ضايعه ومحتاره

[Ch3nel]

انتي معدنج من ذهب ..


كفو عليج ..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احلى بعفويتي]

مدمن .. ويرجع للادمان .. ربعه وراه .. كل يوم مسجون ..
هالنونو بتكبر و بتسال عنه .. بيقولها مسافر .. كل يوم ع هالحاله ..
الابو شرطه يكون صالح ,, يعني عصبي نرفوزي يامر وايد ما يقول كلام حلو اناني متكبر مزعج غبي هالصفات ممكن تستحملينها بس انه انسان خارج عن القانون بالادمان .. وايد صعب ..
ادمان حبوب بعدين بودر بعدين ابر و يله .. يلج مزرق و مضروب وانتي كم بتتحملين ..
انا براي هذا زوج غير صالح .. حتى لو خذتي عن حب العشره تغير وايد من الحب .. ياتزيده يا تجلبه لحب عادي او علاقه فاتره .. لو انا مكانج و هذا حالي .. ومنهدا بعد كل هالمحاولات .. بشوف نفسي .. لان الهم يكبر و يعيز و يزيد الوحده امراض .. ونتي عندج نونو تبيلها الصالح ..

[V I P]

ريلج ما بيعتدل الا اذا ودر رفقاء السوء .. الله يهديه ويهديهم يارب

[بنت ريلي]

مشكوًرات خواتي عالنصايح والله ياما وقفت وياه وزرته في السجون بعيد عن امارتي وكلمت ها وها واترجاهم وعشت ليالي تخوف الله كريم ماجوره ان شاءالله كله لجل خاطر بنتي بس اللي تقولي انفصل ترا حياة بنتي ومستقبلها في بيت ابوها عند يدتها ويدها اجوفلها احسن من غير لانهم يخبونها ومتعلقين فيها وايد ومب مقصرين عليها الحمدالله ف انا افكر في بنتي قبل نفسي

[mini_bunny]

الله يهديه ويارب يريح بالج ويسر ويفرج ههمج

[بهلولة]

فعلا اختيارج
ةانتي بالبداية عاندتي واخترتيه

وبعد الحين اختيارج
يا اتمين وياه ولا تسريح باحسان

[لعيون حبيبي]

انتي حرمه كفؤ يااااااارب يجازيه علئ صبرج ويسخر ريلج ويهديه

[بنت ريلي]

الله كريم خواتي امس سرت احوس بين المحامين كل واحد يقول انا في الاتعاب حشا ليش جي صاروا غالين يعني الوحده ماعندها شو بتسوي قلت ببيع ذهبي عمتي حلفت علي مابيعه ماعليه الحين ادور ارخص محامي

[أم راشد العين]

الله يعينج

[امل السورية]

موووووووووووووفقة

[um YaSs]

اسمحيلي على هالكلام ريلج انسان فاشل وبلا مسؤوليه وما يصلح ابدااا للزواج

اولا اللي يبا يتوب ويعتدل حاله يعتدل من اول مره غلط فيها مب يغلط ويرد للغلط مليون مره

ويقص عليج بكلمتين يقولج اسف وسامحيني وتبت وانتي تصدقين هاييل الرياييل يقصون عالحرمه بكلمه والمسكينه تصدق

حبيبتي الحب مب كل شي فالدنيا اهم شي اخلاقه واحترامه وتقديره لج وان يكون قد المسؤوليه

يعني واحد مرابع عيال سو ومدمن وراعي مشاكل وسجون شو الللله حادني اتم معاه والله لو اموت ع ترابه

اذا الريال ما يبا ينصلح ويهتدي من نفسه كيف بتغيرينه انتي وبتصلحينه مستحيل لازم ايي الشي من نفسه وتكون عنده اراده

وبعدين كيف هلج ما يدرون ؟؟ حتى لو بيعايرونج المفروض يعرفون والمسكينه الصغيرونه شو ذنبها باجر يوم بتكبر

بيقولولها بنت خريج السجون ؟؟؟؟ وحتى لو طلع واعتدل مستقبله بيتم فيه نقطه سودا وصععععب يحصل وظيفه

الحين اللي ملفاتهم بيضا ونظيفه مب محصلين الوظايف كيف ريلج ؟؟

الصراحه ماعرف انتي كيف مستحمله وبعدج عايشه معاه عطيتيه فرصه وخلاص هو ما يبا يصطلب

يا انج ترمسينه جد وتفهمينه ان اذا طلع من السجن ورد للادمان وربعه اللوث بتطلقين ومابتمين وياه

او انج اتمين معاه وعايشه هالعيشه الفاشله مع واحد فاشل بلا مسؤوليه

[ام حمده3]

الله يعينج حبيبتي عليج بالصبر وأدعيله يمكن هذا امتحان من الله لج والله يهديه يارب

[بنت ريلي]

انا مخبرتنه هاي اخر فرصه له والله مثل ماقلت هو طيب وياي بس الشيطان قاص عليه ويحب بنته بعدين وايد اثرت علي هالكلمه (بنت خريج سجوون) الله كريم وانا نفسيتي وايد تعبانه ومحد يعلم بحالي غير ربي واحاول اخبي حزني باي ابتسامه تدرون امس حميتي تقولي جنج معرسه ومب معرسه هي مش قصدها تجرحني بس كلامها صدق وانا والله الحمدالله علاقتي معاهم وايد زينه وهم يقولون انتي اختنا ومب مقصرين في بنتي الحمدالله علي كل حال وربي يصلح حالي

[بنت ريلي]

والله نفسيتي وايد تعبانه كل يوم اتم روحي اتم اصيح واتالم علي حالتي تدرون ماعندي حد افضفضله حتي صديقاتي ماصرت وياهم وايد بعد ماكنت اطلع واضحك واستانس وياهم يوم اشتكي لحمياتي الحال يقولون لي ماعندج سالفه تضايجين علشانه مب السالفه جي بس كل وحده ريلها مب موجود وياها والله تتعب وتحس بالنقص ومعاير الناس لي وفوق كل الهموم علي ضغوطات الحين كل يوم اسير لمحامي قبل يوم الاربعاء ابغي لانه الحكم بيكون ها اليوم خواتي لو وحده تعرف محامي زين وماياخذ اتعاب وايد في الشارجه تخبرني لو تقدرون ويزاكم الله الف خير

[Hudaa8]

الإنسان في النهاية لازم يتحمل نتيجة قراراته ، بالإضافه عندج بيبي الحين منه
حرام تعيش مكسوره ، و على قولة أمي الريال دووم في شبابه يتصرف بطيش
من يكبر يتغير و يعقل ، تحملي إختي الغاليه و الصبر مفتاح الفرج