منو جرحت انسان تدخل ؟؟

**Q8ia_100%** · 2007-08-28, 15:43

اتصدقون اذا جرحت احد اكيد يكون سوء تصرف مني بدون قصد
بس ما اذكر اني جرحت احد
واذا جرحت احد اطلب من الله انه يسامحني
ومن ناحيه اذا احد جرحني ما اذكر والله لاني بسرعه انسى الاساءه اذا اللي جدامي بين لي انه متحسف

**العنـــــود** · 2007-08-28, 15:54

المشاركة الأصلية كتبت بواسطة الاورغانزا

والكلمه الي بقولها افكر فيها 100 مره قبل ما اطلعها واجرح فيها خلق الله

هذا طبعي الحمدلله

**العنـــــود** · 2007-08-28, 15:55

بس مشكلتي حقانيه وكلمه الحق لازم اقولها من دون لاا احاتي اي شي ...

الغاويه اكيد فاهمه قصدي ههههههههههههه

**العذوب** · 2007-08-28, 16:24

في يوم قبل سنة ونص جرحت خطيبي بتصرف متهور ... والله العظيم يوم شفته ماقدر يوقف من الصدمة وكان بيطيح في الشارع تمنيت الأرض تنشق وتبلعني .. ولليوم كثر ما أشوف منه من بلاوي وكثر ما يضايقني أشوف منظره يوم ما قدرت اتشيله ريوله لأني جرحته قدام عيوني وأحس عمري بصيح وأقول بصبر هو للحين مصدوم مني بس ربي بينسيه اللي صار وبرتاح بعدين ..

**znoOoOb** · 2007-08-28, 16:31

المشكلة لما الواحد اعصب خلاص ينسى نفسه

ووالله يبعد عنا الحزان والتجريح ويهدينا

**اختكم ###** · 2007-08-28, 16:38

انتي دقيتي على الوتر احساس .....

ما اتذكر اني جرحت حد من قبل لكن دايماانجرح والله من خوات ريلي بس من كم يوم ...

قلت حق ريلي كلمة بدون قصد ( بالتليفون )والله وهالكلمة سمعتها اخت ريلي ( صديقتي وايد ) وهاي الكلمة تجرح

ريلي واخته في نفس الوقت بس ريلي عادي سار يقوللها انا اعرف حرمتي ما تقصد الكلمة كانت معصبة ..

وعاد انا اعتذرتلها ثلاث مرات مرتين بالتليفون ومرة مسج ههههه بس ما احس انها رضت .. والله ما تهون علي

فديتها .. يلا ما عليه العيد قرب بسلم عليها في العيد انشالله تكون نست لين هذاك الوقت ..

**غرشوبة ال غرشوب** · 2007-08-28, 16:44

انا مرة جرحت ابووووووي بكلاااااام قاسي اشوي وماكنت اقصده مااقدر اقوللكم اياااااه بس كل ما اذكر اكره عمري وعيني تدمع

انا دوم اقول كلاااام وعقب اندم علييييه بس والله كله في حالة غضب ومب من قلبي بس عسب اغايض الشخص الي جدامي واقهره اقوم واجرحه

**العذوب** · 2007-08-28, 17:18

المشاركة الأصلية كتبت بواسطة غرشوبة ال غرشوب

انا مرة جرحت ابووووووي بكلاااااام قاسي اشوي وماكنت اقصده مااقدر اقوللكم اياااااه بس كل ما اذكر اكره عمري وعيني تدمع

انا دوم اقول كلاااام وعقب اندم علييييه بس والله كله في حالة غضب ومب من قلبي بس عسب اغايض الشخص الي جدامي واقهره اقوم واجرحه

لا يا أختي إلا الأبو ..

الله يرحمك يا أبوي قضيت عمري أحاول ما أزعله الحمد لله كنت حبيبته ودلوعته .. واليوم أنا ندمانة على سخافات يهال كنت أسويها يوم أنا طفلة .. الله يرحمه ,, الله يرحمه ,.,

**الغاوية22** · 2007-08-28, 17:23

المشاركة الأصلية كتبت بواسطة العذوب

لا يا أختي إلا الأبو ..

الله يرحمك يا أبوي قضيت عمري أحاول ما أزعله الحمد لله كنت حبيبته ودلوعته .. واليوم أنا ندمانة على سخافات يهال كنت أسويها يوم أنا طفلة .. الله يرحمه ,, الله يرحمه ,.,

الله يرحمه ويسكنه فسيج جناته وصدقتي اختي الا الابو والام ينجرحون انه بنتم طول العمر ندمانين

**صفصف** · 2007-08-28, 17:27

فديتج عذوبتي كل شي ولا العذوب والله احبها وااايد الله يرحمه ويغمد روحه الجنه اكيد طالعه عليه طيبه وحنونه فديت قلبج

**شبيـــه الريــم** · 2007-08-28, 17:28

ا اوهـــــــــــــــــــــــــــــــــــــــــــــــ ـــوه انتي بموضوووعج هذا جرحتينــــــــــي صدق ... بصراحه انا فيه وحده دووووووووووووووووم اجرحهااا وأهزئها وما اخلــــــــــــــــــي شي فيها الاا وانتقده ... يعني اجرح وانتقد وماشالله ع نقــــــــــدي لااااااااااااااااااااااذع ويلدغ لدغ يعني اللي يطيح فلساني راح فيها ,,, يمكن مب قصدي ا انه شخصيتي جيه بس اذا شفت شخص وفيه طبع **** مااااااااااصخ و زلع انصحه بطريقه غير مباااااااااااااشره وانا نادرا ما تنفهم نصيحتي لاني اخليها فكاهيه اكثر من انهااا نصيحه اونه اتبع الاسلوب الحضاري للتوضيح بس عفان الله ما يفهـــــــــــــــــــون ,, ما عليناا اسكت مره 2 والثالثه ثابته انقع نقعه شبيــــــهيــــه ... مب موضوعنا بعد نرجع للبنت اللي دوم اجرحهـــــــــــــــا هاي البنت موجووده فالمنتدى لاا وقرت موضوووعج والادهى قاعده تكتب لج الرد الحين ..

يمكن لاني طيبه فالاخرين يستغلون هالطيبه ... امممم مادري برايهم بس قولة الحق تنقال يعني الجواب الاخير نعـــــــــــــــــــــــم اجرح كل شخص يحاول مجرد محاوله انه يفكر مجرد تفكير ما بنخلص ههههه انه يضرني ... وسوري عالاطاله ......................

وسلمتي...

**بنت الشوامس** · 2007-08-28, 17:29

المشاركة الأصلية كتبت بواسطة أم ميودي

انا جرحت وانجرحت
انجرحت وايد وايد من اغلى ناسي بو عيالي لكن كنت اصبر واسامح , ويوم جرحته بجرح ابسط مليون مره من تجريحه لي عاقبني بعقاب لا يمكن تصوره
وهاذوني لا ليلي ليل ولا نهاري نهار
الله يعلم سحر ولا حسد الي جلب حالنا جي ماقول الا حسبي الله لا اله الا هو عليه توكلت وهو رب العرش العظيم

عليج بسورة البقرة كل يوم حتى لو تحطين شريط يقرا طول اليوم .... الله يفك ضيجتج يارب

**بنت الشوامس** · 2007-08-28, 17:33

المشاركة الأصلية كتبت بواسطة اختكم ###

انتي دقيتي على الوتر احساس .....

ما اتذكر اني جرحت حد من قبل لكن دايماانجرح والله من خوات ريلي بس من كم يوم ...

قلت حق ريلي كلمة بدون قصد ( بالتليفون )والله وهالكلمة سمعتها اخت ريلي ( صديقتي وايد ) وهاي الكلمة تجرح

ريلي واخته في نفس الوقت بس ريلي عادي سار يقوللها انا اعرف حرمتي ما تقصد الكلمة كانت معصبة ..

وعاد انا اعتذرتلها ثلاث مرات مرتين بالتليفون ومرة مسج ههههه بس ما احس انها رضت .. والله ما تهون علي

فديتها .. يلا ما عليه العيد قرب بسلم عليها في العيد انشالله تكون نست لين هذاك الوقت ..

الين العيد ... سيريلها الحين قبل رمضان وخذي مابخاطرها
"شكلي داشة عرض" بس شفتج تتفدينها قلت اكيد تحبينها وماتهون عليج

**بنت الشوامس** · 2007-08-28, 17:39

انا جرحت ربيعتي او وحدة كانت ربيعتي اهلها جكوها تكلم واحد ،،،وقفت وياها وقفة رجال"مادري وين ابا"ماتمنن عليها بس انصدمت يوم عرفت انها ملجت "خذت اللي تكلمة" بدون ماتقولي يعني انا على اعصابي احاتيها وافكرفيها اخر شي تطلع مالجة وانا مادري ... اتصلتلي عقب ماملجة جان تقولي فلانة قلتلها نعم ... قالتلي انا فلانة قلتلها عفوا اختي ماعرفج ... قالتلي انا ربيعتج .. قلتلها اسمحيلي اختي اول مرة اسمع اسمج .. قالتلي نسيتيني قلتلها اعرفج انا عشان انساج... قالتلي يوم بتي خالوة سلمي عليها وقليلها اني اتصلت قلتلها ان شاء الله مع السلامة ""هذي كل المكالمة""
اسميني غلست عليكم صح (بس والله فضفضت)

**شموخ ذاتي** · 2007-08-28, 17:48

عن نفسي أنا الحمدالله >>>>> ما أتذكر اني جرحت أحد

تقبلي مروري ....... شموخ ذاتي

الموضوع: منو جرحت انسان تدخل ؟؟

أدوات الموضوع

عرض

المواضيع المتشابهه

جرحت قلبي على فرقاك

إن جرحت قلبٍ حبكـ

أكبر قهر لاضاع عمرك ورا انسان !! تبي غلاه وهو يبي انسان ثاني !!!

اغلى انسان عندج ..........واكثر انسان تكرهينه