ريلي والحمل

[آم سع ـيد]

حبيبتي ..
آخذي آلآمور ببسآطه .. لآ تخلين هآلموضوع يآثر فيج وتفكرين فيه ..
لآن آن يلستي تكثرين تفكير بتتآثر نفسيتج والنفسيه تآثر بآلحمل .

آستآنسي بهآلفتره وخلج دآيمآ مرحه ومتفآئله .
وفكرة آلفحوصات فكرة حلوه .. تتطمنون ع وضعكم مع آن هآلتآخير آحسه عآدي يعني مآ كملتوآ سنه عسب هآلقلق .
آحيد مره كنت آرآجع عند دكتوره قبل لآ آحمل آول مآ دخلت عندهآ قآلت لي كم كملتي من عرستي ؟ قلت لها سنه وشهرين آعتقد قآلت لي لو كنتي مب مكمله آلسنه جآن رديتج بيتج ! هههه ..

وهآلريآييل دآيمآ يغآرون هههه ..بس آنتي عآدي قوليله مثل مآ آلله رزق فلآن وفلآنه بيرزقنآ آن شـآء آلله ..
آنآ مآ عرفت آني حآمل آلآ قبل لآ آكمل آلسنتين بحم يوم ^^
بس كنت آدعي ربيه وآتصدق بنية آلحمل وكنت عآيشه ومستمتعه بحيآتي بآلقو ..
آكيد كنت آبآ بيبي وخآطريه ومتقطعه عسب آحصل نتفه منه هههه بس هآلشي مآ نقدر نتحكم فوجوده .


آلله يرزقكم قرييب يآرب ..
ويفرح قلبكم بكتكوت صغينوني ..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[امل السورية]

بالتوووووووووووووفيق

[um YaSs]

ياحليييلكم توووكم معاريييس

استانسوا واطلعوا وروحوا وسافروا وغيروا جو لاحقين عالصدعه والسهر

قوليله متى ما الله كتب ان شاءالله بحمل ليش مستعيل خلني اتهنا فيك خخخخخ

صدق لا تستعيلون لان البيبي مب بس بيبي ولعب لااااا والله تعبببب وما بتحصلون وقت تقعدون فيه مع بعض

وانتي لا تتضايجين ترا يأثر عالحرمه خلي نفسيتج مرتااحه ومستانسه ويوم بيقولج شي قوليله ان شاءالله الله بيرزقنا


والله يرزقكم الذريه الصالحه عااجل غير اجل يارب

[أم راشد العين]

الله يرزقكم الذريه الصالحه

[قمر حبيبي]

الله يرزقج الذريه الصاله وتوج عروس وان شاالله ماعليج شر وبتحملين وبتفرحين قلب ريلج بعد

[munamoor]

يحليلج و الله
انا تأخرت سنتين قلت خليني استأنس و بعدين اييب عيال
وصدق يوم يبت بنتي كنت كله في بيت أمي ما كنت عارفة ادبر أموري خير شر لاني كنت اشتغل و شغالتي سفرتها يوم عرست
يعني حبوبة استانسوا مع بعض اطلعوا سافروا سيروا العمرة و لاحقين على اليهال و بعدين بقول لج يالغلا هب كل الحريم سوى في مسالة الحمل و لا الرياييل
هب الشرط تكونين انتي السبب في التأخير ولا هو السبب أوقاتا رب العالمين سبحانه يبغي يشوف و يخبر عبده الصبور الي يشكره في كل وقت

[To0ofy]

استانسي وتكشتو سيري فنادق معاه وحوطي هههههههه الله بيرزقكم ليش هالعيله والصدعه وإهمال الريل تريوو والله بيرزقج ان شاءلله

[ضيقة القلب]

يالله أنا قلت بتقولين 4 اسنين
أنا حملت عقب عرسي بأربع شهور وبصراحه احس وااااايد ستعيلت ليتني استأنست اكثر بس الحمد لله
والله تؤكم استانسو وسافروا واطلعوا
بس سيري جيكي والله يروقج

[JEWELL_80]

موفقةان شاءالله

[الأصالة]

السلام عليكم

يزاكم الله خير خواتي

اصلا انا مستغربه من استعياله هذا
اتوقعت انه ما يفكر فالموضوع وايد اوكيه يمكن هو في خاطره يكون ابو
بس ما اتوقعت انه يغار....


فديتكم والله

[كلوديا]

يابنت الحلال استمتعي بحياتج الحين واذا الله راد الحمل راح تحملين باذن الله توج عروس ... ولاتزعلين من ريلج هو قال افخاطره بس فضفضه

[الأصالة]

ما اعرف ليش حمل بنت خالته اثر فيه لهدرجه

انا اول شهرين من العرس كنت صدق مستعيله وانحبط اذا ما صار حمل
بس صدقيني احس انها خيره لنا وخاصه اني دوام ودراسه ما بينفع الا يوم يبقالي شي بسيط من الدراسه

ان شاء الله هو بعد يقتنع بالموضوع

[Bint Ghareeb]

فهمي ريلج واقنعيه انه هالشي مكتوب من عند رب العالمين ومب في ايدج

والخيره بما اختاره الله ...
انتو بعدكم معاريس يديد فديتج وحاولي تفهمينه انه اليهال لاحقين عليهم والعمر جدامكم حبيبتي ...
اغلب البنات الي حملو باول شهر من العرس اتندمو لانهم ما عاشو هالفترة برومنسيتها وجمالها


انا حملت بعد عرسي عقب سنه وما ندمت او تحسرت
لاني حسيت اني فهمت ريلي عدل وتفاهمنا على كل شي واستقرت اوضاعنا
ويوم ارتاحت نفسيتي حملت على طول ...
حاولي تبعدين عمرج عن الضغوط وارتااحي فديتج

[ملاك الشارجه]

كـلام الاخوات كلهـم صح انـا حملت عقب عرسي 6 شهور بس الله ماتمم ها الحمل ونزل في الشهر الرابع وعقبها 8 شهـور حملت والحمدلله جيبت بنتي وعمرها اللحين تقريبا 4 سنوات واللحين حامل في الشهر السادس والحمدلله
اختي ربج يوم يريد يقول كـن فيـكون
لا تستعجلين حبيبتي لاحقه على المسئوليه

[ميانه بوظبي]

الله يرزقكم بالذرية الصالحة