يومياتي success is an option

[نانا الحيرانة]

تقريري حق أمس 23-11-2012

السموحة نزلته متأخر بس ما كان عندي وقت

المهم

الريوق كان كرواسون جبن و جاي كرك

سناك 1 - تفاحة خضرا

الغدا 5 خواشيق عيش + سلطة + سمج مشوي

أحاول قد ما اقدر اذا يا ف خاطري شي اكله , أخاف احرم عمري طول الاسبوع

و يوم اليوم المفتوح انفجر مره وحده و تعرفون الواحد إذا خبص صعب يرجع

للنظام اللي قبل ف أجبر نفسي اني التزم

سناك 2 - برتقالتين

العشا - حبتين بسكوت دايجستف + روب قليل الدسم

بخصوص الرياضة حاولت اخفف قد ما اقدر و مشيت نص ساعه مشي خفيف

الماي - شربت لتر و نص بس مع اني احاول اكثر

تصدقون بنات اشتقت للتمارين صار لي يومين يالسه و مرتاحه و مب مسوية شي

و احس بالذنب اتمنى تخلص الدورة بسرعة بس عشان ارجع اسوي رياضة

فعلا السالفة كلها على بعض سالفة اسلوب حياة \ لايف ستايل . يعني الواحد من يتعود على شي

خلاص ما يقدر يتركه

و حبيت اقول شي للبنات اللي دايما يأجلون و يقولون باجر و باجر و ما عندهم ارادة للمتابعة

او ينحبطون بسرعه , بس فجي قوقل , اختاري تمرين من تمارين جيليان او انسينتي على حسب القدرة

و شوفي صور الناس قبل و بعد , صدقوني بتتحمسون و الوحدة بيصير عندها دافع انها تصير جي

اذا هم يقدرون نحن ليش ما نقدر اذا في ناس اوزانهم فوق ال 300 باوندات او 400 باوندات

قدرو ينقصون ، عيل نحن بعد نقدر ننقص هالجم كيلو ، شدن حيلكن بنات و ما في شي صعب ان شاء الله

يومج حلو وممتاز

زفعلا كلامج صح هو فقط تغير نمط حياتنا ناكل كل شي باعتدال ونخلي الرياضه جزء من حياتنا مب بالضروره نشترك بنادي او نعذب روحنا اي نوع رياضه وابسطه المشي او حتى تمارين بسيطه من اليوتيوب وبنحافظ على صحتنا والوزن

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[بنت الهنوف]

يومج حلو وممتاز

زفعلا كلامج صح هو فقط تغير نمط حياتنا ناكل كل شي باعتدال ونخلي الرياضه جزء من حياتنا مب بالضروره نشترك بنادي او نعذب روحنا اي نوع رياضه وابسطه المشي او حتى تمارين بسيطه من اليوتيوب وبنحافظ على صحتنا والوزن

تسلمين فديتج ، صح كلامج ، و ها اللي أنا ناوية أسويه ان شاء الله يوم أوصل لهدفي الأخير

[بنت الهنوف]

تقريري لأمس 24-11-2012

تريقت توست أسمر + جبن + خيار + خس و كوب جاي كرك

سناك 1 - شريحتين أناناس

الغدا - لحم مشوي + شوربة

سناك 2 - تويكس ما قدرت أقاوم

العشا - سلطة مع روب ، احاول أغير لن احس جسمي بيمل من نفس الشي دوم

الرياضة - مشيت ساعه مشي خفيف



“It's not about perfect. It's about effort. And when you bring that effort every single day, that's where transformation happens. That's how change occurs.”

[عروس دبي 20]

مشاء الله عليج أختي .. الله لا يغير عليج عزيمتج

وان شاء الله نباركلج بوصولج للهدف الاخير اللي تطمحيين له

[بنت الهنوف]

مشاء الله عليج أختي .. الله لا يغير عليج عزيمتج

وان شاء الله نباركلج بوصولج للهدف الاخير اللي تطمحيين له

ان شاااااااااء الله حياتي ، تخيلت شكلي بالهدف الاخير و تحمست اكثر

الله يسمع منج ، اتمنى اوصل للهدف اللي اباه

ادعي لي

[نانا الحيرانة]

يومج حلو ما عدا الشوكليت بس ماعليه المهم تكملي عزيزتي

[بنت الهنوف]

يومج حلو ما عدا الشوكليت بس ماعليه المهم تكملي عزيزتي

ثانكس حياتي ، بخصوص الشوكليت ، لا تنسين فديتج انه نظامي تخفيف مو حرمان

الحبة اللي كلتها صغيرة بس كلتها لنه يا فخاطري و جي

[بنت الهنوف]

تقريري 25 - 11 - 2012

الريوق كان فطيرتين سبانخ و تفاحة و جاي كرك

بعد الريوق بساعتين سويت تمارين جيليان و الحمدلله اخيرا قدرت اسوي الكارديو بدون توقف

ريحت بعدها شوي و عقب مشيت ساعه

السناك كانت كوب حليب قليل الدسم ، بعد الرياضة عشان تنبني العضلات

الغدا صدر دجاج مسلوق + سلطة

سناك 2- تفاحه

العشا - روب قليل الدسم + ححبتين بسكويت دايجستف

الماي لترين ونص الحمدلله

[رعْشة ورِيد !]

مرحبا خواتي ..
سوري امس ما قدرت ادخل ..
انا بتبع الرجيم الياباني ..
اللي هو :
الافطاار اليومي :
- ثمرة موزٍ متوسطةٍ يمكن الاستبدال بها أي نوع فاكهةٍ آخر ما عدا المانجو والعنب
- كوب حليبٍ خالي الدسم.
- شاي أو قهوة من دون سكر ويسمح باستخدام البدائل
- ثمرة فاكهةٍ متوسطةٍ أو خضراواتٍ طازجةٍ بين الإفطار والغداء.

الغداء:
- طبق سلطةٍ خضراءٍ.
- نصف علبة زبادي خالي الدسم متبلٍ بالبهارات.
- نصف كوب أرزٍ أبيضٍ مطهو على البخار من دون إضافة أي دهونٍ أو شريحة توست أسمر
- كوب خضراوات تم طهوها على البخار ما عدا البطاطس والبازلاء
- تناول ثمرة فاكهةٍ متوسطةٍ أو كوبٍ من العصير الطازج من دون سكر بين الغداء والعشاء

العشاء:
- شريحةٌ كبيرةٌ من السمك المشوي أو علبة تونة
- طبق سلطة خضراوات.
- ملعقةٌ كبيرةٌ من الزبادي.
-
مع تغييرات انا بسويها احسها افضل لي ..
و التوقف عن الاكل من الساعه 8 للساعه 9 كحد اقصى ومن بعدها بس شرب ماي و شاي اخضر ..


امس اول ما قمت شربت ماي 500 مل و ريوقي كان حبة موزة و شاي اخضر ..
و الغدا من صب واي 6inch و الخبز اسمر ..
بعدها علئ العصر شربت شاي اخضر ..
و تعشيت زيتون اسود مااذكر كم حبه بالضبط .. و عصير بطيخ ..
و ماي شربت لليوم كامل لترين تقريبا ،،
و المشي نص ساعه ..
واليوم بالليل بدخل و بحط تقريري لليوم

[نانا الحيرانة]

حلو يومج ودام الشوكليت قطعه صغيره ما يخالف

[بنت الهنوف]

تقرير امس 26-11-2012

الريوق كان فطيرتين جبن و كوب جاي

سناك 1 - عصير اناناس

الغدا سلطة + صدر دجاج

سناك 2 - حبتين بسكويت دايجستف

العشا - روب و تفاحة

البارحة كنت وايد بزي ف شربت بس لتر و نص ماي

و الرياضة مشيت نص ساعه بس

ما كنت راضية عن امس بس قلت بعوض اليوم

[بنت الهنوف]

تقريري اليوم 27 - 11 - 2012

الريوق كان 2 توست اسمر + شريحتين جبن قليل الدسم و كوب جاي كرك

عقب الريوق بساعتين سويت رياضة

اول شي بديت بتمارين انسينتي \ حسيت اني ما بسوي شي اخر تمارين كانن وايد صعبات

بس ها كان دافع اني استمر ، عقب ريحت مال ربع ساعة و سويت تمارين جيليان و الحمدلله ارتحت وايد

بديت اتطور اكثر عن قبل و الكارديو ما اتوقف فيه مول ما شاء الله

بعدين ريحت نص ساعة و شربت ماي

و عقب مشيت ساعه كاملة

و اول ما خلصت تمارين شربت كوب حليب - سناك 1

الغدا كان لحم مشوي + سلطة

سناك 2 - تفاحة

و العشا راح يكون روب اكتيفيا قليل الدسم + برتقالة

و الماي ولله الحمد شربت للحين لتر ونص و ان شاء الله بشرب لين اوصل اللترين

[بنت الهنوف]

رعشة وريد ، حلو يومج ، حطيتي ف خاطري اكل سب واي هههههههههه

[بنت الهنوف]

Instead of giving myself reasons why I can't, I give myself reasons why I can.

[الأصالة]

شدي حيلج حبووووووبه

موفقه