روآيہ: لآ عآد تجبر شعورڪ بَ’ شيء م تحسسّہ!

[فضوليه]

التغريدة التاسعه :,,









بعد اسبوعين ..
فطوم يالسه ف حجرتها ومهره وياها
فطوم حاطه راسها بين ايدينها: مهرره والله خلاص تعبت من زود ما افككر
مهره بحنيه: فطوم حبيبتي هو تقدملج من اسبوع وللحينه ما رديتي ع امج بالموافقه او الرفض
فطوم تنهدت ورفعت راسها صوب اربيعتها: مهروه ماعرف اصلا هو ليش تقدملي يمكن يبى يتنقم مني ماعرف هو بشو يفكر او ع شو ناوي
مهروه بابتسامه: فطوم انتي صلي استخاره واذا ارتحتي لاتترددين وافقي واذا لا محد يروم يغصبج ع شي
فطوم: ان شاء الله بصلي وبشوف شو بيطلع وياي مهروه ادعييلي
مهره حطت ايدها ع جتفها: انتي توككلي ع الله وان شاء الله خيير .. ويلست تلعب بصبوعها جنها محتاره ف شي
فطوم رفعت حياتها: شو عندج!!
مهره تلعب بصبوعها بتوتر: قبل يومين حميد ولد عمج تقدملي
فطوم بوناسه: اوووونه!
مهره بخجل: هييه
فطوم حضنتها: فديييييتج والله هاه احلى خبر سمعته بحياتي احسكم لايقين ع بعض
مهره غدا ويهها اشارات مرور: بسس عاد
فطوم: ههههه اونج تستحين يعني انزيين شو رديتي علييه
مهره بتفكير: مارديت ولا شي بعدني افكككر
فطوم بابتسامه: حبييبتي مهروه والله حميد ما شي مثله ريال والنعم فييه انا ما امدحه لانه ولد عمي بس الله الشاهد انج بترتاحين وياه ومابتندمين انج وافقتي عليه
مهره نزلت راسها: انا بستخير ربي وبفككر
فطوم ابتسمت: الله يوفققج
.
حمد: اماااايه يعني متى بيردون علينا!!!
عليا عقدت حياتها: وانت شو مشكلتك اتريااا
حميد غمز حق اخوه: ههههه صح الصبر يمدحونه
حمد اطالعه بنظظره
حميد رفع ايده باستسلام: خلاااص خلاااص هههه .. وصد صوب امه
حميد: اممممم امايه ما ردوا عليج
عليا رفعت حياتها: قبل يوميين ابوك شاور ابو البنيه تباهم يردون عليك بنفس اليوم يعني !!
حميد افتشل: ههه لا بس اسال يعني
حمد يلس يطالعه: ههههههههههه دوااااااك والله
عليا نشت: انتوا يلسوا تناقروا اهنيه وانا بسيير ارقد احسن لي عن عوار الراس
حمد وحميد اطالعوا بعض وعقب ضحكوا ع اشكالهم
.
عايشه: هاه يافطوم شو رايج!
فطوم بخوف: مااعرف
عايشه حطت ايدها ع جتف بنتها: حبيبتي انتي صليتي استخاره شو حسيتي
فطوم: حسيت براحه بس بعد مادري
عايشه ابتسمت: حبيبتي دامج ارتحتي خلاص عيل توكلي ع الله
فطوم نزلت راسها وكل المشاعر تتضارب ف قلبها: زيين
عايشه حضنتها: هههه فدييتج والله كبرتي وصرتي عروس بسير اخبر ابوج عيل
.
مهره منزله راسها: موافقه
مايد ابتسم: ربي يوفقج يا بنتي
مهره حضنته ويلست تصيح: ابوييه انا ما بى اخليك بروحك
مايد يلس يمسح ع ظهرها: ليش انتي ما بتزوريني كل يوم
مهره: اكيييد بييك كل يوم
مايد: هههه خلاص عيل
.
وخلال هالاسبوع ردوا ع اهل حمد وحميد بالموافقه طبعا حميد استانس وايد لانه بيعيش ويا الانسانه اللي اختارها قلبه اما بالنسبه لحمد فهو مستانس لان كل شي لين الحين ماشي مثل ماهو مخطط وقرروا ان العرس والملجه ف يوم واحد عقب ما حشروا امهم وابوهم اللي عارضوا فكرة ان العرس يكون عقب شهر وحتى فطوم ومهروه عارضوا لان مايمديهم يزهبون اعمارهم بس ف النهايه ماتغير شي العرس عقب شهر ولازم يخلصون كل اللي وراهم بسرعه
.
مر الشهر ع شخصياتنا بسرعه بدون لحد يحس فيه لان كل واحد كان مشغول بشي فطوم ومهروه مب محصلين وقت حتى للرقاد 24 ساعه ف السوق يتزهبون حق العرس وعليا وعايشه طبعا يطلعون وياهم ويساعدونهم اما عن حمد وحميد كانوا مرتاحين ف بداية الايام وكل واحد عايش حياته واللي يشوفهم مايقول ان هاييل عرسهم عقب شهر بس بعديين بدوا يتحركون ويفصلون كناديرهم ويخلصون شغلاتهم
لييين مايى يوم العررس ~~> فاطمه و حمد ,, مهره وحميد
كانوا متفقين ان فطوم ومهروه يطلعون بنفس الوقت ع زفه وحده
فطوم يالسه ف الحجره اللي يعدلونها فيها وف خاطرها: والله بمووت من الخووف بموت مادري اخاف من هاليوم ولا اخاف من الشخص اللي وافقت عليه وعيشتي وياه احس اني بموت اليوم استغفر الله يارب ساعدني يارب .. وما تحملت ويلست تصيح بهدوء
يارا اللي كانت تسويلها الميك اب: حبييبتي ليه عم تبكي هيك انتي بتخربي عينك
فطوم حطت ايدها ع حلجها وهي توقف شهقاتها
عايشه توها حادره الحجره وانصدمت يوم شافت فطوم تصيح فسارت صوبها بسرعه: حبيبتي شو فيييج !!
فطوم طاحت ف حضنها: امااايه خلاص مابى مابى اعرس
عايشه ابتسمت وهي تمسح ع ظهرها: كل وحده لازم تخاف ف يوم عرسها نشي يالله وامسحي دموعج وخلي الحرمه تعدلج وتوكلي ع الله
فطوم حست براحه بوجود امها وكلامها: ان شاء الله هيه صح شفتي مهروه؟
عايشه بابتسامه: هيه ماشالله عليها جمييله وخالتج مب مقصره وياها تعاملها بحسبت بنتها
فطوم ابتسمت: فديتها والله
.
عليا بابتسامه: حبيبتي مهروه ليش ويهج معتفس جي؟ انا ادري انج مفتقده امج بهاللحظات بس اعتبريني انا مكانها
مهره والدمعه ف عينها: بس
عليا قاطعتها: لا بس ولا شي من اليوم تزقريني امايه ويالله خلي عنج هالدموع اللي بتخرب ويهج وبيشرد حميد يوم يشوفج
مهره ابتسمت بخجل و نزلت راسها: زيين
.
ويى الوقت اللي بيظهرون فيه فطوم ومهروه
ما انتبهوا الناس لجمال الزفه مثل ما انتبهوا لهالقمرين اللي طلعوا عسب يلفتون نظر كل الموجودين ويخلون بعض الحريم يندمون لانهم ما خطبوهم حق عيالهم
كانت الدقايق تمر جنها ساعات بالنسبه لفطوم ومهروه لين ما كل وحده وصلت لكوشتها
.
صوب الرياييل كانوا مرتبشين وعايشين حياتهم حميد كان شاق الحلج ومستانس اما حمد فكان التوتر واضح ع ويهه
حميد يطالع حمد وبهمس: حمود بلاه ويهك ! تقول مسوي مصيبه
حمد اطالعه بنظره: عيل تباني اشق الحلج شراتك
حميد: هههه لا خلك جي متوتر وخايف لحظظه هاي امايه ادق اكيد الحينه بنحدر داخل .. ورد ع الفون
حمد حس بندم وحس عمره تسرع يوم فكر انه ياخذ فطوم بس خلاص ماشي وقت للندم
حميد يزاعج عسب حمد يسمعه: ايييييه اقولك يالله بندخخل
حمد مب مستوعب: ليش ندخل الحينه بعده شي وقت
حميد رفع حياته: انا اول شي بدخل ف اذا تبى تتريا اهنيه لين ما يزقرونك برايك
حمد تنهد براحه: خلاص عيل انا بتريا اهنيه
حميد: هههه انزين
.
عند الحريم طبعا اول ما سمعوا ان حميد بيدخل غطوا فطوم
وعند مهره اول ما سمعت ان حميد بيدخل حست برهبه وخوف بس يوم تذكرت كلام عمتها ام حميد ارتاحت شويه ويلست تهدي عمرها وهي تسمع الزفه اللي بيدخل عليها حميد
حميد اول ماحدر طاحت عينه ع مهره اللي خلاص اليوم صارت حليلته وف خاطره: فديييتج والله واخييرا بتصيرين لي بنيلس ف بقعه وحده واصبح وامسي ع ويهج الحلو ماشالله عليها متغيرره وايد ططبعا للاحلى هي امبونها حلوه واليوم زااد حلاها ربي يخليها لي .. وسرع بخطواته صوب مهره وهي منزله راسها
حميد يوم وصل صوبها باسها ع راسها بكل حب: مبروك عليج الغاليه
مهره بصوت يالله يالله ينسمع: ربي يبارك فيك
مبارك يطالعهم وبابتسامه: ربي يوفقكم يارب
حميد يلس حذال مهره وهي ميته من المستحى حتى ما رفعت عينها صوبه
حميد يهمس ف اذنها: لاتستحين مني
مهره زاد خجلها ويلست تلعب ف صبوعها وهي تتحاشى نظراته
حميد ابتسم ويود ايدها: بسج بتكسرين صبوعج شوفيني انا
مهره رفعت راسها ويوم يت عينها ف عينه نزلت راسها بسرعه من الفشله
حميد فخاطره: فدييت عيونج انا
حميد: هههه ماعليه الحينه ما بقولج شي لان الناس يشوفونا بس عقب بتشوفين
مهره فخاطرها: اوييه شو يقصد يا وييلي بس فديته والله عيونه خبلتبي الا هو بكبره خبلبي
وعقب ما يلسوا شويه ساروا ف حجره عسب يتصورون وبعدين قالوا ان حمد بيدخل الحيينه
عند فطوم اول ما قالولها ان حمد بيدخل
فطوم فخاطرها: لالا مااابى والله مابى لييش يدخل مب لازم افففف استغفر الله لييش وافقت عليه يااارب استر للحينه ماعرف حمد بشو يفكر وليش تقدملي بالاساس بس مهروه قالتلي انه هو قالها اني بنت عمه واذا تقدملي مب لازم يكون شي سبب وبعد مهروه اكدتلي انه من طريقة كلامه مافي خبث بعيونه او شي يدل انه ناوي ع شي ف ليش احاتي ان شااء الله خيير بس لالا انا حرمته من اهله مستحيل هو ينسى هالشي .. وقاطع تفكيرها صوت ابوها
سلطان يطالعها وبابتسامه: مبرووك عليج يا بنتي
فطوم رفعت راسها وما يت عينها ع ابوها بس يت عينها ع حمد اللي واقف ويطالعها ومافي اي شي مبين ع ملامحه لا ابتسامه ولا عصبيه ولا اي شي: ربي يبارك ف حياتك ابويه
سلطان وهو يطالع حمد وياشرله عسب يطوف ويسير صوب فطوم
حمد ف خاطره: اووووووووف شو هالبلششه احس حالي فوق تحت مب عارف شو اسوي اصصلا .. رفع عينه وانصدم يوم شاف فطوم بهالشكل حس انه يمكن مغلط بس هاي مب فطوم كانت جمييله والكل يشهد ع هالشي لكن جمالها اليوم كان شي غير بالرغم ان الحزن ماخذ مكانه ف عيونها بس هذا ما قلل من مقدار جمالها
فطوم منزله راسها وف خاطرها: اووووه احسبه يشوفني شو اسوي ارفع راسي ولا شو استغففر الله يارب
حمد قرب منها وباسها ع راسها وبنبرة استهزاء: مبروك
فطوم استحت يوم باسها ع راسها وبنفس الوقت انصدمت من نبرته وف خاطرها: يارب استر
حمد يلس حذال فطوم بهدوء وما نططق باي شي وهي نفس الشي ليين ما يت المصوره عسب توديهم الحجره وتصورهم
فطوم نشت ولان فستانها ثجيل كانت محتايه حد يساعدها وهي تمشي وحمد واقف حذالها مكتف ايدينه وما تعب عمره وساعدها
عايشه يت صوبهم ورفعت حياتها وهي تطالع حمد: حموود ساعد حرمتك مب رايمه تمشي بهالفستان
وهم اول ما سمعوا كلامها صدوا صوب بعض ويوم تعلقت نظراتهم ببعض كل واحد صد الصوب الثاني بسرعه عسب يتجنبون الاحاسيس اللي اجتاحتهم ف الوقت اللي تلاقت فيها عيونهم
عايشه حطت ايدها ع خصرها: بنتم واقفين لين متى!! حمد ساعد حرمتك يالله وسيروا وانا بسير صوب المعازيم .. وقبل لا تسير باست فطوم وقالتها تتحمل بعمرها
حمد توتر وماعرف شو يسوي ف صد ويلس يطالعها كيف متوهقه بهالفستان وغمضته: كيف تبيني اساعدج؟
فطوم ف خاطرها: الله يغرربل الساعه اللي لبست فيها هالفستان حسبي الله .. وطاحت دمعتها وهي بهالموقف المحرج
حمد تنهد وهو يطالعها: لا تصيحين بساعدج لين ما نوصل الحجره يالله .. ويودها من ايدها عسب يمشي وياها شوي شوي
فطوم اول ما حمد يود ايدها حست روحها طلعت منها بس تمالكت نفسها ويلست تمشي وياه لين ما وصلوا عند باب حجرتهم ف الفندق
حمد صد صوب المصوره اللي واقفه وياهم: لو سمحتي انتي سيري خلاص
المصوره ع ويهها اكبر علامه تعجب: هاااه !! كيف انا بعدني ما صورتكم
فطوم اول ماسمعت كلامه حست ان كل شي بيبدا من هاللحظه
حمد تنهد: ياخي نحن ما نبى نتصور بالغصب يعني خلاص سيري ولا تخبرين حد
المصوره: زيين بكيفكم .. وسارت
حمد بطل الباب وتريا فطوم لين ما تدخل واول مادخلت خذ نفس كبييير ودخل وراها
فطوم يلست ع الغنفه اللي كانت موجوده ف الحجره وهي مب عارفه شو تسوي
حمد يلس ع طرف الشبريه وتم يطالعها وفخاطره: يالله ياحمد شو تتريا تشجع وكمل اللي كنت مخطط له يالله .. ونش وسار يلس حذالها
فطوم اول ما سار حمد ويلس حذالها تمت ترتجف بكبرها
حمد بهدوء: فاطمه!
فطوم وهي منزله راسها: هاه
حمد رفع حياته: هاه!! رفعي راسج ابى ارمسج
فطوم بلعت ريجها ورفعت راسها وهي تحاول ماتحط عينها بعينه
حمد يلس يطالعها بكره وهي تتهرب بعيونها منه: يالسين نلعب نحن! شوفيني وانا ارمسج يالله
فطوم ماتحملت اسلوبه ويلست تصيح بهدوء
حمد تنرفز يوم شافها تصيح: شوفي يا ماما دموع التماسيح هاي ما بتنفعج انتي تعرفين اني للحينه مانسيت اللي سويتيه فيني انتي تعرفين انتي شو سويتي حرمتيييني من اهلي سنييين وسنيييين وما فكككرتي تصارحيينهم ف مرره وتخبريينهم انج انتي السبب ف اللي هم فيييه انتي ما تحسيين ماعنددج ضمييير خليتيني اعيش بدون ما اعرف انا منو ومنو هم اهلي الصدقيين بس اللي كنت احسسبه شوق وحنيين لنااس ما عرفهم منو هم وويينهم ماعرف ليين مايى اليوم اللي سويت فيه ححادث ورجعتلي الذاكره الحمدلله عسب ارد لاهلي اللي فقدتهم بسبتج
فطوم كانت يالسه تشاهق من الصياح وهي تسمع كلامه
حمد عصب ويلس يزاعج: بسسس بس صصخي مابى اسمع حسج
فطوم وهي تصيح: والله ما كان قصدي والله اسفه
حمد بنبره استهزاء: اسفه بشو بتفيدني الحينه كم ضااع من عمري وانا ابعيد عنهم هاااه!!!!
فطوم تشاهق: ب بس ا انت رجعت لهم الحينه
حمد يزاعج: بعددد شووووو!! كنت ابى اتربى بينهم تحت نظرهم مب ابعييد عنهم اخوويه اللي هو اخووويه كان ويااي طول الوقت وماكنت اعرف كنت اتحسب انه اربيعي المقرب وبس واخر شي شو طلع اخوويه انتي الاحسااس متبري منج اصصلا
فطوم ماقالت شي بس يلست تصيح وتصيح
حمد اطالعها وهي تصيح: اوووووف هالدموع شو بتسويلج يعني انتي بععععددج ما شفتي شي اصلا .. ونش عسب يتسبح وخلاها يالسه تصيح بدون لحد يواسيها
.
عند مهره وحميد
مهره كانت تتسبح وتوها طالعه من الحمام
حميد يطالعها بنص عين: لالا بددري جان رقدتي داخل بالمره
مهره نزلت راسها بخجل: ما تاخرت وايد
حميد نش وسار صوبها وماكان يفصل بينهم سوى مسافه بسيطه: ليش تستحين مني!
مهره ما رامت ترد عليه تحس عمرها بقربه ف عالم ثاني
حميد ابتسم ورفع راسها بايده: شوفيني وردي علي
مهره حطت عينها بعينه وماقدرت تحس عمرها بتذوب لو يلست تطالعه اكثر ف صدت الصوب الثاني وهي مبتسمه
حميد حس انه بيتخبل من هالبنيه: مهره تعالي ابى اقولج شي مهم .. ويودها من ايدها ويلسها ع الشبريه ويلس حذالها
مهره استغربت من سكوته ف رفعت عينها وشافته كان يالس يتامل ويهها بكل تفاصيله وهو مبتسم
حميد بكل حب واحساس: مهره انا احبببج
مهره حست انها بتموت اول ماسمعته وما رامت تيود عمرها: انت مااا تستتححي .. وصدت الصوب الثاني وهي ميته من المستحى
حميد رفع حياته وهو يطالعها: الحينن انا شاد حيلي و اقولج احبج وتقولين لي انت ما تستححي انا شكلي ماخذ وحده ويهها لوح
مهره افتشلت: هههه
حميد ابتسم وحرك راسها صوبه: فديييت هالضحكه ياارب
مهره ابتسمت وهي تشوفه
حميد: انتي مب تعبانه!!
مهره: هيه شويه
حميد غمزلها: خلاص عيل تعالي بنرقد .. وانسدح ع الشبريه
مهره نشت بخجل وانسدحت حذاله ويوم شافها حميد حذاله ضمها لصدره وهمس ف اذنها: ربي لايحرمني منج .. ومهره مفتشله من الخاطر وبنفس الوقت تحس ان هالانسان ملكها من اول ما شافته وبترتاح بحياتها وياه
.
عند حمد اللي توه ظاهر من الحمام شاف فطوم راقده ع الغنفه بفستانها ودموعها بعينها تنهد وسار يلس حذالها وهو يهزها ع الخفيف: فطوم فطوم نشي يالله بدلي ثيابج وعقب ارقدي يالله
فطوم نشت وهي تحك عينها ودمعت عينها اول ماشافت حمد يالس عندها: حمد والله انا اسفه ما كننت اقصد
حمد صد الصوب الثاني: نشي بدلي ثيابج يالله ولين ماتخلصين بكون انا راقد ع هالغنفه وانتي ارقدي ع الشبريه
فطوم تنهدت: لا انت ارقد ع الشبريه وانا برقد ع الغنفه
حمد نش وسار صوب الشبريه: يكون احسن بعد
فطوم ما توقعت انه يقولها جي بس ف خاطرها: من حققه يسوي جي بس هذا ماضي والمفروض مايحاسبني عليه وبعدين انا ما كنت قاصده يااارب ساعدني بس .. سارت تتسبح ويوم خلصت طلعت وشافته راقد غمضها شكله وهو مب متلحف والمكيف شغال ف سارت ولحفته ويلست تتامله وهي تدعي ف خاطرها انه يسامحها ع اللي صار ويعيشون حياه سعيده وعقب سار انسدحت ع الغنفه وصاحت وهي تحس انها كل يوم والثاني تضعف اكثر واكثر وغلبها الرقاد ورقدت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فضوليه]

التغريدة العاشره والاخيره :..










ف يوم يديد نشت فطوم وهي حاسه ان جسمها متكسر من هالغنفه اللي كانت راقده عليها يلست تحك عينها اللي وارمه من الصياح وصدت صوب حمد وتنهدت يوم شافته راقد
فطوم سارت يلست حذاله وبدت تهزه ع الخفيف: حمد حممد يالله نش بعد شوي بياذن الظهر
حمد لف بجسمه الصوب الثاني وتلحف
فطوم هزت راسها بياس وابتسمت: حمد يالله نش وخل عنك هالكسل
حمد يلس يتافف: خلووني ارقد والله تعبان
فطوم رفعت حياتها وما انتبهت حق اللي قالته: انت راقد ع الشبريه وجي تقول عيل انا اللي تكسسرت من هالغنفه شو اسوي!
حمد وجنه توه يستوعب ان اللي توعيه فطوم ف نش ويلس يطالعها وهو عاقد حياته: والله مشكلتج انتي قلتي بترقدين اهناك .. وخلاها وسار الحمام
فطوم تنهدت: اسستغفر الله ياارب .. وسمعت رنة فونها وجان ترد
مهره بوناسه: مرحباااا صباح الورد يا وردتي الحلوه
فطوم: ههههه احلفي انتي بس هاه شخباره حميد
مهره: هههههههه طاااعوا السباله
فطوم: يالهبله ترى يبين من صوتج انج مستانسه واكييد السبب حميدوه
مهره: ايييه لا ادلعيين ريلي اونه حمييدوه
فطوم: ههههه قسم بالله انج خببله
مهره: احم احمم طالعه ع وردتي الحلوه
فطوم: اللي هي انا هههه
مهره: هييه خلج مني الحينه اهم شي انتي شو مسويه ويا حمد
فطوم ف خاطرها: شو اقولها الحينه! مهروه اربيعتي وما اخش عنها شي اخبرها عن اللي صار بينا ولالا .. وتمت تفككر
مهره تزاعج: فطوووووووم ارمسج
فطوم: هههه هييه وياج وياج
مهره: انزين شو مسويه ويا حمود؟
فطوم: طلع كلامج كله صح حمد طيب ومايشل ف قلبه ع حد ونسى اللي صار من زمان وقال اصلا انتي كنتي ياهل وما بحاسبج ع شي سويتيه وانتي ياهل وبعدد شو قال ياارب شو قال
مهره قاطعتها: هيه صدقتج ف كل كلمه قلتيها يختي سيري قصي ع راعي الدكان
فطوم تنهدت وسكتت
مهره حبت تغير الموضوع: هييه صح فطوم تحيدين يوم كنا نقول اونه خاطرنا نسافر برع البلاد ونشوف معالم العالم
فطوم: هييه هههه
مهره: انزيين بقولج خبرر جميل
فطوم: ما هو يا اختاه؟
مهره: باااجر بنسااافر انا و ريلي الجمييل وانتي بعد وريلج الخسف
فطوم انصصدمت: شووو !! نساافر ليش بعد اصلا ما يستوي
مهره استغربت: ليش مايستوي وبعدين انا حاولت اقنع حميد عسب نسافر لندن وياكم بس هو يقول اوونه هالمره ماليزيا والسنه اليايه لندن
فطوم بضيق: مهروه انتي مب حاسه فيني والله
مهره: لا يا فطوم والله انا حاسه فيج بس انتي شددراج يمكن هالسفر يغير وايد اشياء بينكم
فطوم ارتاحت شويه من كلام مهره: الله يسسمع منج بس .. وجان تسمع صوت الحمام يتبطل
فطوم: يالله عيل اخلييج انا
مهره: ربي يعينج يالله مع السلامه
حمد يطالع فطوم بطرف عينه: منو كنتي ترمسين!
فطوم تحاول تقوي عمرها: كنت ارمس مهروه
حمد صد صوبها ويلس يطالعها بنظرات مافهمتها وعقب لبس كندورته عسب يسير المسيد وقبل لا يطلع شافها بنظره احتقار: انا مادري اختي مهره كيف مرابعه وحده مثلج
فطوم انقهرت: ليييش انا شو فيييني !!
حمد باستهزاء: ههه ابدددن مافيج شي وحده معدومه من الاحاسيس والمشاعر بس
فطوم والعبره خنقتها: انت ما تفهم ! تحاسبني ع شي سويته يوم كنت ياهل
حمد بقهر: ما احاسبج ع شي سويتيه وانتي ياهل احاسبج ع جذبج ع اهلي طول هالسنين صح كنتي ياهل يوم دزيتيني ف هاك اليوم بس بسبة هالدزه انا فقدت الذاكره وعشت ابعيد عنهم وانتي كملتي حياتج ولاجنج مسويه شي تبيني احط اللوم ع منو بالضبط هااااه!
فطوم يلست تصارخ: انت انساان ما تحس غغغبي ماتفهههم
حمد سار صوبها بسرعه وعطاها كف قوي طيحها ع الشبريه ويلس يزاعج: لساانج هذا بقصصه قص تفهمييين
فطوم حطت ايدها ع مكان الكف ويلست تصيح وحاطه عينها بعينه: م م منو قالك اني كملت حياتي عادي عقب اللي استوى منو قال .. وما رامت تكمل رمستها ويلست تشاهق
حمد يلس يطالعها بنظرات غامضه ماقدرت تفسرها وطلع من عندها
.
عند مهره وحميد .. كانوا يالسين حذال بعض ويطالعون التي في
حميد صد صوبها بابتسامه: جهزتي اغراض السفر
مهره شقت الحلج: هييه طببعا
حميد: هههه متحمسه
مهره: ههههه هييه اول مره اسافر
حميد بغياض: مب شاايفه خيير .. وطلع لسانه
مهره اطالعته بنص عين: انا مب شايفه خيير هااه .. ويت بتنش بس حميد يودها من ايدها ويلسها
حميد: ههههه اسولف وياج بلااج
مهره صدت الصووب الثاني وما ردت علييه
حميد: امممم شو اسوي عشان ترضيين
مهره سكتت وماردت عليه وهي بعدها صاده الصووب الثاني
حميد طبع ع خدها بوسه بكل حب: هااه الحينه رضيتي
مهره افتشلت من حركته: جلييل الحيا ماتستحي
حميد رفع حياته: اعطييج بكس احسن!
مهره: هههه لالا مافييني ياخي اتشوه
حميد ضربها ع راسها بالخفيف: هبببله
مهره حطت راسها ع جتفه: ربي يخلييك لي
حميد ابتسم وهو يشوفها: ويخلييج لي
.
عند حمد وفطوم
فطوم كانت يالسه تصلي وهي تدعي ربها انه يوفقها ف حياتها ويهدي حمد وكانت تحاول قد ما تقدر انها ما تصيح او تضعف اكثر وجان حمد يرد من المسيد وقف يطالعها شوي وهي مب منتبهه له وعقب سار يبدل ثيابه ويلس ع الغنفه وجابل التي في
فطوم شلت سياده الصلاه واستغربت يوم شافت حمد يالس ومجابل التي في وبصوت واطي: متى يى اصلا !! .. وسارت صوبه بهدوء ويلست حذاله وهي تتامل ويهه بكل تفاصيله
حمد انتبه لها وصد صوبها واستغرب يوم شافها يالسه حذاله: خيير عنددج شي ؟؟
فطوم كانت سرحانه ويوم انتبهت له يرمسها نزلت راسها وتمت ساكته
حمد عاقد حياته: شو مشكلتتج ؟؟ عندج شي تبين تقولينه خلصي بسرعه
فطوم حز ف خاطرها اسلوبه وياها بس هذا مب شي يديد منه ف رفعت راسها وحطت عينها بعينه وهي شوي بتختنق من الضيق: آس سفه لاني طولت لساني قبل لا تسير المسيد والككلام اللي قلته طلع مني بدون قصد والله
حمد انصصدم من كلامها ما توقعها يايه تعتذر له توقع انها يايه تزاعج وتسوي مشكله وتضارب وياه فما قدر يرد عليها وصد يطالع التي في وعقله مب وياه اصلا
فطوم تنهدت وهي تطالعه: انا ادري اني غلطت يوم قلت انك ماتحس وماتفهم بس ربي يشهد علي اني ما كنت اقصد انفعلت وماحسيت باللي قلته
حمد صد صوبها ببرود وهو متناسي اعتذارها وكل اللي تقوله الحينه : جهزي لي شنطه صغيره وحطي فيها ثيااب تكفيني لمدة اسبوع او اسبوعين
فطوم استغربت لان مهره قالتلها انهم بيسافرون باجر: لييش !!
حمد ابتسم عسب يقهرها: بسافر
فطوم بلعت ريجها بخوف: وانا؟؟
حمد رفع حياته: انتي شو!
فطوم: ما بسافر وياك
حمد باستهزاء وهو ياشر عليها من فوق لتحت: انتي !! تسافرين وياي انا!! لا يالحلوه انا بسافر بروحي هو المفروض ان نسافر باجر اونه شهر العسل بس انا ما بى اسافر وياج
فطوم حست انها بتنفجر من الصياح بس يودت عمرها: بيلس عند اهلي لين ترد صح؟
حمد: هههههههههههه تيلسين عند اهلج غبيه انتتي! لا يالشاطره انتي بتيلسين اهنيه ومحد بيعرف انج مب مسافره ويااي ويا ويييلج لو حد عرف اني مسافر بروحي
فطوم نزلت راسها و دمعت عينها وبهدوء: ولو اتصلوبك وانت ف لندن وسالوا عني شو بتقولهم ولو اتصلوبي ورديت عليهم بيعرفون من الرقم
حمد يلس يطالعها: عادي انا بددبر عمري بس انتي لاترديين ع اي حد يدقلج خالتي عمي مهروه لاترديين ع اي حد فاااهمه !!
فطوم هزت راسها بهيه ونشت من مكانها وسارت الحمام ويلست تصييح من الخاطر
فطوم: لييش يسوي فييني جي لييش يعني بيساافر بروحه وبيخليني ههه واوني مصدقه رمسة مهروه يوم قالتلي بتتحسن حياتكم يوم تسافرون يااارب صببرني بس انا مادري شو اللي يخلييني متحممله كل هذا للحينه .. ويلست تصيح بالم وحمد سمع صوت شهقاتها من برع فطوول ع صوت التي في عسب ما يسمع صوتها
طلعت فطوم من الحمام تقريبا بعد ساعه وتفاجات يوم شافت حمد راقد وهو يالس ع الغنفه
فطوم هزت راسها بياس وهي تطالعه: اكييد رقد وهو يطالع التي في .. فسارت صوبه ويلست تهزه بالخفيف عسب ينش ويرقد ع الشبريه احسن له
فطوم: حمد نش يالله بتتعب اذا رقدت اهنيه
حمد وهو راقد: هممم
فطوم يودته من ايده: يالله بودييك ترقد ع الشبريه يالله نش
حمد نش من مكانه وهو مب حاس بنفسه وفطوم تمت ميوده ايده ليين ما انسدح ع الشبريه وعقب يابتله لحاف ولحفته وسارت بندت الليت وبعدين ردت يلست حذاله ع الشبريه تتامله وهو راقد: بتسافر وبتخليني! ودمعت عينها وهي يالسه تفكر بحياتها ماحست بعمرها الا وهي حاطه راسها ع صدره وراقده
.
سلطان: رمستج فطوم؟
عايشه ابتسمت: هيه فديتها رمستني اليوم الصبح وتقول واايد مشتاقه لنا
سلطان: هههه هييه ترى رمستني انا بعد الله يهنيها ويا حمد
عايشه: امييين يارب هيه صح قالتلي انهم باجر بيسافرون
سلطان رفع حياته: ويين!
عايشه: فطوم وحمود بيسافرون لندن ومهروه وحميد بيسافرون ماليزيا
سلطان: هيييه اونه شهر العسل يعني
عايشه عقدت حياتها: وانت شددراك بهالسوالف هاه
سلطان: ههههه اعرف بعد شو
.
عليا بابتسامه: الحينه اقدر ارقد مرتاحه حمد رجعلنا
مبارك: هييه وحمييد وحمد عرسوا بعد
عليا: ربي يهنييهم
مبارك ابتسم: آمييين باجر بيسافرون
عليا: هييه ترى خبروني
مبارك: هههه يعني خبر جديم
عليا: هييه
.
مايد يرمس بنته ف الفون: يعني بتسافرين باجر فديتج؟
مهره: هيه ان شاء الله
مايد: الله يوفقج حبيبتي
مهره:ابوويه بشتااقلك وايد
مايد: يالله عن الدلع سيري عند ريلج
مهره: هههه افاا انا يالسه اتدلع عليك الحينه
مايد: ههههه مكاااره
.
حمد سمع صوت اذان المغرب وف خاطره: اووه ما صليت العصر استغفر الله يارب .. ويوم يى بينش حس بشي ثجيل ع صدره ف حط ايده علييه واستوعب ان هاي راس فطوم
حمد عاقد حياته: شو يابها عندي !! اووه صح انا اصلا شو يابني اهنيه مب جني كنت راقد ع الغنفه .. وشوي شوي بدا يستوعب اللي صار البارحه بس بعد مافهم سبب وجود فطوم بقربه
حمد يلس يهزها بالخفيف عسب تصلي هي بعد ويقدر ينش عقب ماتخوز راسها من ع صدره: فطووم فطوم نشي يالله
فطوم نشت ويلست تحك عينها ويوم استوعبت ان الرقاد غلبها وحطت راسها عند حمد شهقت: هههىء
حمد نش ورفع حياته: بلاج !! اصلا شو اللي يابج اهنيه؟
فطوم استحت ونزلت راسها: ييت عسب الحفك وماحسيت بعمري الا وانا حاطه راسي وراقده
حمد: ايواااا .. وما سوالها سالفه وسار الحمام
وعقب ماطلع حمد وسار المسيد فطوم طلعت شنطه صغيره ويلست تحط ثيابه وتحاول انها ماتصيح لان الصياح مابيفيدها بشي بس كل ماتتذكر انها بتم روحها اهنيه تحس انها بتنفجر من الصياح ويوم خلصت ورتبت الشنطه حطتها ف مكان بحيث ان حمد يشوفها وحست بتعب فسارت انسدحت ع الغنفه وتلحفت ورقدت وقبل لاترقد رمست مهروه اللي كانت متحمسه حق السفر وهي تسايرها بس عسب ماتحس انها ما بتسافر مكان وبتيلس ف البيت بروحها
حمد تم ف المسيد لين صلاه العشاء ويوم خلص رجع وشاف شنطه صغيره وعرف ان فطوم رتبت اغراضه تم يدورها بعيونه ليين ما شافها راقده ع الغنفه تنهد بضييق وسار يبدل كندورته وانسدح ع الشبريه وهو يتحاشى انه يشوفها
.
ف يوم يديد
الساعه 9 الصبح
مهره وحميد كانوا ف المطار يتريونهم يزقرونهم عسب يطيرون
مهره بحماس: متى بيزقروونا
حميد: هههه هدي اعصابج ولا تتحمسين وايد
مهره ابتسمت: شو اسوي بعد احس اني مستانسه
حميد ابتسم لها بحب: عسااج دوم مستانسه يارب
مهره بحب: ويااااك يارب
وجان يسمعون النداء اللي يطلب منهم التوجه لطيارتهم اللي بتوديهم ماليزيا
.
حمد بهالوقت كان شال شنطته وتوه بيطلع من الحجره ساير للمطار
فطوم ماكانت قادره ترقد من الاساس ف يوم حست انه بيسير نشت: حممد بتروح!
حمد تفاجا لانه يتحسبها راقده ف لف صوبها: هيه
فطوم وقفت وهي تطالعه بترجي جنها تقوله لاترووح وتم وياااي
حمد لف صوب الباب: مع السلامه .. واول ما طلع انفجرت فطوم من الصياح
فطوم تشاهق: ح حررام عليه والله ححراام
.
طار حمد صوب لندن وطاروا حميد ومهره صوب ماليزيا
للحيينه مر يوميين ع غياابه وفطوم شبه ميته يوم كان حمد موجود كانت تهتم بشكلها حتى لو مالها خاطر بس تتعدل وترتب شكلها بس الحينه عقب ما سافر نست عمرها وكل وقتها تقضيه بالصياح وااايد ضععفت بهاليومين لانها ما تاكل مالها خاطر لشي عايفه ككل شي
فطوم متكوره ع عمرها ع الشبريه: لييش سااار ليش مايحس فييني ماقدر ايلس بروحي حتى لو يضربني او يعذبني او يجرحني اهم شي يكون عندي هو كل حياتي يوم عرفت انه ما مات حسيت ان الروح ردت لي مره ثانيه صح كان الخوف مسيطر علي بس كنت وااايد مستانسه برجعته لانه بغيابه كانت الكوابيس دووم تلاحقني كنت احس باللوم لاني جتلت الانسان اللي احبه هييه احببه حممد هو الوحييد اللي سكن قلبي يوم كنا صغار صح كنا نضارب بس بعد كنت احس اني لازم العب ويا حمد واضارب ويا حمد واغايض حمد ويوم صار اللي صار هذاك اليوم كنت ياهل بس كنت فاقده شي غالي وايد بالنسبه لي وكل ما كنت اكبر كل يكبر غلاته ف قلبي اعششقك يا حمد وينك عني ويينك .. وكملت صياحها و ويهها احمر من الخاطر وشكلها واايد تعباان وطبعا يوم حد من اهلها يدق لها ما ترد مثل ما قالها حمد وماتعرف شو اللي صاير من حوولها بس اللي تعرفه انها يوم يومين وبتودع الدنيا
.
حمد كان يرمس خالته عايشه ف الفون: لا يا خالتي هي راقده الحينه
عايشه: حممد انا من يوميين ادق لك وتقوولي راقده ويوم ادقلها احصل فونها مغللق شو سالفتكم انتتو اذا صاير شي قول لا تخش عني فطووم شخبارها؟؟
حمد توتر: لا يا خالتي مب صاير الا الخيير لو صاير شي انا بخبرج هي بخيير ومافييها شي وتسلم عليج بعد
عايشه تطمنت من كلامه: انزين يا حمد بغيت اتخببرك فطوم تررقد عدل ولالا
حمد استغرب: ترقد عددل كيف بعد!!
عايشه تنهدت: يعني ما تحلم بكوابييس ولا تنش تزااعج
حمد استغرب اكثر: لا لييش ؟؟
عايشه: الحممدلله لان فطووم من سنيين وحالها مايسر تغييرت 180 درجه صارت تحلم بالكوابيس وتيلس تزاعج ليين ما اسير صوبها واهدييها وترقد مره ثانيه
حمد انصصدم باللي سمعه من خالته ف تم ساكت وسرح بين افكاره: ما تحيدين من متى هي صارت جي؟
عايشه بتفكير: هييه هيه احيد يوم انت اختفييت تقريبا
حمد تنهد بضييق: انزيين انا بخلييج الحيينه مع السلامه
عايشه: مع السلامه .. وصكرت
حمد: فطووم والله اني اسف ع كل اللي سويته لج اددري اني قسييت علييج وايد بس والله اني كنت اتعذذب مليون مره قبل لا انطق باي كلمه تجررحج حاولت اتجااهل حبي لج واجببر قلبي ع كررهج والحقد علييج وبس انا اسف يالغاليه كان السبب الاول اللي يخليني اعاملج بهالطريقه هو انج حرمتيييني من شوفتج انتي وهذا ذنب كبيير بنظظري وحرمتيني من اهلي بعد بس انا الحيينه رجعتلهم ولازم ارجععلج انتي بعد لااازم الله يغرربلني مادري كيف خلييتج بروحج اهناك وصدمتني خالتي يوم قالتلي عن الكوابيس يعني انتي كنتي متعذبه ف غيابي وما كنتي مرتاحه يعني انتي تحبييني ! حممد لاتقص ع روحك فطوم ما تحبك لالا حتى لو ما تحبنني انا احببها ولازم ما اخليها بروحها انا هاليوميين ما طلعت من هالفندق ولا سسرت مكاان وكنت احس اني عايش بعالم بروحي عالم غبي وماله معنى والسبب ان فطوم ف بقعه وانا ف بقعه وكنت ناوي ارجع قبل لا تتصل خالوه واسمع هالكلام منها خلاص ياحمد لا عاد تجبر شعورك ب شي م تحسسه انا ما اكره فطوم انا احبها .. وسار حجز له تذكره عسب يرد اليوم
.
وف نفس اليوم ف الليل
فتح حمد باب الشقه اللي هم يالسين فيها وسمع صوت صيااح يقطع القلب ويوم دخل الحجره شاف فطوم متلحفه بالكامل وتصييح ع الشبريه حس انه وااايد غلط بحقها وبحق نفسه ف قرب صوبها ويلس حذالها ع الشبريه وخوز اللحاف عنها ويوم شاف شكلها انصصدم شكلها وااايد تعباانه وضعفااانه
فطووم بطلت عينها بصعووبه ويوم شافت حمد جدامها حست انها تحللم: حمممد!!
حمد تم يشوفها بنظراات كلها ندم وشوق وحب وكل المشاعر الحلوه اللي تتصارع بقلبه ف حضنها بقووه: هيييه حمد يا رووح حمد انا اسف يا فطووم والله اسسف كنت يالس اجبر قلبي ع شي ما يحسسه
فطوم يلست تصيح وهي متمسكه فيه بقووه: حممد انا واايد تعبت لانك سرت واايد
حمد بحنييه: اددري فدييتج والله اددري حتى انا وايد تعبت ببعدج عني انا غلطاان و
فطووم قاطعته: خلااص خلنا من اللي فاات وخلنا ننسى كل شي
حمد ضمها بقوه اكببر يحس انه مشتاااق لها وااايد: وهذا اللي بنسوييه بنفتح صفحه يديده الحب عنوانها فطووم انا وااايد احببببج
فطوم تمسكت فيه اكثر وبحب: وانا بعد احببك

.

انتهت تغريدات عصفورنا السحري الذي اتى من عالم الخيال الى العالم الحقيقي لكي يبحث عن السعاده فقد رفرف هذا العصفور كثيرا خلف شخصياتنا وعرف قصصهم واسرارهم وكانوا حميد ومهره مثال له للحب البريء والجميل وحمد وفاطمه مثال للحب الابدي الذي قد تتخلله بعض المشاكل التي لا مفر منها
بعد ان اطمئن عصفورنا السحري على حياة شخصياتنا قرر ان يعود الى عالم الخيال وفي طريق عودته التقت عيناه بعيناي عصفوره جميله فوقع في حبها من اول نظره واصطحبها معه الى عالم الخيال ليعيشان هناك بحب وسعاده

.

عصآفير في السمآء ,, عصآفير في الارض ,, يجمع بينهم الحب والوفاء والاخلاص ف يكملون حياتهم على هذه الاحجار التي تبني لهم طريق السعاده ولكن لا باس من بعض المشكلات فهي بمثابة النكهات الاساسيه للجميع

.
.

في نظري كل نهآيه لهآ بدآيه
وروآيتنآ لهآ بدآيه من بعد النهآيه
ولككن هذه البدآيه انتم سترسموهآ مع عصآفيركم السحريه
اشككر كل لمسه سحريه قد رأتهآ عينآي هنآ ( ردودكم )
.
اممم عندي اسئله اخيره ,,
رآيكم في القصه التي احتوتهآ الروآيه !
+
رآيكم في الشخصيآت !
+
رآيكم في البدآيه والنهآيه !
+
رآيكم في اسلوب الكتآبه !

[*بنت الهوامير]

رووووووووووووووعهه أول مرهه أقرأ روايه و تعجبني
تسلمييين يالغلا ..
لو تشوفيني كل ما اقرأ تغريدهه أسير اخبر خواتي و يقولن لي يالله كملي و قولي ههههههههههههههههههههههه
ربي يحفظج يالغاليه

[miss ..dfsha]

الرواااااااااية روووعة وصجج اول مرة اتأثر برواية واصييح اهنييييج عهاروااية وننتظر يدييدج

امممم بقوولج راايي فالشخصياات ..

فطووم .. اممم كاانت تقهرني اول شي لانها ماخبرت حد باللي صااار بس فالنهااية عووورت قلللبي

عبدالله .. حبيييت شخصييته وكااان مررح وسواالفه تضحك ههه

حمد .. ماكانت طايحة علييه القسااوة وكان يقهرنيي باللي يسوييه ففطوووم بس الحمدالله حسس فييها

مهرة .. حبوووبة ومرحة وشخصيتها نفس حمييد تقرييبا والله يسعدهم

وبثث

[فضوليه]

رووووووووووووووعهه أول مرهه أقرأ روايه و تعجبني
تسلمييين يالغلا ..
لو تشوفيني كل ما اقرأ تغريدهه أسير اخبر خواتي و يقولن لي يالله كملي و قولي ههههههههههههههههههههههه




ربي يحفظج يالغاليه

ربي يسللمج غلآآآيه هذا من ذوقج

وان شاءللله انزل روايه يديده وتعجبكم ^_^
الكاتبه بتكون ربيعتي =)

[فضوليه]

الرواااااااااية روووعة وصجج اول مرة اتأثر برواية واصييح اهنييييج عهاروااية وننتظر يدييدج

امممم بقوولج راايي فالشخصياات ..

فطووم .. اممم كاانت تقهرني اول شي لانها ماخبرت حد باللي صااار بس فالنهااية عووورت قلللبي

عبدالله .. حبيييت شخصييته وكااان مررح وسواالفه تضحك ههه

حمد .. ماكانت طايحة علييه القسااوة وكان يقهرنيي باللي يسوييه ففطوووم بس الحمدالله حسس فييها

مهرة .. حبوووبة ومرحة وشخصيتها نفس حمييد تقرييبا والله يسعدهم

وبثث

تسلمييين حبيبتييي وانشاءالله في روايه بنزلها عقب فتره


وتسلمين حبيتت رااايج فــ الشخصيآآت =)

[*بنت الهوامير]

ربي يسللمج غلآآآيه هذا من ذوقج

وان شاءللله انزل روايه يديده وتعجبكم ^_^
الكاتبه بتكون ربيعتي =)

نتريا الروايهه بأحر من الجمر ههههه
عقب الامتحانات ع طول حطيها .. ^^

[فضوليه]

نتريا الروايهه بأحر من الجمر ههههه
عقب الامتحانات ع طول حطيها .. ^^

هههههه
آن شآآءالله =)
وموفقين فـ آلامتحآنآت
ونبأأ نسبه عأأليه آآوكـ

[كراميش]

أبصراحه روايه وايد حلوه

[فضوليه]

أبصراحه روايه وايد حلوه

تسلميين فديتج منوره =)

[كلامي عسل]

وااااااااااااااااااااااااااااااااااااااااااااااااا ااااااااااااااااو


روووووووووووووووووووعه

[فضوليه]

وااااااااااااااااااااااااااااااااااااااااااااااااا ااااااااااااااااو


روووووووووووووووووووعه

مرووورج الروووعه فديتتج

[دمعه سويديه]

رووعه