بيسهل أمرج ...

**فطـوم** · 2012-11-28, 12:02

الله يسهل عليج إن شاءالله
اذا القيصريه لها اسباب طبيه عندج ولا تقدرين طبيعي توكلي عل الله اذا بس قالت لج احتمال ...يمكن تربين طبيعي
اذا ممكن طبيعي كان أفضل و أفضل والله يسهل عليج إن شاءالله
ياما حوامل يكون طبيعي ولادتهن وبالاخير يتقرر قيصري وياما يكون مقررين قيصري وبالاخير ربج يسهلها وتولد طبيعي كله عند رب العالمين
الله يتمم للجميع ويسهل عل الجميع إن شاءالله

الموضوع: محتاجة نصيحتكم

أدوات الموضوع

عرض