حمده وحركاتها ..!!

**Om 7aMda** · 2007-08-28, 13:12

السلام عليكم ورحمة الله وبركاته ..

خواتي الغاليات ,, بغيت اخبركم عن بنتي وإلي عندها الحل تعطيني اياه ,,

الله يسلمكم بنتي ((حمده)) بتكلم سنه بإذن الله تعالى تاريخ 24-9-2007
واحس انها بدت نعاند في بعض الامور ,, مثلا يوم البسها الحفاظة او الثياب
او يوم اكوون يالسه عالنت واتي تمسك شاشة الاب توب وشوي وتكسرها لأنها تردها على ورا ....
وانا احاول اني اعاقبها بإني اضربها على ايدها ,,.

ما ابها تطلع عنيده ولا ابا تضرب حد . لأني لاحظت عليها انها قامت تمد ايدها يوم تصيح .. وتمط الشعر ..

ساعدوني خواتي اللي عندهم الخبرة قبل ما تتفاقم عالاعراض ,,,

المزيد من آخر المواضيع من نفس القسم:

**Om_ Sa3eed** · 2007-08-28, 18:08

هلا الغاليه..
الصراحه حتى انا بنتي (في 10 بتكمل سنه) ما تخليني ايلس ع الاب توب .. واذا يلست تحت نطت عليه وردت الشاشه ع ورا..وما شاء الله عليها ما تواحيلي من اخوز عنه ..حبت بسرعة وسارت عنده ولعبت به..
ودايما تصيح اذا يالسه عند الاب توب .. تباني على طول أشلها وأطلعها برع البيت..

ويمكن هالسن يكونون عصبيين .. ويبون كله حد شالنهم ويلعبهم..

**امـ فطومـ** · 2007-08-29, 13:17

طبيعي هالسن جذيه يحبون يتعبلون في كل شي..

بنت اختيه نفس بنتج ما تخلي شي ما شاء الله عليها اذا حد مسك التيلفون نطت كمبيوتر اي شي اتي تتعبل...

طبيعي هالعمر يبتدون يكتشفون المحيط اللي هم فيه

**عمةالدلع** · 2007-08-29, 13:22

سوي لها طاف لان الياهل ان تعود تردوا عليه لما يشاغب ول يضرب عمره تصير مشكلة

وانتي نظمي امورج
مثلا لما تنام الامورة حمدة استخدمي اللاب توب

**Om 7aMda** · 2007-08-29, 13:39

مشكورات خواتي ....
وان شاء الله احاول اسيطر على حركاتها ..

**أم خليفه الريال** · 2007-08-29, 23:19

أأختي الطفل بهذا السن يبدأ يتعرف على عالمه الخارجي ويتعرف على كل شئ حوليه ..الكوب ع الطاوله يحاول يأخذه علبة المحارم مايخلي شئ فيها ..اللاب توب الشاشه فيها ألوان تلفت انتباه أكثر ..بنتج مب عنيده بنتج ذكيه عطيها اللاب توب لو دقيقه تحاول تمسكه تضغط على اللوحه..بتشبع من اكتشافها وبعدين بتخليج ع راحتج..السكين مثلا بالنسبه لطفل لعبه اتقطع أنتي اتعلمينهه الخطوره في هذا الشيء وتعلمينه يفرق بين الحار والبارد..والشئ اللي مافيه خطوره ليش نمنعهم من اكتشاف وكل مااكتشف الطفل اللي حوليه بطريق صحيحه تكون سلوكياته سليمه..الطفل وايد ذكي ومحتاج حد يفهمه وفي هذا السن كل اللي حوليه ألعاب..

**miss2008** · 2007-08-30, 03:28

هلا حبوبه ... المهم لاتضربيها على يدها ولا شي وانا عندي الحل ... واختي فديتها تتعمل مع عيالها حركه معين فديتهم والله ا... واحد عمره3 سنوات والثاني 2 واذا اتريد الحل رساله عالخاص وثانكس

**بنوته راك** · 2007-08-30, 14:38

طبيعي هالسن جذيه يحبون يتعبلون في كل شي..

الموضوع: حمده وحركاتها ..!!

أدوات الموضوع

عرض

العرض المتطور

حمده وحركاتها ..!!

المزيد من آخر المواضيع من نفس القسم:

المواضيع المتشابهه

عبي حمده

تحيه مني ومن حمده لكم....

سمع الله لمن حمده

][ j u i c y c o u t u r e ][ مع حمده القبيسي