الحل

[عطر البراءة]

السلام عليكم ورحمة الله

مشكلة انسانه قريبه مني بعد عدت محاولات انها ادور الحل الصحيح بس للاسف •• وياليت الي عندها الحل الي يساعدها تقولها شو تسوي وكيف تتصرف ••

انا متزوجه من مده الحين حياتي بالبدايه كانت حلوه وبعد فتره بدت التدخلات والمشاكل من قبل اهل الزوج وانا اسكت واطنش لاني كل ما اشتكي او افضفض لزوجي يعصب ويسويها مشكله كبيره وطبعا ما يتقبل الحوار او التفاهم •• وصرت وايد اعاني لان كل شي اكتمه بداخلي •• وثاني شي اكتشفت ريلي ما يصلي كل مره اساله صليت يقول هيه اقوله ما شفتك تصلي يحلف انه صلى وانا اعرف انه مب مصلي وحتى برمضان كشفته ايام يفطر فيهن كل مره اكلمه عن الصلاه وعن الصيام واقوله قصص للموعضه بس ما تغير شي •• احيانا اقوله يلا بنصلي مع بعض ونفس الرد صليت واحيانا يحس اني كشفته ويقوم يصلي •• احس حياتنأ مافيها راحه ومتاكده هذا السبب •• وغير جي كل ما افكر ازور اهلي. اهله يتضايقون ويكلموني بدون نفس ما اعرف ليش يحسسوني بسوي شيء غلط صرت ما اشوفهم غير كل 4 او 5 شهور مره ••وثالث شيء كيف اتعامل مع النفسيات المزاجيه والي دوم ما يعجبها شي بالحياه وتشوف الناس اقل منها وكثيرة الكلام من وراء الناس •• ياليت تساعدوني كيف اتصرف •• وشكرا لعطر ع طرح مشكلتي ••

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت زاايد]

اسال الله ان يهدي ويصلح زووجج ويجعلج قرة عينه وقلبه ...

اسال الله ان يسعدج دنيا واخرررره

استعيني يا اختي بالدعاااء له في كل صلااه وباذن الله يهدي قلبه

سبحان الله وبحمده عدد خلقه ورضا نفسه وزنة عرشه ومداد كلماته

[الأصالة]

حبيبتي مالج غير الدعاء
الله يهديه ويسخره لج

انتي سوي الي عليج وتمي انصحيه وقوليله لا اتخلي الشيطان يلعب براسك ويبعدك عن رب العباد
كلميه بالحسنى والموعظه الحسنه
والله يسخره لج

ومن جهه اهل الزوج انتي عامليهم نفس اهلج ولا تتكبرين عليهم وايلسي وياهم
وبعدين لاتتكلمين عند ريلج عن اهله مهما كان هذيلا اهله وما بيرضى عليهم نفس ما انتي ما ترضين على اهلج

[مبتسمةمتفائلة]

اسال الله ان يهدي ويصلح زووجج ويجعلج قرة عينه وقلبه ...

اسال الله ان يسعدج دنيا واخرررره

استعيني يا اختي بالدعاااء له في كل صلااه وباذن الله يهدي قلبه

سبحان الله وبحمده عدد خلقه ورضا نفسه وزنة عرشه ومداد كلماته

[ورقة ناعمة]

حبيبتي مالج غير الدعاء
الله يهديه ويسخره لج

والنفسيات المزاجيه وااااااايد وكل واحد تعامليه على حسب مزاجيته اهم شي تكون مزاجيتج انتي توب وتتقبلين بروح رياضيه

[بهلولة]

ما اقول غير الله يهديه
يعني شوتبين من انسان اهممممممم اسايات الحياة ما يسويها
وهي عماد الدين

لو مكانج اقل شي اسويه اني اتصل برجل دين واستشيره بهالموضوع الخطير
واهل ريلج ما يحقلهم ابدااااااااااااا يدخلون بزيارات اهلج
خاصة لو انتي اللي كنتي تسيرين بيت اهلج
يعني مو اهلج اللي يسيرون عندهم بالبيت (لاني اعتقد انج ساكنه ويا اهل ريلج)
خلهم يتضايقون شوي
بس بالنهاية بيتعودون
لكن انج اتشوفين اهلج كل 4 شهور هاذي وايد كبيره

وبالنسبة للنفسيات
انا عني اذا انسان تضايقت من تصرفاته اتجاهله وما اكلمه
ولكن اذا كنت مضطره للتعامل معاه فيكون بينا كلام قليل ورسمي

[المغتربة]

غناتي توج بادية حياة يديدة ف بيت اهل زوجج
وكلنا مرينا بمشاكل في بداية حياتنا

1- طلعاتج و روحاتج هاي خاصة فيج و عندج ولي امرج بو عيالج
ما له داعي تخبرينهم وين طلعتي وين يتي ،، عسب ما يعرفون و ترتاحين و عسب ما تستوي لج مشاكل
يعني يوم بتسيرين بيت اهلج تخبرين ريلج فقط
2- حاوولي دامج يديدة تكون لج خصوصيتج ،، انا حسيت انج من النوع اللي مب مكتومة و اطلعين اللي بقلبج طبعا غلط ها الطريقة
3-عاملي اهل زوجج معاملة اهلج ايلسي معاهم و خلج وسطية لا تقولين لهم اسرار بيتج و تسولفين 24 ساعه ولا انج ما تشوفينهم ،، خلي عندج حدود معين معاهم بس بدون ما تحسسينهم ف ها الحدود
4- لا تنقلين اي شي لزوجج و العكس صحيح لاهله ابدا خاصة الذم اما المدح بالعكس دايما امدحيهم يدام ريلج بيعزج اكثر
5- كلما تسوين شي حلو و زين بيني ها الشي يدامه عسب يرتاح بطريقة حلوة و غير مباشرة
6- اما من ناحية التزام ريلج بالنصيحة و التوجيه و الحب و افرشي له السيادة و حطي له القران و يوم تكون في محاضرات معينة سيري و ويا و يوم الجمعة الصبح شغلي القناة السعودية عسب يجوف اللي يعتمرون و قولي له ف خاطري اروح العمرة لو ماديييته ما تسمح ممكن تسوين له هدية و تسافرون العمرة ما فيها شي

[كسوله وادلع]

الله المستعان بس

الله يهديه و يسخره لج

[نبض المشآعر]

الله يعينج

[Ch3nel]

غناتي توج بادية حياة يديدة ف بيت اهل زوجج
وكلنا مرينا بمشاكل في بداية حياتنا

1- طلعاتج و روحاتج هاي خاصة فيج و عندج ولي امرج بو عيالج
ما له داعي تخبرينهم وين طلعتي وين يتي ،، عسب ما يعرفون و ترتاحين و عسب ما تستوي لج مشاكل
يعني يوم بتسيرين بيت اهلج تخبرين ريلج فقط
2- حاوولي دامج يديدة تكون لج خصوصيتج ،، انا حسيت انج من النوع اللي مب مكتومة و اطلعين اللي بقلبج طبعا غلط ها الطريقة
3-عاملي اهل زوجج معاملة اهلج ايلسي معاهم و خلج وسطية لا تقولين لهم اسرار بيتج و تسولفين 24 ساعه ولا انج ما تشوفينهم ،، خلي عندج حدود معين معاهم بس بدون ما تحسسينهم ف ها الحدود
4- لا تنقلين اي شي لزوجج و العكس صحيح لاهله ابدا خاصة الذم اما المدح بالعكس دايما امدحيهم يدام ريلج بيعزج اكثر
5- كلما تسوين شي حلو و زين بيني ها الشي يدامه عسب يرتاح بطريقة حلوة و غير مباشرة
6- اما من ناحية التزام ريلج بالنصيحة و التوجيه و الحب و افرشي له السيادة و حطي له القران و يوم تكون في محاضرات معينة سيري و ويا و يوم الجمعة الصبح شغلي القناة السعودية عسب يجوف اللي يعتمرون و قولي له ف خاطري اروح العمرة لو ماديييته ما تسمح ممكن تسوين له هدية و تسافرون العمرة ما فيها شي

[احتاجك..]

سبحان الله وبحمده عدد خلقه ورضا نفسه وزنة عرشه ومداد كلماته